Sensiva

احدث المشاراكات

• 2016-02-29 (12:07:03PM) Huawei Ascend Mate7

  حد جاله اشعار بوجود تحديث لوليبوب؟

---

• 2015-04-30 (06:53:08PM) Lenovo S90 Sisley

  تحديث لوليبوب نزل النهاردة على الموبايل

---

• 2015-04-19 (06:46:04PM) Lenovo S90 Sisley

  السماعة واحدة بس اللي بتشتغل. المكان التاني ده المايكروفون.
  لو مسكت الجهاز و وشك للشاشة اللي تحت يمين مدخل الشاحن هيا المايكروفون
  اللي تحت شمال مدخل الشاحن هي السماعه

---

• 2015-04-19 (06:42:27PM) Lenovo S90 Sisley

  الهواوي و اللينوفو حمادة... و الجي تايد حمادة تـــــاااااني خــــااالص

---

• 2015-04-10 (02:03:49PM) Lenovo S90 Sisley

  مبروووك يا باشا
  نزل كل التحديثات. و كل ما تنزل تحديث اعمل تحديث تاني لحد ما يقوللك انك بتستعمل أخر اصدار
  اتأكد ان مفيش حاجه بتحجب حساس الاضاءه عشان يديلك اضاءة مناسبة

---

• 2015-03-19 (06:47:26PM) Lenovo S90 Sisley

  مع الاستخدام المتوسط اللي شرحتهولك على التليفون أسمسم
  :D

---

• 2015-03-19 (07:15:57AM) Lenovo S90 Sisley

  لأ مافيهوش
  مع ان كل المواقع بتقول في المواصفات انه فيه NFC بس انا ملقيتش أي أعدادات ليها
  حتى GSMArena كاتبين في المواصفات انه فيه NFC بس في المراجعه قالو انه مفيهوش

---

• 2015-03-18 (09:45:41PM) Lenovo S90 Sisley

  ده الاداء حسب استخدامي
  
  

---

• 2015-03-14 (11:46:45PM) Huawei Ascend Mate7

  بالنسبة لقوة اضاءة الشاشة في الشمس اخبارها ايه؟
  الموبايل في الشمس واضح؟
  و انتا ماشي في الشارع في يوم مشمس ، بتشوف الكلام على الشاشه كويس؟

---

• 2015-03-14 (12:28:05AM) Huawei Ascend Mate7

  بالنسبة لقوة اضاءة الشاشة في الشمس اخبارها ايه؟
  الموبايل في الشمس واضح؟
  و انتا ماشي في الشارع في يوم مشمس ، بتشوف الكلام على الشاشه كويس؟

---

• 2015-03-13 (01:08:42AM) Lenovo S90 Sisley

  Star1 انا مش بستعمل Viber. بالنسبة لسؤال الواتسآب لا مبيديش أي الوان فقط أيقونة الاشعار لما يجيلك رساله

---

• 2015-03-12 (01:34:35PM) Lenovo S90 Sisley

  semsem85 الـ P70 احسن بكتير في المعالج (ثماني النواه)
  البطاريه في تليفون الـ S90 كويسه بالنسبه لي
  استخدامي عباره عن مكالمات ، فيسبوك ، تويتر ، لينكيدإن بالاضافه لبرنامج البريد الالكتروني بكمية حسابات و رسائل بالالوف بالاضافه لبرامج الدردشة زي لاين و واتسآب و الكلام ده لمدة متوسطة 8 ساعات يوميا
  و بشغل عليه راديو من الانترنت لمدة 4 ساعات يوميا على الـ 3G
  الموبايل طول اليوم متوصل بالبلوتوث عشان السماعات
  بيقعد معايا يوم و نص. و بستغل خاصية الاحتفاظ بالطاقه عشان اقدر استقبل مكالمات لحد ما اوصل لأقرب شاحن
  عاوز الفت نظرك ان حجم البطارية مش مقياس تقدر تعتمد عليه في الاختيار لان كل تليفون ليه طبيعة في استهلاك الطاقه
  عندي تليفون Lenovo A3000 بطارية 3500 كان بيقعد معايا يوم بالعافيه على نفس الاستخدام. و لما ببقى اغلب اليوم في الشمس بعلي اضاءة الشاشة و البطارية بتخلص قبل اليوم ما يخلص و بشحنه بالبطارية الاحتياطي

---

• 2015-03-11 (08:27:28PM) Lenovo S90 Sisley

  انا اشتريت التليفون من موبايل شوب. 2499 جنيه
  العلبه فيها جراب ظهر بلاستيك قوي و شفاف و معاه شاشة حمايه و شاحن و كابل USB و السماعات
  الجهاز شكله شيك جدا طبق الاصل الآيفون بطريقه ملفته. جسم معدني كامل ما عدا حرف التليفون من فوق معمول بلاستيك. الجهاز سهل جدا في مسكه في اليد و خفيف جدا لدرجة انه ممكن يقع من ايدك. الشاشه ملزوق عليها حمايه بس مطبوع عليها رسم طريقة تركيب الشريحة. ممكن الرسمه تتمسح بمزيل و تحتفظ بالشاشة الحماية و تخلي الشاشة الحماية اللي في العلبة تستعمل بعدين. انا عملت كده عشان التليفون ملهوش اكسسورات
  الجهاز أداءه كويس جدا مقارنة انه رباعي النواه. اضاءة الشاشة و دقة وضوحها ممتازة حتى في الشمس. و ده كان الشئ الاساسي في اني اخدت قرار اختيار الموبايل ده. واضح جدا في الشمس.
  بينزله تحديث مرتين. معرفش كل تحديث كان وظيفته ايه. اول ما فتحت العلبه وصلت الجهاز في الشاحن و عملتله تحديث.
  انا مجربتش احط فيه غير شريحه واحده. نقاء الصوت رائع. صوت السماعة الخارجيه ممتاز. و كمان اللي بيسمعني على الناحية التانيه بيسمع بوضوح و نقاء حتى لو حواليا ضوضاء.
  انا بشحن التليفون مره كل يوم و نص تقريبا و انا استخدامي متوسط. و فيه خاصية الاداء الاقتصادي للبطاريه جربته كانت البطاريه 10% و شغلت الخاصيه قعد معايا ساعتين منهم 30 دقيقة مكالمات
  الكاميرا الاماميه و الخلفيه كويسين بس انا بحس ان الصورة كما لو كانت متلونه بالوان فلوماستر. يمكن تكون دي طبيعة كاميرات الموبايلات بس انا معرفش قوي فيها.
  ضوء الفلاش قوي جداً
  بالنسبة للشبكه ثابت و مستقر على مدار اليوم ما عدا نفق المترو بيلقط GSM بس
  الاندرويد بتاعه اصدار كيت كات بس واجهة الاستخدام ازعجتني بسبب ان سطح المكتب هو المكان بتاع البرامج مش زي اللينوفو الـ A3000 . بس مع الاستخدام و التنظيم اتعودت عليه.
  بيسجل مكالمات و معاه برنامج حمايه للخصوصية ليه وظايف كتير من ضمنها بلوك للمكالمات و الرسائل للارقام البلاكليست.
  الجهاز فعلا يستاهل فلوسه و سعيد جدا اني اشتريته خصوصا شاشته الواضحه في الشمس.
  ده اللي فاكره حاليا ممكن اجاوب على اي اسئله.

---