Albert

احدث المشاراكات

• 2013-10-14 (01:21:17PM) Samsung Galaxy Note 3

  essimessi: اشكرك على الرد المحترم و على انك دافعت عن شركة باي اند ايرن و مقولتش عليها نصابة. و طبعا حضرتك من حقك تقلق لانك مجربتش التعامل معانا قبل كدة. و ازا كان فيه حد من عندنا غلط و مفهمش حضرتك ان ده مقر اداري فا انا بعتزر بالنيابة عنه. ولكن في نفس الوقت انا بلوم على حضرتك حاجة صغيرة بس, هيا ان اثناء قيام حضرتك بعمل طلب الشراء الموقع بيوضح لحضرتك انك لازم تدخل عنوانك عشان احنا هنوصلهولك لحد البيت و مفيش اوبشن في الموقع للاستلام من مقر الادارة اساسا و لكن حضرتك طلبت من خدمة ال عملاء انك تيجي بنفسك و هما قلولك أهلا و سهلا . و طبعا حضرتك تشرف في اي وقت. اما بالنسبة لخدمة ما بعد البيع و الصيانة فا احنا بنبعت لحضرتك مندوب لحد البيت يستلم الجهاز و بنعمل الصيانة اللازمة او بنغير الجهاز بواحد جديد و بنبعتهولك لحد البيت و الخدمة دي مجانا. و الكلام ده موضح على الويب سايت. وعنوان الشركة كمان مكتوب على الويب سايت عشان حضرتك تكون متطمن و عارف حاجتك فين. أما بالنسبة لموضوع اليافطة فا بالمنطق كده, لو شركة نصابة برده ممكن تحط يافطة ولما تخبط على الباب ياخدو منك الفلوس ويمكن يخدوك انت شخصيا. انا بهزر معاك... عموما انا برده شايف ان حضرتك عندك حق لأن فعلا اليافطة هتدي وجهة مريحة للشركة و خصوصا للناس اللي جايين و هما اصلا فيه حد مشككهم في الشركة. و انا بوعدك اني هوصل اقتراح حضرتك ده للادارة.
  
  hardtimee: حضرتك استخدمت عبارات زي "تحاولو تتذاكو على البشر" "اقعع في الفخ" "الجواب باين من عنوانه". شركة باي اند ايرن بتعرض منتجات على الويب سايت و كل منتج مكتوب سعره جنبة و الناس بتعمل اوردر من خلال السايت و بنوصل لحد البيت و ونحصل قيمة المنتج. احنا يا فندم ناس بنشتغل عشان نقدم خدمة محترمة يعني حضرتك احنا مش بنتذاكا ولا حفرين لحضرتك حفرة و بنزوقك فيها. أما بالنسبة لموضوع الجواب و عنوانه فا الناس كلها بتشهدلنا اننا من افضل المواقع الجديدة في مصر. اما بقا موضوع "ارجع لزمايلك" دى, فا انا بالفعل رجعت لزمايلي و شوفت بنفسي المحادثات بتاعتك مع زمايلي على الموقع. وعندي تسجيل كامل لحضرتك وانت بتحاول تعاكس البنات اللي في خدمة العملاء. ارجو من حضرتك الالتزام باسلوب الحوار المحترم لو فكرت تتعامل مع شركة باي اند ايرن تاني. و اخيرا احب اكرر لحضرتك اسفي بخصوص تاخير تسليم اوردر حضرتك اللي حضرتك بعد كدة لغيتو. الشركة بتتعترف بخطأها و قدمت الأعتزار اكتر من مرة و كمان قدمت لحضرتك 100 جنيه في حسابك تقدر تستخدمهم في اي اوردر عليه اكتر من 2 كوينز.
  
  thegood: حضرتك ممكن تتصل بخدمة العملاء و تسأل عليا 26704446 و انا اتشرف بالتواصل مع حضرتك.

---

• 2013-10-14 (01:33:23AM) Samsung Galaxy Note 3

  مساء الخير يا جماعة انا اسمي البرت و انا بشتغل في شركة باي اند ايرن
  الكلام الي هأولو ده موجه لكل الأعضاء الي هنا و بالأخص:
  hardtimee
  essimessi
  dedatodo
  mina5
  walidhelmy
  
  أولا: احب اشكركو كلكو على اهتمامكو بالعرض اللي قدمته الشركة علي ال نوت 3 ال 4g المعروض ب5700 جنيه وعليه ضمان عام.
  
  ثانيا: أنا حابب ارد على بعض التعليقات المحترمة من قبل بعض الأعضاء المحترمين هنا
  
  فيه ناس قالت على الشركة انها نصابة: لو سمحتم ممكن تفهموني ازاي اتنصب عليكو؟ يعني مثلا: هل حد دفع فلوس و مأخدش المنتج؟ أو هل حد اشترى المنتج وطلع مضروب؟ او حد رجعلنا في الضمان و قولنالو احنا منعرفكش؟
  
  لو سمحتو وضحولي...
  
  احنا اصلا مش بناخد فلوس الا عند التسلم فا منين جت حكاية النصب دي؟
  
  اما بالنسبة لأستاز المحترم اللي عمل اوردر و حدد ميعاد يستلم فيه التليفون ولما الشركة كلمتو مردش حتى وقال انا رجعت في كلامي. (essimessi) :
  أحب أوضح لحضرتك ان باي اند ايرن شركة بتبيع منتجات من خلال الويب سايت (buyandearn.com) فقط. يعني مش معرض موبايلات فاتح في الشارع عشان يبقى ليه يافطه. اما بالنسبة لعنوان الادارة الي حضرتك رحته فا هو في 99 مصطفي النحاس بمدينة نصر. و ده مكان معمول للمظفين اللي بيقومو ببناء و تحديث الموقع و توفير المنجات و عرضها عليه وكمان بيقومو بخدمة عملاء الموقع. يعني حضرتك ده مكان خاص بموظفين الشركة فقط. مش معمول لاستقبال العملاء. ولكن احنا اللي بيحب يجيلنا بنقولو اهلا و سهلا. أما بقا بالنسبة للعمارة اللي مش عجبا حضرتك و الكلام اللي انتا كاتبة اللي يخلي الواحد يحس ان المقر الاداري للشركة مكانه في حتة مهجورة , فا احب اوضحلك ان المكان اللي مش عجبك دة في ارقى المناطق في مدينة نصر و العمارة في اكبر شارع في مدينة نصر. اه و بالنسبة للنور يا فندم فا حضرتك ده شغال على تايمر. تدوس علي نور السلم ينور لمدة دقائق :)
  
  و أخيرا احب اشرح موقف الشركة بخصوص تأخير التسليمات اللي حصل الاسبوع اللي فات: الموضوع ببساطة ان حصل مشكلة و اتطرتنا نأجل التسليم لمدة 10 ايام و ده فعلا كان غصب عننا و اللي عملناه هو الاتي:
  تم الاتصال بكل العملاء اللي طلباتهم هتتأخر
  و تم الاعتزار ليهم بشكل محترم جدا
  وتم اضافة مبلغ 100 جنيه في حساب كل واحد منهم يعني هياخدو ال نوت 3 ال 4g بالضمان بسعر 5600 جنيه فقط.
  وكمان بذلنا اقصى جهد عشان نوفرو بسرعة قبل ال 10 ايام دول و فعلا وفرناه بعد 5 ايام بس.
  و فيه ناس استلمت بالفعل انهاردا و نازلين نشتغل بكرة مع انه اجازة رسمية عشان نخلص كل التسليمات قبل العيد.
  
  انا راضي زمتكو بقي احنا كدة شركة نصابة؟

---