DrAbdo

احدث المشاراكات

• 2013-10-15 (01:16:15AM) Alcatel One Touch Snap

  لو سمحت تقولنا تاريخ الشراء امتي و السعر المطلوب و رقم تليفونك

---

• 2013-10-14 (03:42:30PM) Alcatel One Touch X Pop

  جزاك الله خيرا أستاذ ASHRAF1212 المحترم و كل سنه و حضرتك طيب .. و عاوز أشكر حضرتك لانك بصراحه أفدتني كثيرا بكتاباتك و استفدت من كلامك عن الموبيل قبل ما اشتريه .. و للاسف الموقع كان قافل التسجيل و مكتتش عارف ادخل و اكتب تعليقات و اتواصل مع حصرتك قبل كده ..
  شكرا أخي الفاضل و جزاك الله خيرا مره أخري

---

• 2013-10-14 (03:05:42PM) Alcatel One Touch X Pop

  بس من غير ما تزعل مني مش ملاحظ حصرتك انك بتقول انك بتزعل و بتضايق من الفتي و حضرتك اللي كنت بتفتي و هاجمتني من غير ما تتاكد من صحة المعلومه بالنسبالك .. كان من الاولي أخي الكريم انك تسال و تتاكد بنفسك الاول من معلوماتك و بعدين تشكك في الكلام بدل ما تهاجم خلق في مسلم و تشوفه خلق سيئ ثم تأتي بمثله أو أضل .. و حتي لو كنت اتاكدت من كلام صديق ليك او ما شابه برضه ممكن تديني العذر و تسالني فعلا انا معايا الجهاز و لا مش معايا الاول يمكن اكون جايبه من بره مثلا و نازل معاه النسحه الاحدث و حضرتك عارف ان الموبيلات دي كل يوم في ليها تحديثات ...
  وصدقني الاصدق في كل الاحوال هو انك تمسك الجهاز بنفسك و تشوفه و تتاكد من كل حاجه قبل ما تشتريه

---

• 2013-10-14 (02:31:35PM) Alcatel One Touch X Pop

  ولا يهمك يا باشا و جزاك الله خيرا .. و كل سمه و حضرتك طيب

---

• 2013-10-14 (02:30:39PM) Alcatel One Touch X Pop

  حصل خير يا ريس و كل سنه و حضرتك طيب

---

• 2013-10-14 (02:36:12AM) Alcatel One Touch X Pop

  انا مش هرد علي الغلط بتاع سيادتك لاني اكفر منك ادبا ... و كان ممكن تقول اني غلطان مثلا مش كذاب ... لكن هرد علي النقطه اللي سيادتك معترض عليها و مستغربها قوي و مش عارف مستغربها ليه و فين التناقض في كلامي ...
  1- الموبيل انا قلت انا شاريه جديد من محل اسمه المهدي امام البنك الاهلي و ممكن تروح و تسال و تشوف المانيوال بتاعه و تتاكد انه جيلي بين
  2- سيادتك انا و انا بتفرج علي الموبيل جوه settings لقيت حاجه اسمها about phone فتحتها جايبه كل حاجه للتليفون و مكتوب فيها الاتي
  model number :alcatel one touch 5035d
  firmware version :4.1.1
  build number : jelly bean
  فده اللي خلاني اقول ان النظام نازي جيلي بين بعد ما شفت الجهاز و استخدمته
  
  3- لما قلت انا مش عايز احدث النظام دي حقيقة .. انا مش عايز احدثه لاني معرفش اصلا التحديث ده هيفيدني بايه .. هل هيتغير ال version بتاع الجيلي بين نفسه و لا مجرد تحديث و زيادة قدرات للنظام الحالي ... و علي فكره اصلا في القائمه في حاجه اسمها system update مدخلتهاش و مش عايز ادخلها لاني معرفش اصلا دي بتاعت ايه
  
  4-بكل بساطه حضرتك بتقول ان النظام ايس كريم ساندوتش ... يا ريت كده تلف في كل المواقع المتخصصه و تشوف ان النظام مكتوب جيلي بين 4.1 زي ما هوه مكتوب قدامك في السايت هنا حتي او يا سيدي حتي ادخل علي سايت الكاتل نفسه و اتاكد و ياريت تتكلم باسلوب مهذب لاني اكيد اكبر منك و المفروض تكون محترم حتي مع الاصغر منك .. و انا غلطان اني دخلت انقل تجربتي مع الموبيل ده مع الناس المحترمه زي ما قريت كتير قبل ما اشتريه علي نفس الموقع ه

---

• 2013-10-13 (06:08:27PM) Alcatel One Touch X Pop

  انا اشتريته من شهر و النظام نازل جيلي بين 4.1.1

---

• 2013-10-11 (02:12:07PM) Alcatel One Touch X Pop

  اه نسيت اقول ان الكاميرا كويسه و اداءها مناسب جدا و الفلاش قوي و عملي ...
  و لم اقم بتحديث النظام بصراحه مش فاهم هستفيد ايه و اصلا الموبايل نازل جيلي بين 4.1 و بالنسبالي مناسب جدا جدا..
  و قريت في المانيوال بتاع الموبايل ان أفضل أداء للبطارية ستحصل علي بعد 6 اشهر من استخدامها أو بعد مرور 200 يوم من أول استخدام ... في نحكم بقي كويس بعد 6 شهور و يديكوا و يدينا طول العمر في الخير

