tito214776

احدث المشاراكات

• 2015-01-31 (03:13:34AM) LG Nexus 4 E960

  بص يا باشا علشان تبقي عارف قبل ما تروح تصلحها
  مافيـش شاشات اصليه للعده دي موجوده في السوق تماما حتي اللي بيتباع علي المواقع الكبيرة زي امازون مثلا كلها هاي كوبي من الأصلي
  و علشان تبقي عارف مافيـش شاشة هاتلاقيها زي الاصليه خالص
  أنا مثلا الشاشة بتاعتي اللون الأبيض بيبان أبيض مصفر علي خفيف اوووي مش زي اللون اللي بيظهر الاول
  مثلا أنا حاسس ان الشاشة اسمك من الأول يعني عاليه عن جسم الجهاز عكس الاول
  أما علي مستوي الاستخدام مش هتلاقي فرق تقريبا ألا في حاجات طفيفة اوووي
  ربنا يسهلك في تصليحها.. إحساس وحش أنا عارف

---

• 2014-12-31 (04:20:14PM) LG Nexus 4 E960

  و دي تجربتي
  الجهاز وقع مني اتكسر يوم الجمعة 19 ديسمبر و ابتديت ادور علي حد يصلحة و لفييت كتير و سألت كتير و عرفت ان المشكلة في التاتش مش الشاشة
  - التوكيل قالي ان قطع الغيار بتاعت الجهاز ده فيها نقص من شركة LG نفسها بقالها فترة و ابقي اتصل بينا اسأل كمان اسبوعين و لا حاجة يمكن تكون جت .. يعني فاكس بالطريقة
  - قولت خلاص هجيبه من ع النت دورت شوية و قولت انا مش شاطر في تركيب الهاردوير عامة فبلاش خلي الواحد الاول يدور علي محل صيانة احسن
  - نزلت دورت في محلات في نطاق شبرا تقريبا "محل سكني" و كان الكل تقريبا بيتكلم في اسعار في حدود من 600 الي 900 ج - غير كدة نزلت دورت في الدقي لاقيت الكل بيتكلم في نفس السعر تقريبا - نزلت كمان شارع العطار اللي في العتبة "الكل قالي انهم ملوك قطع الغيار" للاسف مالقيتش حد بيبيعها غير واحد و لا اتنين و بيقولي انه مابيركبهاش يعني هاخدها منه و اركبها بره و لما سألته عن الضمان .. قالي مافيش مدة بس لو لاقيت فيها حاجة ابقي تعالي ورينا . يعني اهم حاجة يبيعوا و خلاص و انا عارف ان لو اشترتها و ظهر فيها حاجة مافيش حد هيرضي يرجعها
  - استقريت علي تصليحها في محل في شبرا قريب من بيتي علشان الوصول ليه يبقي سهل خصوصا علشان ظروف شغلي .. المحل سلمته التليفون يوم الاربعاء 24 ديسمبر و قالي انه هيغير الشاشة و التاتش الاتنين و قالي تعالي استلمه بكرة
  - روحتله تاني يوم قالي انه لقي تاتش لوحدة و هايحاول يركبهولي بس هو شغلانه شوية فممكن ياخد وقت فقالي لو انت سهران شوية ابقي عدي عليا ع الساعة 1 بليل كدة و لا حاجة .. روحتله الساعة 2 لقيته مركب التاتش فعلا بس بيقولي التاتش قبل ما الزقه كان شغال و لما لزقته مش شغال فبيقولي كدة هركب شاشة و تاتش و ربنا يعوض عليه في التاتش اللي باظ .. قولتله طيب هاتسلمهولي امتي قالي علي يوم السبت كدة علشان انا مش شغال الجمعة
  - روحتله يوم السبت قالي الجهاز اهه اتركب تمام خد كدة جربه قبل ما تمشي .. مسكت التليفون و لاقيت 4 ملحوظات ..
  الاولي ان اللون الابيض ظاهر ابيض مصفر مش زي الاصلي
  الملحوظة التانية ان اللون بتاع الليد اللي تحت بقي كبير قووي و بينور جامد عكس الاول
  الملحوظة الثالثة ان الكاميرا الامامية فيها حته سودة صغيرة اوووي من فوق علي الشمال كدة و عرفت بعد كدة ان اساسا ده عيب في النص الامامي اللي هو بيتغير "الشاشة و التاتش" علشان مش اصلي
  الملحوظة الرابعة ان الجهاز فيه خطوط سودة بالطول كدة .. قولتله ايه ده قعد يقلب في الجهاز و قالي لا ده كدة واضح انها مش سليمة طيب بص انا هغيرها و تعالي كمان 3 ساعات كدة اكون غيرتها و فكها قدامي و اداها لواحد راح يغيرها
  - قولتله طيب بالنسبة للون الابيض المصفر ده قالي انا مش عارف بصراحة قولتله طيب لما تجيب الشاشة الجديدة ماتركبهاش الا لما انا اقولك OK قالي طيب كمان قد ايه قولتله يعني ساعتين كدة و لا حاجة قالي ماشي
  - المهم روحت البيت و مش عارف اعمل ايه فكلمت واحد صاحبي استشيره فقالي طب شوف حاول اشتريها من برة و تركيبها مش هيبقي صعب زي ما انت متخيل قولت خلاص تمام هخش ادور كدة و اشوف
  - لما دخلت دورت لاقيت ان كل اللي بيتباع بيكون مش اصلي برده و المشاكل تقريبا كلها بتخص 3 حاجات .. اللي هما اساسا من المشاكل اللي قابلوني لما مسكت التليفون .. و هي ان اللون الابيض بيبان ابيض مصفر كدة شوية و كمان الليد بقي عالي اووي و ده علشان اساسا الفتحة اللي موجودة في الشاشة من تحت واسعة مش زي الاصلي فالنور بينور عالي اووي و كمان موضوع الكاميرا الامامية و ان الوش اساسا مرحل في الفتحة بتاعت الكاميرا
  ده غير اساسا ان في ناس استلمت الشاشة من البياع و طلعت بايظة و مش شغاله
  - قولت خلاص ايه اللي يخليني اشتريها من برة طالما هي مش هتقدملي حاجة جديدة
  فأتصلت بالراجل و قولتله OK قالي طيب مر عليا كمان ساعة كدة روحتله فعلا و استلمت الجهاز
  
