thunderofdew

احدث المشاراكات

• 2010-12-22 Nokia 6700 slide

  اعتقد المشكله دى من نسخه مشغل الفيديو اللى موجوده على الجهاز يعنى مشكله سوفت وير مش عيب تصنيع ولا حاجه اطمن وما تقلقشى
  انت ممكن تنزله سوفت تانى فى الضمان ممكن يبقى كويس ان شاء الله .. دا اعتقادى
  بس انا ماحصلتشى معايا المشكله دى خالص انا بشغل الفيديوهات عادى وكمان حاطت عليه افلام كامله وبتفرج عليها فيه

---

• 2010-12-14 Nokia 6700 slide

  اممممممممممممممممم يا ريتنى كنت اشتريته من التوكيل من الاول .. انا اشتريته من التميمي اللى فى نص البلد لانى ساكن جنبه واستقربته
  وفعلا قالى مافيش غير التلات الوان اللى انتى قلتى عليهم دول فاشتريت البترولى لان الفضى حسيت انه لو تقليدي اوى والفوشيا لقيت شكله مزعج جدا .. بس انا من الصور كنت شايف ان الاحمر جامد جدااااا
  عارفه انا صور الكاميرا بتاعته بوديها الاستوديو وبطبعها فى كروت كبيره وبتطلع تحفه وواضحه جدا .. طابع لبنتى اكتر من كرت بالكاميرا بتاعته كمان صوته عالى وجميل .. غير انه وقع منى اكتر من مره وبيستحمل ما شاء الله .. مافيش مشكله واجهتنى لحد دلوقتى غير المشكله اللى كاتب عنها تحت واعتقد انها مشكله سوفت وير
  احـــــــــــــــــــــــمد

---

• 2010-12-13 Nokia 6700 slide

  bero صح يا
  كلامك مضبوط ميه فى الميه الموبيل جميل ومعايا من 6 شهور وما تنسيش ان امكانيته مناسبه جدا لسعره ودى من مميزاته اللى محدش واخد باله منها .. دا طبعا غير كاميرته التحفه الخمسه ميجا بكسل والفلاض المزدوج .. بس انا لما رحت اشتريه كان عاجبنى اوى اللون الاحمر بس وقتها عرفت ان مانزلشى مصر منه غير 3 الوان بس فجبت البترولى ومش عارف الوانه السته كلها نزلت مصر ولا لسه

---

• 2010-12-12 Nokia 6700 slide

  استنى استنى استنى
  ههههههههههههههههههههههههههه
  انا قريت تعليقك اللى فات تانى وحسيت كده والله اعلم انك لسه بتتكلم فى موضوع البطاريه
  يا عم كبر دماغك بقى دى حاجه مش هتفرق غير مع اللى شايلين الموبيل ده فعلا واى حد تانى مش هتفرق معاه وكل واحد مظبط نفسه حسب استخدامه لموبيله وعارف يشحنه امتى ومرتاح .....
  مش عارف انت تاعب نفسك ليه فى القصه دى .. هههههههههههههههه وانت قلت رايك وخلاص
  وكده كده الفلاش المزدوج اللى في الكاميرا بتاعته قوى على اى بطاريه
  وعمومااشكرك .. كده فهمت تليفونى ضمان رايه زى ما قولت فى تعليقي الاولانى وهو لسه طبعا فى الضمان لانى مشتريه من 6 شهور بالضبط ..
  عموما لو عملها تانى هاروح انزله سوفت طالما انت شايف ان السوفت اللى فى الضمان قوى .. هو لحد دلوقتى معملهاش بقاله فتره والحمد لله
  انا اصلا مشتريه عشان الكاميرا بتاعته وعشان حجمه فى نفس الوقت .. بس بجد الكاميرا بتاعته تحفه انا مصور بنتى بيها وطبعتها فى الاستودويو فى برواز كبير والصورة طالعه روعه

---

• 2010-12-12 Nokia 6700 slide

  اشكرك على ردك بس كنت عاوز اتاكد انتى بترد على تعليقي انا ولا تعليق تانى قبلى ؟
  على كل حال كلامك جميل بس بجد مافهمتش منه حاجه..
  بجد لو ماكنتش فهمت المشكله اللى فى جهازى كويس او شرحى كان مش واضح قولى .. وانا هاشرحالك تانى لأن بجد الموضوع ده غايظنى اوووووى ومش لاقيله حل .. حصلت لحد دلوقتى مرتين وانا بستخدم الهاند فري كتير وبحب اسمع الراديو عليه ولما كانت بتحصل القصه دى كانت بتغظنى اوى
  وشكراااااا

---

• 2010-12-12 Nokia 6700 slide

  السلام عليكم يا شباب
  انا اول واحد ضفت تعليق على الموبيل ده فى الموقع هنا بتاريخ 14/3
  لانى مهتم بيه من زمان وكنت عاوز اعرف نظامه ايه وتقدروا ترجعوا لاول صفحه فى التعليقات هتشوفوا تعليقي
  المهم اللى عاوز اقولهولكم انى اشتريته فعلا بتاريخ 4 يوينو .. اشتريت اللون البترولى بضمان رايه كان سعره وقتها 1400 جنيه ومش عارف بقى بكام دلوقتى
  المهم انا هاجيبلكم من الاخر بالضبط المشاكل اللى واجهتنى معاه .. اول بالنسبه لموضوع البطاريه احب اقولكم من الاخر انها نفس شكل وحجم بطاريه الان 70 وهى زيها زى بطاريه اى موبيل جديد بتقعد حوالى 4 لو ماتكلمتش ولما بتكلم بتقعد يومين لكن اللى بيخلصها بسرعه الفيديو والفلاش
  يعنى بطاريه عاديه ومش وحشه
  وهو موبيل ممتاز حجمه وشكله ممتازين
  لكن المشكله الوحيده اللى واجهتنى لحد دلوقتى وبأمانه كانت فى السوفت وير
  بيعمل ساعات حركه رخمه جداااا وهى انى فى مره وانا مركب الهاند فري وبسمع مشغل الاغانى جانى ميسد كول فطبيعي ان الاغانى سكتت لحد ما الميسد كول خلص وكان المفروض ترجع تشتغل تانى لكنى فوجئت انى مش سامع اى صوت فى الهاند فري يعنى الاغانى بتشتغل فى الاسبيكر بس لكن لما اوصل الهاند فري ماسمعشى لا الاغانى ولا الراديو اتصلت بالضمان قالى اعمله استعاده ضبط المصنع
  عملته فعلا اشتغلت تانى .. لكنى فوجئت بعد فتره ان نفس الحركه حصلت تانى وعملته استعاده ضبط المصنع تانى
  يعنى اعتقد ان دى مشكله سوت وير مش هارد وير
  فاهميني يا جماعه ؟ يا رب اكون عرفت اشرح المشكله كويس
  واللى عاوز يسألنى فى اى حاجه يتفضل
  وسورى انى طولت عليكم
  احمد

---

• 2010-03-14 Nokia 6700 slide

  موبيل جااااااااااامد وكاميرا روعه بالنسبه لسعره
  بس مش عارف اشتريه ازاى محدش هنا بيرد عليا من الشركه رغنى ارسلتهم اكتر من مره

---