Khaled82

احدث المشاراكات

• 2014-03-31 (11:41:57AM) LG Optimus L9 P768

  يا أخ ميدو أنا قلت ميفرقش في الشكل عن ال 4x في أي حاجة لا جبت سيرة رامات ولا كاميرا ولا بروسيسور ولا حاجة أنا قارنت من حيث واجهة المستخدم فقط اللي تميزت ببعض المؤثرات البسيطة والجميلة واللي مش موجودة في ال 4x وإن خاصية ال Qslide Apps موجودة فيه ومش موجودة في 4x وده لإختلاف الكيرنل المستخدم في L9 مش أكتر وأنا معاك إن 4X أقوى بكتير.
  مسألة إنه بيهنج أو لأ أنا شايف إنه زي الفل حتى مع الشغل التقيل أما بالنسبة ليك فده حاجة ترجعلك

---

• 2014-03-11 (04:25:44PM) LG Optimus L9 P768

  التليفون أكثر من روعة وتحفة ولايفرق في الشكل عن الــ Optimus 4X HD أي حاجة بل بالعكس أحلى من حيث واجهات المستخدم ومؤثرات شاشة الإغلاق. عموما أنا اشتريته وكان عليه أيس كريم ساندويش وتم تحديثه علطول عن طريق الكمبيوتر للجيلي البين 4.1.2
  الخبر الأحلى إن الجيلي بين تم إضافة عليه بعض المحسنات مثل Qslide Apps الموجودة في الشريط العلوي الخاص بالتنبيهات ولمعلومات عنه شوفه الخاصية دي على اليوتيوب.
  شاشة الإغلاق لها مؤثرات حلوة غالبا نفس الموجودة على تليفون إل جي G2 or G Pro
  بصراحة اللي هيشتريه مش هيندم أبدا

---

• 2014-03-09 (07:44:08PM) LG Optimus L9 P768

  شباب أحب أبلغكم إني اشتريت التليفون الحمدلله والجهاز لسه هجربه وأشتغل عليه شوية و
  انقلكم تجربتي معاه بس لقطع الشك باليقين التليفون كاميرته 8 ميجا بكسل كلام نهائي
  أكيد والله العظيم وجبته من موبايل شوب بضمان دلتا لأني بصراحة أثق فيهم مع إنهم غاليين 200-250 جنيه تقريبا بس الضمان يا شباب مضمون 100%
  الكاميـــــــــــــــــــــــــــــــــــــــــــــــــــرررررااااااااااا 8 مــــــيجــــــا والله

---

• 2014-03-09 (07:38:48PM) LG Optimus 4X HD P880

  أولا يا باشا مبروك التحديث وأحب أقلك إنك لازم تعمل إعادة ضبط مصنع بعد التحديث مرة أو مرتين وبعد كده هتلاقي كل حاجة ماشية معاك زي الساعة. البطارية مثلا هتظبط معاك وتتشحن في وقت أسرع وسرهة الجهاز هتتظبط كمان وكل حاجة وبعد كدة إبتدي نزل البرامج بتاعتك واعمل اللي نفسك فيه. بالنسبة للإصدار 4.1 ده إصدار الجيلي بين فعلا وأخر إصدار نزل للموبايل اللي معايا ومعاك أما بقى 4.3 أو 4.2 فدول برده جيلي بين محدث عن اللي معانا بس لسة إل جي ربنا يسوقها شوية منزلتوش للعدة بتاعتنا. إنت كده حدثت لأحدث حاجة وتوكل على الله ونصيحة لله إوعى تلعب في الجهاز والروت لأنك لو عملت كده هتخرجه برة الضمان والعدد الغالية دي يا معلم بره الضمان هتظبطنا فلوس فبلاش أحسن. اللهم بلغت اللهم فاشهد والف مبروك تاني

---

• 2014-03-08 (10:11:57PM) LG Optimus 4X HD P880

  على حسب معلوماتي إن البرامج والداتا كلها هتروح ولو عملت باك اب اعتقد هيكون للارقام والتقويم فقط لكن البرامج معتقدش

