بدور علي ايه؟ اكتب رقم موديل الموبايل الابدور عليه
MohamedSH
احدث المشاراكات
-
2014-03-21 (03:51:05PM) Alcatel One Touch Snap
بتشتري وصلة otg لتوصيل الجهاز بالفلاشة - وانا اشتريتها من محل restart في عين شمس
-
2014-03-20 (10:33:45AM) Alcatel One Touch Snap
تمام ياريس .. انا لسه منزلتوش
-
2014-03-19 (12:00:07PM) Alcatel One Touch Snap
-الكاميرا : 8 ميجا بيكسل HD وبتصور فيديوهات 720P HD وفيها تاثيرات جميلة جدا غير الخصائص المختلفة للتصوير .
-الانترنت : سريع جدا في التصفح – واتفرجت علي حوالي 20 دقيقة من فيديو علي اليوتيوب سريع جدا ومقطعش معايا خالص .. بس لحد دلوقتي مجربتش الدوانلود بس مكتوب علي العلبة 42 ميجا في الثانية بس مجربتش بصراحة .
-الموبايل متسطب عليه معظم التطبيقات اللي ممكن تحتاجها زي الفايبر والفيس بوك وجوجل كروم والادوبي ريدر والتويتر والاسكاي بي والاوفيس سويت واليوتيوب والكشاف .
-الموبايل ممكن يوصله فلاشة بيعرضلك اللي عليها وومكن تنسخ منها الي الموبايل والعكس .. وهي حاجة جميلة جدا .
-الموبايل امكانياته اعلي من سعره بالمقارنة بماركات اخري .. وسلس في الاستخدام جدا .
- ممكن تنقل من الميموري الداخلي للخارجي عادي جدا ولما تسطب تطبيق بيتسطب علي الخارجي مباشرة .
-من عيوبه : صوته مش عالي بس بيعوض ده نقاء الصوت واللي ممكن تسمعه حتي لو كنت فين .
- الخط العربي المقلوب لما يكون حد بيتصل بيك بس ده بيتحل مع التحديث .
.... دي كانت خلاصة تجربتي مع الموبايل لحد دلوقتي . -
2014-03-19 (11:46:55AM) Alcatel One Touch Snap
بعد تجربتي للموبايل حوالي اسبوع :
( تقرير (1)
الشكل : انا اشتريت اللون الاسمر وهو شيك اوي وحجمه خفيف .
الشاشة : 4.5 بوصه وهي حجمها مناسب ياعني مش صغيرة ولا ضخمة .. جودة الشاشة hd Q.
-ضد الخدش – ضد السوائل .. ياعني مثلا لو شوية مية طرطشو عليه غصب عنك .
-الاداء : الجهاز سريع جدا ومبيهنجش خالص .. ده طبيعي علشان البروسيسور رباعي النواة ورامة واحد جيجا
-بيشغل كل التطبيقات مافيش تطبيق بيقوله لأ – كويس جدا في الالعاب .
-البطارية : تصمد يومين في الاستهلاك المتوسط ولازم تسيبها تشحن ساعتين ونصف .. ولما البطارية توصل مثلا لحد 30% بينبهك وبيديك اقتراحات انك تقفل بعض التطبيقات زي الواي فاي والبلوتوث وتقليل مستوي اضاءة الشاشة .. الخ ... وفي الاول وفي الاخر هي علي حسب استخدامك انت .
-الصوت : نقي جدا Voice HD بس مش عالي وصوت سماعة الاذن روعة – وصوت المكالمات نقي جدا وفي حاجة كده جمب السماعة بتنقي الضوضاء عند اللي انت بتتصل بيه .. ياعني مثلا : انا كنت مستني حد فبكلمه اقوله انت فين دلوقتي لان الصوت كان نقي فقولته انت لسه في البيت ولا ايه – قالي والله انا راكب المواصلات وجاي اهوه والراجل مشغل اغاني اهوه انت مش سامعها ولا ايه .. وحاجات زي كده كتير . -
2014-03-17 (11:35:37AM) Alcatel One Touch Snap
هو انا علشان احمل حاجة من الجوجل بلاي لازم واي فاي مينفعش من الخط
-
2014-03-15 (11:36:37AM) Alcatel One Touch Snap
الحمد لله اشتريت الموبايل ده وهو جميل جدا بس فيه مشكلتين مش عارف حل ليهم الصوت منخفض نسبيا والمشكلة التانية لما اجي احمل من الجوجل بلاي تطبيق بيقعد يحمل في التطبيق كتير وهو مساحته حوالي ميجا ونص وفي الاخر ميتحملش اقوم انا ازهق والغي التحميل مع العلم اني بشغل عليه فيديو من اليوتيوب زي الفل وسريع جدا وبرضه سريع في التصفح ... ياريت ياجماعة لو حد يعرف حل للمشكلتين دول .. وهقولكم علي كل حاجة عن الموبايل من مميزات وعيوب بعد لما اجرب كل حاجة فيه ان شاء الله بس غير المشكلتين دول هو كويس في كل حاجة جربتها لحد دلوقتي
-
2014-03-10 (11:25:51AM) Alcatel One Touch Snap
تمام جدا .. وشكرا ليك ياباشا علي مجهودك المميز في مساعدة الاعضاء والرد علي كل الاستفسارات ومليون الف تحية ليك
-
2014-03-10 (09:49:44AM) Alcatel One Touch Snap
استفسار من الناس اللي جابت الموبايل ..صوت النغمة مثلا اخبارها ايه عالية ولاعادية ولامنخفضة ..
وبرضه الصوت لو انت بتسمع اغنية مثلا او فيديو .. والشاشة واضحة مثلا لو انت واقف تحت اشعة الشمس .. وايه هي عناوين واماكن الدعم والصيانة لشركة الكاتيل في مصر .. وشكرا لمجهوداتكم -
2014-03-08 (12:25:01PM) Alcatel One Touch Snap
انا قرأت كل التعليقات عن الموبايل في الموقع هنا ومواقع تانية برضه بنسبة 95% من الناس بيشكرو في الموبايل ده ومن كلام معظم الناس وده تلخيص لكلامهم .. انه موبايل اداءه جميل جدا ومبيهنجش وتصويره HD وهو بخط واحد اللي نزل في مصر وصوته في المكالمات نقي جدا ونت سريع جدا وبطاريته الي حد ما كويسة بالنسبة لانه اندرويد وهي برضه علي حسب استخدامك للموبايل .. وافضل من موبايلات كتير في نفس فئته السعرية وتفوق علي بعض الموبايلات اللي اعلي منه في السعر برضه وغير ان الكارت الخارجي مفتوح علي الداخلي ياعني انقل او اسطب اي حاجة علي الميموري الخارجي براحتي ومن عيوبه الكشاف اللي معاه بياثر علي الفلاش اللي في الكاميرا فيفضل انك تمسحه وتنزل برنامج كشاف غيره ومشكلة الاسماء العربي المعكوسة ودي حلها ان شاء الله مع التحديث الجديد.. وان شاء الله قررت اني اجيبه الاسبوع ده ان شاء الله من محل 888 اللي في عين شمس وانا سالت عليه فعلا ب 1550 جنيه زي مالموقع كاتب .. وده لينك للفيس بوك بتاع 888 ..
وباذن الله لما اجيب الموبايل هكتب كل مميزات وعيوب الموبايل بالتفصيل علشان الناس تستفيد زي منا استفدت برضه من الناس المحترمين في الموقع هنا