بدور علي ايه؟ اكتب رقم موديل الموبايل الابدور عليه
tony195
احدث المشاراكات
-
2016-10-31 (02:26:03AM) Apple iPhone 7
dream 2000
-
2016-08-31 (12:01:56AM) Huawei P9 Plus
انا شايف ان الموبيل دا افضل من الايفون 6 , فيه من المميزات كتير اوي يميزه عن الايفون , و غير كدا معظم مميزات الايفون انا معتقدش ان كتير مننا بيستفيد بيها , و صدقني مش هاتندم علي موبيل ذي دا ....
-
2016-08-19 (01:32:16AM) Huawei Mate 8
بص يا سيدي : الموبيل فعلا كان سعره 4200 و لكن الموبيل ذاد الطلب عليه اوي فبقي سعره 4700 دا من غير حكايه الدولار المنيله , اول ما الدولار رفع بقي ب 5500 , طب سعره هاينزل ولا لا ؟
_ بص لو الدولار نزل الموبيلات كلها هاترخص , اول لما تسمع ان الدولار بقي ب 9 زي ما كان استنا كدا شهر هاتلاقي الموبيل رجع تاني ب 4700 اما انه ينزل عن السعر دا, فاصعب , الا بقي لو صبرت حوالي 6 شهور و دا كتير اوي و لكن ساعتها الموبيل هايرخص جداً .
من الاخر اصبر شويه لحد ما الاقتصاد يتعدل متعدلش شوف موبيل تاني او جيبه ب 5500 و امرك اللي الله ,
و اي استفسار انا معاك يا باشا ... -
2016-08-19 (01:19:26AM) Samsung Galaxy Note 7
عندي سؤالين :
الاول : سعر الموبيل انت مش شايف انه مبالغ فيه شويه , هاتقولي دا سعر عالمي هاقولك طب اوكي السعر الرسمي للدولار هاقولك السعر الرسمي في كل دول العالم اقصاه 800 دولار يعني بالميت خالص لو جبنا الدولار بسعر السوق السوداء هايبقي ب 9000 ضيف كدا ال 10% بتعكوا يبقي 10000 , الالف و نص الزياده دول جم منين ؟؟
الثاني : قولي تذكره الطيارن دي تفصيلها ايه بعد اذنك و هاروح فرع بي تك اللي في مصر و السودان بكرا احجز الجهاز و قولي كمان بعد العرض ما هايخلص هايبقي التلفون سعره كام ؟؟
__________________________________________________________
ارجوكوا يا جماعه ارحموا الناس شويه , انا عارف ان التلفون رائع و كل حاجه بس مش لدرجه انك ترفع في سعر الجهاز لحد ما يوصل ل 11500جنيه !!! -
2016-08-17 (11:46:44PM) Huawei P9 Plus
في الوقت الحاي توكلي علي الله من السعوديه متفكريش في مصر , انا بالنسبه للهاتف نفسه هفو يستحق السعر بدون شك .
-
2016-08-17 (11:45:12PM) Huawei P9 Plus
لا يا عم فيه ناس هاترد عليك ....
بص الموبيل رائع جداً بالنسبه لسعره و عندك حق تمسك في موبيل زي كدا بس انا هاتكلم عن الحاجات اللي انت عايز تستفسر عنا :
الشاشه :
الشاشه من نوع سوبر اموليد , متقلقش هاتلاقيها بجوده عاليه جداً الموبيل انا جرته بنفسي و عارف الكلام دا كويس , الوان حقيقه و فعلا شاشه روعه و مش هاتفرق باي حاجه عن الوان و كثافه بيكسلات سامسونج .
الصوت :
دا بقي متسئلش عليه , عفلا هواواي دا يعتبر من افضل هواتفها من جهه الصوت , الصوت فيه ميزه حلوه اوي , السماعه الاماميه بتاعت المكالمات بتشتغل مع السماعه الرئيسيه اسفل الهاتف و دا بيديك صوت مجسم رائع , صدقني افضل بكتير من هواتف سامسونج نفسها , و يقترب من جوده صوت هواتف htc و ما ادراك بصوت الهواتف دي .