---

• 2014-03-06 (11:19:07PM) LG Optimus L9 P768

  واحدة

---

• 2014-03-06 (11:09:16PM) LG Optimus L7 P700

  هاي يا جماعة واضح جدا إن الناس كلها زعلانة من الموبايل ده وحيث كده خلوني أشاركم تجربتي مع الجهاز LG L7 P705 مش P700 وهقلكم الفرق في الآخر أنا اشتريته لمراتي من كام شهر من موبايل شوب وبعديها بكام يوم السبيكر بتاعه بطل يطلع صوت سواء مكالمة عادية او موسيقى او سكايب او فايبر ووديته موبايل شوب وخده وبعد أربه أيام خدت موبايل جديد بالكرتونة لأن فيه عيب تصنيع وموبايل شوب حلو في كده مبيهزرش. على فكرة الأولاني كان اندرويد أيس كريم واتحدث معايا للجيلي بين طبيعى من على الكمبيوتر. المهم خدت واحد تاني جديد بعدها لقيت عليه الايس كريم ومش راضي يتحدث للجيلي بين خالص وكل مرة يقللي في خطأ تحقق منه فقلت مش لازم خلاص كده كده مراتي استعمالها خفيف والاندرويد مش فارق لغاية بعدها بشهرين ظهرت مشكلة السبيكر تاني ساعتها رحت لضمان دلتا وغيروا السماعة ولقيته بقدرة قادر بقى جيلي بين فقلت عسل أوي بعدها بأسبوع بقى يهنج ويعمل رستارت وتقيل جدا وعملتله أكتر من هارد ريسيت وضبط مصنع تقريبا عملت قرد مفيش فايده وبعدين اكتشفت ان التليفون P705 ده إصدار موجه للصين فقط وإن باقي الدول إصدارها P700 المهم أنا هوديه التوكيل تاني وبهد كده هبيعه وأشوف جاجة إل جي تانية.
  طولت عليكم معلش D:

---

• 2014-03-06 (10:51:36PM) LG Optimus 4X HD P880

  نسيت أقلك إن الررت بيخرج من الضمان خللي بالك يا معلم

---

• 2014-03-06 (10:44:18PM) LG Optimus L9 P768

  مساء الفل يا جماعة بصراحة أنا عاوز أشتري الموبايل ده لمراتي بعد فحص وتدقيق رهيب على النت لإمكانياته ومقتنع بيه تماماولكن السؤال المكرر والممل والذي لم أتوصل لإجابته بهد مراجعة جميع آراء الكل هو الكاميرا 8 ميجا ولا 5 ميجا وخدوا بالكم من اللي جاي:
  
  موقع GSMarena بيقول على تليفون LG Optimus L9 P760 الأتي:
  Available as:
  LG Optimus L9 P768 for MEA, America and some Asian regions with 8 MP camera
  LG Optimus L9 P765 for India وده يعني بالعربي إن إسم الموبايل LG L9 P768 وكاميرته 8 ميجا ولغاية كده تمام أوي.
  دخلت على موقع إل جي مصر ووجدت نفس الإسم LG L9 P768 والكاميرا 5 ميجا
  وبعد كده دخلت على موقع إل جي الإمارات اللي شكله أحسن من موقعنا بكتير فلقيته بنفس الإسم ولكن الكاميرا 8. يعني نفس كلام الناس بتوع GSMarena
  وبالدخول على موقع موبايل شوب المصري اللي بشتري منه كل تليفوناتي لقيت الموبايل بنفس الإسم LG L9 P768 ولكن الكاميرا 5 بس
  عاوز حد يديني عقله ويقول الموبايل اللي معاه كاميرته كام واشتراه منين وضمانه إيه والسؤال هنا للأساتذة اللي اشتروا الموبايل فعلا وماسكينه في إيديهم
  ساعدونا الله يباركلكم في تليفوناتكم

---

• 2014-03-06 (10:30:16PM) LG Optimus 4X HD P880

  في الأول أحب أمسي على كل الأعضاء اللي من كلامهم خلوني أحي الموقع واشترك فيه ودي أول مشاركة ليا عالموقع ومعايا الـ4X من حوالي 7 شهور والتليفون أكثر من رائع ما شاء الله عليه. بالنسبة للتحديث لازم تنزل برمامج إسمه LGMobile Support Tool من الموقع الرسمي للشركة أو برنامج LG PC-Suit برده من خلال الموقع الرسمس للشركة ووصل الموبايل واختار من الموبايل الإختيار الخاص ببرنامج PC Suit واعمل تحديت وهو لوحده هيكتشف التحديث الرسمي بس الأول إعمل Backup للأرقام المهمة ومبروك عليك وعليا D;

---