chemahmed
أحدث المشاركات
Sony Xperia C
2014-01-21 (01:56:20PM)
السلام عليكم.. دا ريفيو فيه رأيي الشخصي في الموبايل بعد استخدام حوالي شهر
- حجم الموبايل : هو الحجم على حسب تعود كل واحد بس انا شايف ان حجم الموبايل كويس جدا مش كبير للدرجه اللي تضايق
- الشاشة بتاعته متوسطه من ناحية الالوان والريزوليوشن كويس وهي لازملها سكرينه لأنها مش ضد الخدش
- الذاكرة : طبعا خاصية نقل ال applications للكارت حلت مشكلة قلة الذاكرة الداخلية للموبايل وتقريبا كل الالعاب والبرامج ممكن تنزل عالكارت ماعدا بعض البرامج القليلة جدا زي flashlight و BBM مع العلم ان كل البرامج والالعاب اللي بتتسطب عالكارت بتاخد جزء صغير من الذاكرة الداخلية (يعني مثلا الفيفا 14 مساحتها جيجا ونص بتاخد من الذاكرة الداخلية حوالي 8 ميجا ونص بس) يعني دا مش هيأثر غير لو سطبت حاجات كتير
- شبكة الموبايل حلوة جدا جدا وسرعة النت فيه رائعة (بس دا طبعا لما تكون الشبكة في المكان كويسه)
- الكاميرا : الكاميرا الخلفيه كويسه جدا تديها مثلا 8 من 10 بس هي في النورمال مود لازم تثبت ايدك كويس وانت بتصور عشان احيانا بتطلع مهزوزة.. وفي تصوير الفيديو حلوه بالنهار و بالليل لازم تكون مشغل الفلاش او الاضاءه تبقى حلوه
اما الكاميرا الأمامية فهي وحشه جداااااا وعايزه اضاءه عاليه اوي عشان تبين الصوره
- سرعة الجهاز ماشاء الله هايله و مبيهنجش في اي لعبه ويكاد يكون مبيسخنش خالص الا لما مثلا توصله في الشاحن وتشغل كذا حاجه مع بعض
- خامة الموبايل اقل من خامات السوني المعروفه ويعيبه ان الضهر بيطبع بسرعه بس كده كده بيجيله جراب يعني
- البطارية بتاعته مبتتشلش وبتقعد فترة كويسه مع انها بتنزل من 33 ل 13 بسرعه بس دا عيب calibration للبطارية في السوفت يعني مبتحددش نسب صح بس هي في المجمل ادائها رائع
- بالنسبه لمشكلة نسيان الشورت كت و النغمه مبقتش موجوده بعد الابديت
- صوت الموبايل في السماعة الخارجيه كويس وفي المكالمات هايل وفي الهاندفري كويس بس مش عالي اوي بس مع اي هاندفري تانيه بيبقى عالي
## اتمنى اكون افدت الناس مع العلم ان دي وجهة نظر تحتمل الصواب والخطأ
- حجم الموبايل : هو الحجم على حسب تعود كل واحد بس انا شايف ان حجم الموبايل كويس جدا مش كبير للدرجه اللي تضايق
- الشاشة بتاعته متوسطه من ناحية الالوان والريزوليوشن كويس وهي لازملها سكرينه لأنها مش ضد الخدش
- الذاكرة : طبعا خاصية نقل ال applications للكارت حلت مشكلة قلة الذاكرة الداخلية للموبايل وتقريبا كل الالعاب والبرامج ممكن تنزل عالكارت ماعدا بعض البرامج القليلة جدا زي flashlight و BBM مع العلم ان كل البرامج والالعاب اللي بتتسطب عالكارت بتاخد جزء صغير من الذاكرة الداخلية (يعني مثلا الفيفا 14 مساحتها جيجا ونص بتاخد من الذاكرة الداخلية حوالي 8 ميجا ونص بس) يعني دا مش هيأثر غير لو سطبت حاجات كتير
- شبكة الموبايل حلوة جدا جدا وسرعة النت فيه رائعة (بس دا طبعا لما تكون الشبكة في المكان كويسه)
- الكاميرا : الكاميرا الخلفيه كويسه جدا تديها مثلا 8 من 10 بس هي في النورمال مود لازم تثبت ايدك كويس وانت بتصور عشان احيانا بتطلع مهزوزة.. وفي تصوير الفيديو حلوه بالنهار و بالليل لازم تكون مشغل الفلاش او الاضاءه تبقى حلوه
اما الكاميرا الأمامية فهي وحشه جداااااا وعايزه اضاءه عاليه اوي عشان تبين الصوره
- سرعة الجهاز ماشاء الله هايله و مبيهنجش في اي لعبه ويكاد يكون مبيسخنش خالص الا لما مثلا توصله في الشاحن وتشغل كذا حاجه مع بعض
- خامة الموبايل اقل من خامات السوني المعروفه ويعيبه ان الضهر بيطبع بسرعه بس كده كده بيجيله جراب يعني
- البطارية بتاعته مبتتشلش وبتقعد فترة كويسه مع انها بتنزل من 33 ل 13 بسرعه بس دا عيب calibration للبطارية في السوفت يعني مبتحددش نسب صح بس هي في المجمل ادائها رائع
- بالنسبه لمشكلة نسيان الشورت كت و النغمه مبقتش موجوده بعد الابديت
- صوت الموبايل في السماعة الخارجيه كويس وفي المكالمات هايل وفي الهاندفري كويس بس مش عالي اوي بس مع اي هاندفري تانيه بيبقى عالي
## اتمنى اكون افدت الناس مع العلم ان دي وجهة نظر تحتمل الصواب والخطأ