  ملحوظاتي علي الجهاز بعد استلامه:
  - اللون الابيض بيبان ابيض مصفر شوية
  - النور بتاع الليد عالي اوووي
  - الكاميرا الامامية فيها حته سودة صغيرة اوووي من فوق علي الشمال كدة و ده نتيجة ان النص اللي بيتركب ده مش اصلي فالفتحة بتاعت الكاميرا مرحلة حاجة بسيطة اوووي "بس هي مش ملحوظة خالص و لا حتي في الصور الا لما تدقق"
  
  و بس خلاص

---

• 2014-01-10 (02:13:11AM) LG Nexus 4 E960

  يا اخي ربنا يكرمك علي متابعتك و احترامك
  و مبروك عليك الجهاز
  انا ان شاء الله هنزل اجيبه بكرة

---

• 2014-01-10 (01:23:55AM) LG Nexus 4 E960

  الف مبروك عليك و ان شاء الله تسمع فيه كل خير
  انت جبته من انهي فرع ؟؟
  و كنت كمان عاوز اسألك عن الجراب نوعة ايه "اسم الماركة يعني اللي مكتوبة في الضهر" و سعرة كام ؟؟ و هل هناك كان فيه جراب فليب ليه ؟؟

---

• 2014-01-09 (09:44:33PM) LG Nexus 4 E960

  يا استاذ magdy2222 هو في حد قال انك بتكذب ؟؟!!
  انا حبيت بس اشاركم باللي حصلي
  و للعلم انا لسة مكلم البحيري من ساعتين و قالي انه مش متوفر و هيبقي موجود يوم السبت ان شاء الله
  مع العلم انس كلمته يوم الاثنين و قالي يوم الاربعاء اللي هو كان امبارح
  

---

• 2014-01-09 (09:41:38PM) LG Nexus 4 E960

  هو يا استاذ ZomaX سألت في الفرع و لا عن طريق التليفون
  و هل اتأكدت انها 16 جيحا ؟؟
  علشان لو كدة هنزل اجيبة النهاردة او بكرة بالكتير ان شاء الله
  و مبروك مقدما

---

• 2014-01-09 (08:49:48PM) LG Nexus 4 E960

  و الله انا غلبت معاهم .. كلمت كل الفروع تقريبا و كل اللي بيردوا عليا ما بيفهموش
  اسأله النسخة اللي موجودة عندكم 8 و لا 16 و اقوله سيبك من السايت ماتدخلش عليه علشان مكتوب فيه النسخة 8 جيجا في حين النسخة اللي نزلت مصر هي 16 جيجا فقط
  يقوم يقولي طيب ثانية واحده و يرميني علي التليفون بتاع 5 دقايق و في الاخر يقولي طيب انا هاستعلم و هاكلمك تاني كمان شوية
  و طبعا مابكلمنيش
  ارجع اتصل تاني بيه يرجع يعمل نفس الموضوع
  اتصل بفرع تاني برده نفس الموضوع
  رجعت وقدمت شكوي علي السايت و طبعا لا حياة لمن تنادي
  ياريت لو في حد ساكن قريب من فرع ليهم يسألنا و يبقي جزاه الله كل خير

---

• 2013-12-18 (12:30:35AM) LG Nexus 4 E960

  اولا .. الف مبروك
  ثانيا .. هي نسخة الموبايل الـ 8 جيجا و لا الـ 16 ؟؟
  ثالثا .. الضمان قد ايه ؟؟ و هل هو ضمان المحل و لا ضمان شركة ؟؟

---