بدور علي ايه؟ اكتب رقم موديل الموبايل الابدور عليه
atsasy
احدث المشاراكات
-
2015-01-18 (10:25:09PM) Huawei Ascend Mate7
يا شباب انا كان ليا مواصفات معينه كدا تناسبنى فالتليفون اللى هشتريه يعنى كنت محتاج شاشة كبيره زى شاشات النوت مش اقل من 5.5 بوصة لان الشاشات الكبيره محدش يقدر ينكر جمالها فى الصور والفيديوهات وخصوصا الالعاب الجرافيك العالى وكمان كنت عايزها نقاوتها عاليه عشان احس بجمال الشاشة ويا سلام بقى لو كانت الكاميرا نضيفه مع الشاشة دى
ولاسف دا مش هتلاقيه فى الديزير 816 لو بتفكر تشتريه اه كاميرته كويسه ولكن شاشته مطفيه مهما زودت الاضائه دا غير ان الهيكل العام بتاعه معجبنيش فاصرفت نظرى عنه لان كان فى ناس كمان اشتكت منه عل مواقع اجنبيه شكاوى كتيره ملوش داعى نتطرق ليها
كمان انا كنت عايز تليفون بخطين فا دا ماكنش ينفع يخلينى ابص ولا لتليفونات lg لان كل الجديد منها اللى شاشته كبيره بخط واحد
لو اتجهت للسونى هتلاقى ان كل السونى صدقونى مش عملى بالمره (هتدفع فيه اكتر ماهتاخد منه) مع العلم ان خامات السونى طبعا نضيفه بس مش هيدينى اللى عايزه
لو فكرت فى النوت 4 هتلاقى انه تليفون جميل جدا بكل المقايس بس تعالى شوف سعره كام حوالى 6000 الا حاجات بسيطه وطبعا بخط واحد والخطين بتاعه لسه مانزلش مصر وياعالم لما هينزل هيبقى بكام وهيكون امتى اصلا
وطبعا بعد دراسة طوييييييله لاسواق الموبيلات بره وجوا من اراء مستخدمين عل تجارب خاصه عل بحث وتعمق فى التفاصيل
لقيت التليفون دا فى كل اللى انا محتاجه (شاشة كبيره بنقاوة عاليه هى اه مش زى النوت طبعا بس والله جميييييله جدا وهتشوف بنفسك - تليفون بخطين ودا اللى كنت محتاجه مع الشاشة الكبيره - بروسيسور عالى - مساحة داخليه 32 جيجا مش محتاج ميمورى يعنى - رامات 3 جيجا يعنى دماااار)
ببساطه كدا زى مالناس ربنا يكرمها زكرت عنه هنا وهما اللى شجعونى اكتر انى اجيبه
فالتليفون كاميرته ماشاء الله تحفه وهتديك اللى هتحتاجه منها وزياده كمان والفيديو بتاعها جميل وفيه تدقيق اثناء التصوير بالفيديو وتقدر كمان تاخد صور اثناء التصوير ودى الامكانيات اللى طالعه فى الديزير 816و الlg اللى طالعين بيها القلعه
والاماميه روعة بسم الله ماشاء الله
بالنسبة لسخونة الجهاز الجهاز جااااامد جدااا ولا بيسخن ولا فى اى حاجه وبسم الله ماشاء الله
وطبعا اتنين بروسيسور كل واحد فيهم quad فارقه جدا الجهاز سريع جدا
والوانه كلها تحفه
وفيه زرار البصمه دا حاجه تحفه ماشاء الله والجهاز جاى معاه الجراب بتاعه عل فكره وسعره لوحده ب250
انا اشتريت التليفون دا امبارح الجهاز انا لفيت عليه كتير فى اسكندريه ماكنش متوفر فى الاول
بس الحمد لله لقيته عند محل الباشا فى سموحة بسعر 4100
هتلاقيه فى اى مكان تانى تقريبا اغلى من كدا انا تقريبا لفيت اسكندرية كلها
الجهاز معاايا من امبارح وبصراحه كل اللى يشوفه فى ايدى يقلى الجهاز بسم الله ماشاء الله وهـــــــــم
يعنى بالنسبالى لو قارنته بالنوت وشلت القلم من المقارنه فاهو احسن مع العلم ان نقاوة شاشة النوت تتفوق بفارق مش كبير اوى عنه