---

• 2013-10-11 (02:01:48PM) Alcatel One Touch X Pop

  السلام عليكم و رحمة الله و بركاته
  *بفضل الله اشتريت الموبايل ده من شهر تقريبا من محل في وسط البلد اسمه المهدي أمام البنك الاهلي شارع شريف بسعر 1285 جنيه ... الراجل قالي في الاول 1295 و فاصلت معاه و وصلنا للسعر ده ...
  *الموبايل موجود في أغلب محلات وسط البلد في شارع شريف وسألت فيهم كلهم و ده كان أحسن سعر .. موجود في التميمي تقريبا 1320 و في المهندس جنب التميمي 1300 و هكذا
  *موجود أيضا في راديو طلعت في اول شارع عبدالعزيز بسعر 1290
  *دخت بقي السبع دوخات علشان اجيب الفليب كفر او السكرينه المضاده للبصمات ملقتش .. لفيت عبدالعزيز و الممر اللي في شارع الازهر مفيش ... بس جبت الجراب لظهر الموبايل ب 15 جنيه و السكرينه العاديه ب 15 برضه
  
  *الموبايل بقي بصفه عامه ممتاز ماشاء الله و الحمدلله ربنا وفقني فيه جدا و بمقارنته ببعض الموبايلات الاخري ..
  * في شوية ملاحظات عليه بصراحه لما اكتشفته و اشتغلت عليه كتير تتلخص في الاتي :
  1- الذاكرة الداخلية قليله فعلا لو انت استعمالك للموبايل هيكون استعمال عالي .. لانها 4 جيجا متاخد منهم حوالي 2.8 جيجا للسيستم نفسه يعني مش فاضل للمستخدم غير 1.2 جيجا تقريبا و ده طبعا مع الوقت غير كافي ... حتي لو جبت كارت 16 .. لان المشكله ان اغلب البرامج و الالعاب بعد ما بتنزلها علي الكارت و تيجي تشغلها بترمي ملفات ليها علي ذاكرة التليفون من غير انت ما تعرف اصلا زي بالظبط ما تيجي تنزل حاجه علي الكمبيوتر و تنزل علي C في ال programes files .... و حل الموضوع ده انك تجيب كارت 8 او 16 و تنزل برنامج اسمه clean master و ده بيخلي اي حاجه تعملها داونلود تنزل علي الكارت ... ولما ذاكرة الموبايل تبدأ تتملي حضرتك هتبدأ تمسح بقي حاجه من الخاجات الغير مستخدمه
  
  2- الرامات 512 قليلة نسبيا لو استعمالك للنليفون عالي ... يعني لو داخل علي النت و بتسمع أغاني و بتعمل داونلود ممكن تلاقي الجهاز بيتقل معاك شوية و فيه lag ... ده غير ان في العاب علي play stpre مشتغلتش عندي أعتقد السبب كان الرامات
  
  3- موضوع السخونية ده طبيعي جدا جدا ... و معمليش اي مشكله .. و مبحس بيه الا اوقات قليلة فعلا .. و علي فكرة أقل كتير من موبيلات تانيه .. انا أختي معاها note 2 لما بستخدمه شوية علي النت مبقدرش اعمل منه مكالمه غير لما يبرد شويه لاني فعلا بلاقي السخونية علي وشي .. لكن ال x pop مش للدرجه دي و مع استعمالي المكثف درجة حرارته مزادتش عن 41 وده طبيعي و مفيهوش اي خطورة علي حد قراءتي للمانيوال
  
  4- البطارية جيدة جدا نسبيا ... استعمال متوسط مكالمات علي نت متوسط تكمل يوم .. لكن لو استخدام مكثف واي فاي مع داونلود أو ألعاب كتير تقعد معاك 5 ساعات يا دووب ... و ده علي فكره فيأغلب الاندرويد .. أصحابي معاهم s3 و core بيشتكزا برضه انهم من الاعاب البطارية مش بتلحق و حسبناها لقيناها تقريبا نفس المعدل لان البطاريات بتاعتهم بتزيد في الامبير اي نعم بس البروسيسور الاعلي و الشاشة الاعلي بيسحب استهلاك اكبر فبتكون المحصلة نفس زمن الاستخدام تقريبا
  
  5- التتش كويس جدا ما شاء الله ومفيش اي مشاكل من السماعات او الشبكات الحمدلله و الموبايل صوته عالي و انا مقلل درجة الصوت كمان مش عامل اقصي درجه و النت سريع جدا و بيدخل من اي شريحه من الشريحتين و انت اللي بتحددله ... و مش لازم مثلا انك تخلي الشريحه اللي عاوز تدخل منها علي النت هي الشريحة الاولي .. بس انت تحددله ياعة الدخول للنت و تحددله كمان ان ال 3g يكون من الشريحة اللي عاوز تدخل للنت منها ..
  
  6- الشريحتين شغالين مع بعض تمام مفيش اي مشاكل بس لما بتجيلك مكالمه علش شريحة التانيه بتبقي غير متاح ... و لو انت علي النت الشريحتين شغالين عادي بدون اي مشاكل علشان كان في اخوه بتقول ان الاتصال مع شريحه معينه بيفصل الاخري و الكلام ده غلط و مش موجود
  
  اجمالا الموبايل فعلا ما شاء الله مناسب جدا و عملي جدا و هيناسب اي حدا عاوز يجيب سمارت فون و هيسد معاه و هينبسط بيه ان شاء الله .. لكن لو حضرتك محترف قوي و عاوز موبايل معدي عليك و علي s3 او note 2 و الله بسهلك يا عم ..
  و كل سنه و حضراتكم طيبين

---