بدور علي ايه؟ اكتب رقم موديل الموبايل الابدور عليه
sky79
احدث المشاراكات
-
2014-02-11 (12:33:07AM) Sony Xperia C
الناس اللي بتدور على الجهاز
انا اشتريت واحد النهارده من الغزاوي فرع الزقازيق
ب 2300
الجراب من فرع وسط البلد ( بالزقازيق برضو ) وش و ظهر ب 55
الاسكرينه ( معرفش اللفظ صح ولا لأ ) ب 20
وبالرغم من انه جهاز تحفه ولسه شارياه من ساعتين
الا للاسف بفكر ارجعه ... حساه كبير علي في امكانياته
كنت عاوزه حاجه كويسه في النت وكاميرتها تكون كويسه
بس مش كده ...كده...كده
وشفت حاجه هناك بتتباع بس مركزتش ... هي نوت من جالاكسي بس اقل من 2000
ولما سالته قالي دي واي فاي بس مش 3 جي
ده نوعها ايه بالظبط ؟؟؟
بفكر ارجع الجهاز واخد الجلاكسي بس عاوزه اعرف مواصفاته -
2014-02-04 (12:51:37AM) Sony Xperia C
هل الجهاز نازل ليه الكيت كات ؟؟؟
-
2014-02-04 (12:40:36AM) LG G Pro Lite Dual
ورجعتلكم تاني بسؤال وعارفه اخواتي مش هيتاخروا علي بالافاده
الموبايل ده ليه اب جراد ... تحديث للكيت كات ؟؟
ولو ملهوش هتفرق معايا في الابلكيشن في خلال فترة قد ايه تقريبا ؟؟
يعني لو ملوش تحديث اعلي هقدر اشتغل بيه مده قد ايه واضطر ابيعه بعدها ؟ -
2014-02-04 (12:35:14AM) LG G Pro Lite Dual
مش عارفه اشكركم ازاي ... فعلا افدوتني جدااا
androidman انت خلتني اخد بالي من حاجه مهمه في موضوع البروسيسور فشكرا ليك بجد
hardtime متابعه كل ردودك وانت تقريبا كنز معلومات ..ماشاء الله عليك
waleedsunny مش جديد عليك الذوق والاهتمام في الردود
فعلا انا بشكركم جدا وعلى لقاء قريب باذن الله لما اقرر واجرب -
2014-01-30 (02:44:52AM) LG G Pro Lite Dual
السلام عليكم
بما ان الميزانيه تتراوح بين 1500-2000 والمهم عندي
1- الكاميرا ودرجة وضوحها في الفيديو والصور
2- النت وسرعته على برامج محدده زي الفيبر والتانجو والاسكيب علشان بكلم اهلي بره يوميا
3- مساحه الشاشه لا تقل عن 5انش
فانا بقارن بين هواوي 610 و جهاز الجي برو ليت
خايفه من كاميرة الهواوي لاني بحب اصور بناتي كتير بس سعره بالنسبالي احسن طبعا
كزوجه بتحب التوفير ففيه فرق حوالي 600 او 700 جنيه انا اولى بيهم - اقصد احنا
بس لو كاميرته ( الهواوي ) مش حلوة يبقي امرنا لله
افيدوني افادكم الله
ويسلام بقه لو حد يبرجلي دماغي ويقترح على حاجه جديده :((