moka2016

احدث المشاراكات

• 2015-03-25 (10:28:22AM) Sony Xperia Z2

  اشتريت موبايل سونى Z2 من حوالى شهر وبعدين بفحص الموبايل من برده لقيت فى فرق بين الشاشة والشاسية من الجهة العلوية من الموبايل من الجانب الايمن .. ماذا أفعل .. هل ده عادى ولا اعمل ايه ؟؟

---

• 2015-03-10 (10:12:03AM) Sony Xperia Z2

  فين ياسمسم باشا ...
  1 - سألت فى محل الافاكتو فى وسط البلد - ردى عليه الموبايل عامل 3950 جنيه بقوله ليه مش كنت عندك الاسبوع ايلى فات وكان عامل 3700 جنيه .. رد عليه وقولى ياباشا الموبايل شاحح فى السوق .
  2 - دخلت شارع شريف وسط البلد ( كولكشن سنتر ) عامل 3900 جنيه .. محل جنبه قالى 3890 جنيه .. سألتهم فى ايه الموبايل رفع فجأة ليه كده من 3650 الى 3950 جنيه .. كلهم ردو عليه نفس الرد .. الموبايل شاحح لأنه خلص من التوكيل بتاعه دلتا ورزق الله وايلى معاه حته او حتتين بيلعب بسعرهم ...
  فين بقى بالسعر ايلى إنت بتقول عليه ياسمسم باشا شكلك من متابع الدنيا فى اسعار الموبيلات

---

• 2015-03-09 (09:50:27AM) Sony Xperia Z2

  ياجماعة والله انا كنت ناوى خلاص أشتريه وبعدين لقيت سعره رفعه فجأة من 3650 الى 3950 جنيه
  قلت والله ماهجيبه ... لأنى أصلاً كنت متردد فى شرائه ... الحمد لله جت من عند ربنا .. الحمد لله بلاها موبيلات دلوقتى .. .. علشان شكلها كده دخلين على أيام مايعلم بيها غير ربنا فى إرتفاع الأسعار .. يخرب بيت الدولار .. حد متفق معايا ..

---

• 2015-02-16 (11:27:59AM) Sony Xperia Z2

  بصراحة كده ... أنا معجب بسونى وحابب موبيلاتها .. وداخل فى حوالى شهر على أنى اشترى Sony Z2 بعد مراجعات كتييييييييير وكلام كتييييييير وأراء كتييييير وتغاضيت عن العيوب .. كويس
  وبعدين إمبارح وأنا ماشى فى وسط البلد تحديداً فى شارع شريف لقيت محل كبير عارض موبيلات سونى .. دخلت وسئلت البياع عندك سونى Z2 قالى أيوه موجود .. وبعدين لقيته عرضه على الاستاند هو وZ3 جنب بعض .. قلت دى فرصة أمسك الموبايل بأيدى واجربه بنفسى وأتملى منه كويس قبل ماأشتريه وأدبس فيه لو اكتشفت فيه حاجه مش هتعجبنى .. ومسكت الموبايل واكتشفت الأتى :
  أولاً : أول مامسكت الموبايل فى ايدى لقت حرارة عاليه شوية وكنت لسه بقول ياهادى .!!!!!
  ثانياً : الكاميرا فى الأماكن ضعيفة الاضاءة .. بصراحة مش حلوة .. مش زى ماكنت متوقع .
  ثالثاً : الصوت الى حد ما مقبول .. بس مش عالى .. وموضوع السماعات إيلى فوق وتحت أدئها عادى جداً .. ولا ليهم لزمة .. من وجهة نظرى وكان من باب أولى كانت سونى دخلت خدمة Dollby Digital Plus للصوت كانت هتفرق كتيير قوووى او DTS
  رابعاً : الموبايل مش معاه السماعة Noice Cancelation
  خامساً : السعر 3700 جنيه ..
  فى نهاية كلامى .. شيئ إلهى خلانى أتراجع بعد ماكان معايا الفلوس فى جيبى .. وقلت انتظر شوية لعلى وعسى يكون هناك جديد فى الفترة المقبله وتكون الاسعار نزلت كمان ..
  الكلام ده يعبر عن وجهة نظرى الشخصية وتجربتى فى الفترة القصيرة جداً فى المحل ..

---

• 2015-02-05 (11:16:03AM) Sony Xperia Z2

  البشوات أهل الخبرة فى موبيلات Sony محتاج بعد الاستفسارات لفون sony Xperia Z2 لأن ردهم سيتوقف على شراء هذا الموبايل من عدمه .
  1- هل فعلاً كما يشاع بكثرة الموبايل بيسخن بسرعة لدرجة حرارة فوق 45 درجة ( استعمال عادى بدون 4k تصوير ونت ومكالمات ... الخ )
  2 - أيهما أفضل فى الضمان ( رزق الله ) أم ( دلتا ) .
  3 - الجهاز من الزجاج هل ده عيب كبير خصوصاً لو نزل على الأرض .
  4 - هل أصرف نظر ولا ممكن ترشحو جهاز تانى أفضل بعيد عن Sam

---