بدور علي ايه؟ اكتب رقم موديل الموبايل الابدور عليه
patchino
احدث المشاراكات
-
2014-07-09 (06:48:24PM) Sony Xperia C
الله يبارك فيك يا استاذ عصام ومتشكر ليك جدا لانك كنت بترد ع معظم اسألتي قبل مجيب الموبايل
وفعلا زي مانت بتقول الكاميرا الاماميه كويسه ف ضوء الشمي لكن ف اي مكان مقفول او ف الليل ردئيه والاضاءه بتطلع وحشه زي ماقولت وانا جربتها ف السكايب -
2014-07-09 (06:44:01PM) Sony Xperia C
اشتريته ب 1825 بالضمان وممكن تلاقيه بأقل من كدا كمان بس لسه مشترتش ولا جراب ولا سكرينه سايبه بالسكرينه السلوفان بتاعته لحد مشتري وحده كويسه وعايز اجيب جراب ضهر كويس ياريت لو حد يعرف جراب كويس ينزل صورته
-
2014-07-08 (07:51:12PM) Sony Xperia C
انا الحمدلله اشتريت الموبايل يا جماعه وبشكر كل واحد نصحني اني اشتريه ورد ع اسألتي والموبايل فعلا ممتاز وسريع ع النت والكاميرا بتاعته كويسه جداا والبطاريه قويه ماشاء الله وبتقعد كتير نت والعاب
المشكله الوحيده اللي شايفها ف الموبايل هي الكاميرا الاماميه ف الفيديو كول انها ردئيه جدا ف عدم وجود ضوء وبهتانه وكمان زرار الباور شايفه مش جامد عشان كدا مبحبش اضغط عليه كتير بس غير كدا الموبايل تحفه ويستاهل تمنه واكتر كمان وياريت لو اي حد يعرف اي برامج للكاميرا الاماميه برنامج مثلا او اي حاجه ف ظبط الاعدادات يقول -
2014-07-04 (03:31:16PM) Sony Xperia C
وايه رأيكم في سيليكت كويس ولا فيه حد احسن منه
-
2014-07-04 (03:29:00PM) Sony Xperia C
اخر حاجه بقا هطلبها من رجالة اسكندريه ياريت حد يقولي على محل كويس في اسكندريه اشتري منه ويكون عنده ضمان ال 14 يوم ولو طلع فيه حاجه لقدر الله في الموبايل يبدله والكلام ده
لاني ان شاء الله ناوي اشتري الموبايل انهارده -
2014-07-04 (12:58:03PM) Sony Xperia C
بجد متشكر ليك ع سرعة الرد يا استاذ عصام وبجد طمنتني جدااااا الحمدلله وان شاء الله هجيبه
وفعلا زي ما كان فيه عضو محترم اتكلم عن ان البطاريه ثابته ومش بتتشال انا لسه عارف كدا امبارح وكنت مقلق من الموضوع دا جداا بس انت رديت
انا عايز بس اقولك ع حاجه ان دا اول موبايل اندرويد اشتريه عشان كدا نفسي اجيب حاجه كويسه تعيش معايا وياريت لو حد ينزل موضوع اول مشتري الموبايل اعمل ايه وادخل ع الستور ازاي وانزل برامج والعاب ازاي وانزل ايه واكون شاكر جدااا ليه
وانا قريت ان الواي فاي بتاع السوني ضعيف فهل الكلام ده صح ولا لاياريت حد يطمني وبما البطاريه كويسه وبتفضل كتير ولا بتتشحن بعد اد ايه -
2014-07-03 (07:46:21PM) Sony Xperia C
وكمان ياريت حد يجاوبني المساحه الداخليه عامله مشكله ولا لا بالنسبه للألعاب والبرامج
يعني كارت ميموري يحل مشكلة ان المساحه الداخليه بتاعته صغيره وينفع انقل عليها الالعاب والبرامج -
2014-07-03 (07:41:40PM) Sony Xperia C
يا جماعه انا شبه اقتنعت بالموبايل دا وان شاء الله هجيبه بس ياريت اي حد معاه الموبايل وفيه اي عيب لاحظو فيه يقول من حيث السرعه والاداء وبيهنج ويسخن ولا لا والبطاريه قويه وبتستحمل الشغل ولا لا
والكاميرا ايه نظامها وشكرا ليكو لان بجد مش لاقي حاجه ف سعره احسن منه ياريت تردو عليا وشكرا -
2014-06-26 (11:44:02PM) Motorola Moto G
انهو احسن ياجماعه الموبايل ده ولا اكسبريا سي ولا الجي برو لايت ؟؟
-
2014-06-18 (11:40:28PM) LG G Pro Lite Dual
شكرا يارجاله ع الردود والظاهر ان فيه اجماع ان الموبايل ده احسن بجد متشكر ليكو جدا وانا هشو
فه مع اي حد واقيم حجمه كويس لان الظاهر اني كنت غلطان -
2014-06-16 (07:45:50PM) LG G Pro Lite Dual
انا نفسي اقتنع يا جماعه والله زهقت من كتر مابقرا التعليقات مش عارف اشتري موبايل ايه بالظبط اكسبريا سي ولا الجي برو لايت
انا اكتر حاجه تهمني البطاريه تكون قويه وانه ميهنجش ويستحمل الالعاب ونت يكون كويس وكان نفسي اشتري البرولايت لان البطاريه بتاعته عاليه جدا 3140 تقريبا بالمقارنه ب اكسبريا سي 2390 بس تقريبا
وفيه عيب شايفه في البرولايت ان حجمه كبير جداا مش سهل يتشال بس مع كدا فيه ميزات كويسه ان الشاشه بتاعته قويه IPS LCD كابستيف مقارنه بسوني اكسبريا TFT
غير كدا ان فيه عيب ف السوني ان المساحه الداخليه 4 جيجا بس يعني صغيره جدا نص البرو لايت
ياريت حد يقنعني ولو فيه حاجه غلط قولتلها يوضحلي اكتر لان انا معايا 2000 جنيه وعايز اشتري حاجه كويسه وتعيش معايا ومحدش يقولي سامسونج