بدور علي ايه؟ اكتب رقم موديل الموبايل الابدور عليه
احدث المشاراكات
-
2014-06-11 (03:25:38PM) HTC Desire 816
أفضل شركة سمارت فون بالنسبة للأندرويد يعني هي آيفون الاندرويد وأي حد يجربها صعب جدا يسيبها وده رأي شخصي وده بعد استعمال سامسونج وسوني طبعا مفيش مقارنة HTC الوحيده صاحبه احتكار الجودة والمتانه في عالم الهواتف بس للاسف مش واخده حقها رغم أنها أقدم وأعرق شركه في عالم الاندرويد وده بسبب الدعاية والاعلان وكمان لأن فيه ناس كتير مش بتعرف يعني ايه HTC بس عند التجربة الوضع بيختلف أتمنى أكون أفدت رواد المنتدى الرائع ده وزى ماقولت ده رأي شخصي يعني بدون تعصب وأنا تحت أمر أي عضو في أي استفسار
-
2014-06-08 (12:49:07AM) HTC Desire 816
انا الموبايل مش معايا بس معايا HTC one وبصراحة قمة الروعة شركه محترمة جدا وبتحترم العملاء جدا رغم ضعف المبيعات مقارنة بسامسونج إلا أن هذه الشركة متمسكة بمبدأ الفخامة والجودة. بس دايما احنا كمصريين وعرب بنحب نجري ورا المنتشر وكأن الاندرويد هو الجلاكسي وده مفهوم خاطئ لأن من خلال تجربتي للجالكسي اس 4 مقارنة ب HTC one فيه فرق في الأداء لصالح HTC كمان HTC مش بتحاول تحشي الهاتف بتقنيات مش بيحتجها المستخدم زي سامسونج وده بدوره بيأثر على المعالج ولذلك انا دايما بقول أن أفضل شركه هي دايما اللي بتستغل المعالج صح علشان يخدم الهاتف بقوه وده بتعمله HTC. ولذلك لما أعلنت HTC عن هاتفها الرائد HTC m8 كان الكل متخوف من البطارية بسبب أن قوتها 2600 أميبر مقارنة ب جلاكسي s5 وهو يحمل بطارية 2800 أمبير. ولكن بعد الاختبارات لبطاريه HTC m8 أجمعت كل المواقع والمنتديات العالمية على قوه وروعة البطارية وده شئ يحسب لشركة HTC. علشان كده بقول لجميع محبي السمارت فون خصوصا الاندرويد انك دايما لما تحب تشتري موبيل جديد حاول انك تختار موبيل يديك أداء بدون تهنيح ويكون هاتف قوى كخامة وتوافق السوفتوير مع الهاردوير وده بتلاقيه بس مع HTC بس للاسف بسبب الدعاية الشركة لازالت بتخسر رغم أنها أفضل شركة في السمارت فون وانا بعتبرها انها آيفون الاندرويد. وأي استفسار انا تحت أمركم
-
2014-06-07 (01:58:09PM) HTC Desire 816
انا متابع جيد لهذا المنتدى الرائع وبصراحة دايما لما بحب أشتري موبايل جديد بحب أعرف الآراء من هنا بالإضافة لموقع gsmarena وعلشان كده حبيت أدى نصيحة لأي صديق هنا انك لو حبيت تشتري الموبايل ده توكل على الله والكلام ده مش من فراغ لأن انا ليا أربع سنين مع اتش تي سي وده طبعا بعد استعمالي لسامسونج بصراحة أفضل شركة سمارت فون هي HTC وده مش تعصب والله بس دايما الناس بتحب تشتري الحاجة المشهورة زي سامسونج والكثير مش بيعرف يعني ايه HTC. موبيلات HTC بتتميز بالفخامه والتصميم المبهر بالإضافه انك مش بتلاقي أي تهنيج في الجهاز عكس الاجهزه الأخرى ده بالإضافة لواجهة HTC المميزة وهي واجهة السينس. HTC شركة عريقة وأكيد أي حد جرب HTC صعب يتركها وشكرا