الكاميرا :
الكاميرا زي مانت اتوجع دماغك مليون مره من صناعه شركه ليكا الالمانيه و هي من افضل شركات صناعه الكاميرات علي مسوتي العالم كله و مجرد اسمها بس يفكي و لكن فيه ملحوظه صغيره عايزك تعرفها , الكاميرا مش من صنع لايكا هي بس تحت اشرفها , و لكن المستشعر من سوني و هو في الحقيقه ممتاز و العدسات من شركه صينيه بردو مش بطاله , اما بقي عن الاداء الحقيقي للكاميرا , الكاميرا جيده جدا , بالنسبه للاضاءه الطبيعيه الهاتف بيقدم صور خرافه الحقيقه زيها زي كاميرا ال s7 مشكلتنا في الاضاءه المنخفضه , بيقدم صور مش بجوده هواتف كتير زي s7 , lg g5 ,htc 10 دول افضلمن p9+ في الاضاءه المنخفضه , بس برضو دا ميقولش انه بيقدم اداء سئ , لا هو كويس و لكن فيه الافضل .
الكاميرا الاماميه :
ادائها ممتاز جدا و زيه زي كل الهواتف الرائده متقلقش منها خالص هاتبقي كويسه معاك جداًَ ..
كدا انا خلصت اسئلتك لو عايز تعرف اي حاجه تاني انا تحت امرك ..
-
2016-08-17 (11:34:11PM) Samsung Galaxy Note 7
بص يا استاذي , احنا في مصر بيتنصب علينا اللي حصل ان سامسونج ادت توكيل الحجز المسبق للجهاز لكل منافذ البيع الكبيره في مصر , اللي من ابرزهم , موبيل شوب , رايه , شركات الاتصالات الثلاثه , i2 , و غيرهم من الناس الحلوه اللي بتذود علي سعر اي موبيل من الفئه العليا اكتر من 13% .
ايه بقي الهدايه اللي مقدمها سامسونج مصر , بور بانك سامسونج و خد المفاجاه , تذكره طيران لاوروبا و اول مره اشوف تذكره طياران من غير اسم دوله معلنه , يعني ممكن تلاقي نفسك في الاخر في قبرص دا لو ملقتش نفسك في بلطيم التذكره دي .
المصيبه الاكبر , الموبيل هايزنل مصر بسعر 11999 دا عند الناس الحلوه اللي انا قولت اسميهم فوق , اما بالنسبه للسوق العادي و علي راسهم dream 2000 و غيره من التجار الكبار , هايبقي تقريبا 9300 مع انه المفروض يبقي زي مانت بتقول 8 الف جنيه مصري و لكن تقول ايه في الدولار .
انصح اي حد عايز الجهاز دا بحاجه من اتنين , يا اما يجبه من برا مصر من دول معينه اسعرها فعلا معقوله , زي الامارات او السعوديه او كندا زي مانا هاعمل , او الحل التاني , استنا شويه لما الدولار يهداً كل اسعار الموبيلات هاترضع غصباً عن عين اي حد للسعر القديم اللي هو 17% اقل , يعني ال9300 هاتبقي فعلا 8000 و اعتقد دا سعر مبدئي كويس لجهاز النوت 7 و صدقوني مع نزل s8 للسوق هاتف النوت 7 هايبقي اقصي قيمه ليه في مصر 7600 و احتمال اقل كمان و لكن الصبر مش جميل .
اتمني اسمع راي المشرفين في الكلام دا ................... -
2016-08-17 (01:32:13PM) Samsung Galaxy Note 7
دا هزار يا جماعه السعر الأصلي للجهاز خارج مصر لا يتعدي 8 الف جنيه
-
2016-08-09 (01:51:17AM) Huawei P9
التلفون تحت اشراف شركه LEICA و لكن العدسات مش من تصنيعها ولا حتي العالج , الشركه ساهمت بس بالاشراف علي صناعه الكميرا بوجه عام , و الشركه اهتمت اكتير بالتعاون مع شركه هواوي بتحسين السوفت وير , اما الهارد وير فدا موضوع تاني , فالعدسات انتجتها شركه صينيه اما المستشعر فهو من شركه سوني , ليكا اشرفت بس زي ما قولت .
-
2016-08-09 (01:38:45AM) Samsung Galaxy Note 7
دلوقتي يا جماعه عايز اسئل عن اولا سعر النوت 7 السعر الرسمي للموبيل 850 دولار طب انا لما هاجي اشتريه من مصر , هاتعامل بالسعر الرسمي للبنك المركزي ولا هاتعامل بسعر السوق السوداء , دي اول حاجه عايز اسئل عليها ..
الحاجه الثانيه الاسعار اللي عليت دي بمعدل 17% علي كل الموبيلات هاتنزل تاني ولا عليه العوض ولا الاسعار كالعاده هاتنزل بشكل تدريجي ؟؟