بدور علي ايه؟ اكتب رقم موديل الموبايل الابدور عليه
3abkurino
احدث المشاراكات
-
2017-09-01 (03:34:11PM) Xiaomi Mi 5
السلام عليكم، أنا اشتريت الموبايل ده من الكويت عشان أجيب النسخة الـ128 جيجا، موبايل تحفة، مفيهوش غلطة، هحاول أذكر مميزاته وعيوبه:
المميزات:
1- الموبايل سريع جدا عالنت وبره النت، أحيانا بيحصل بطء لحظي في الألعاب الثقيلة، بس غير كده ولا حاجة.
2- الكاميرا الخلفية أكثر من رائعة، الفوك مبياخدش وقت بتاتا، بتفتح الكاميرا وتصور قبل ما الموبايلات التانية تفتح التطبيق.
3- الكاميرا الأمامية جيدة جدا، حتى في الأضواء الخافتة.
5- الصوت كويس جدا، نقي، مش قوي أوي، بس واضح.
6- صوت السماعات الداخلية رائع، واضح، قوي، حتى لو الشبكة ضعيفة.
7- حساس البصمة سريع ودقيق، لكن مبيشتغلش والموبايل stand by.
8- شكل الموبايل وتصميمه أنيق جدا، داخليا وخارجيا بيحاولوا يقلدوا iPhone.
9- سهل تمسح أي تطبيق من التطبيقات اللي نازلة معاه جاهزة.
10 - التطبيقات بتاعت MI اللي نازلة معاه لذيذة ومفيدة.
العيوب:
1- مساحة داخلية ثابتة بدون كارت ميموري، عشان كده أنا جبت أعلى فئة.
2- لو انت أشول، صوابعك هتيجي على زرار الباور وتقفل في وش اللي بتكلمه :D حصلت معايا 3 مرات لحد ماتعودت أتكلم باليمين.
3- تطبيق المزيكا مش لذيذ خالص.
4- مفيهوش app drawer زيه زي الـiPhone.
5- السوفتوير بتاع الجهاز أقرب للـIOS من الأندرويد، وده لو انت من محبي الأندرويد هيتعبك جدا عشان تتعود عليه.
6- توقعت إن البطارية تبقى أحسن من كده، بتقعد يوم بالعافية، ولازم أول ما أروح أشحنها، وساعات وانا في الشغل، مع العلم إني فاتح النت على طول، وباستخدم الجهاز كتير جدا، وبالعب ألعاب تقيلة كتير (4 ساعات مثلا في اليوم)، يعني استخدامي تقيل جدا جدا جدا.