بدور علي ايه؟ اكتب رقم موديل الموبايل الابدور عليه
mahmoudhoda
احدث المشاراكات
-
2013-11-13 (06:10:15PM) Samsung Galaxy Ace 3
لا المشكلة بتاعتك مشكلة فردية انصحك انك تروح الضمان و تبدل الموبايل بسرعة خلال فترة ال 14 يوم
-
2013-11-12 (03:13:11PM) Samsung Galaxy Ace 3
انا رديت عليك قبل كده و انا معايا الموبايل و مجرب البطارية فلو مش عايز تصدقنى انت حر لكن لو انت هتقارن بين بطارية ده و بطارية s3 فموبيل s3 احسن بكتير طبعا انت متقرنش بطارية موبايل ب 1700 بموبايل ب 3000 جنيه يعنى
-
2013-11-07 (08:52:58PM) Samsung Galaxy Ace 3
شوف التقرير اللى كتيته عن البطارية تحت و انت هتعرف
-
2013-11-06 (03:25:50PM) Samsung Galaxy Ace 3
دوت تقرير مفصل عن بطارية galaxy ace 3:
البطارية بتاعته جيدة بس انت استخدمها كويس يعنى تقفل الحاجات اللى مش بتستخدمها و بتسحب من البطارية على الفاضى و تفتحها عند اللزوم بس زى wifi و bluetooth و gps و البرامج اللى شغاله فى الخلفية و تقلل اضاءة الشاشة للنص فملهاش لزمة انك تخليها على الاخر فدى اكتر حاجة بتسحب من البطارية و انت لو قللتها للنص مش هتقل جودة الشاشة او حاجة و هتشوف الشاشة كويس برضه فى الشمس انت لو عملت اللة انا قلت عليه دوت البطارية هتعد معاك يوم لو انت شغال عليه لعب و نت كتير جدا و لو نت و لعب وسط هتعد معاك يومين اما لو قليل هتعد معاك حوالى 3 او 4 ايام
اما للى بيسأل البطارية بتعد اد ايه عند الشغل على النت المتواصل :
فلو بتخش wifi: هتعد حوالى من 6 الى 7 ساعات
و لو 3g: هتعد حوالى 5 ساعات
لو انت اتبعت التعليمات اللى انا قلت عليها فوق -
2013-11-02 (04:38:45PM) Samsung Galaxy Ace 3
مقارنة بين galaxy ace 3 و galaxy core
مقدمة:
انا عامل المقارنة دى لإن عارف ان فى ناس كتيرة محتارة بينهم زى ما كنت انا محتار بينهم قبل ما اجيب الموبايل بتاعى و الحمد لله جبت galaxy ace 3 فى الآخر
الشاشة:
شاشة galaxy ace 3 افضل من core عشان بيكسلات الشاشة فى ace 3 هى (233 pixels) لكن بيكسلان الشاشة فى core هى (217 pixels) لكن شاشة core اكبر بشوية من ال ace 3 فالكور شاشته 4.3 inch لكن ace 3 شاشته 4 inch
البروسيسور:
و ده بينخدع فيه ناس كتير فالسعة بتاعة بروسيسور galaxy core هى 1.2 gh لكن بتاعة ace 3 هى 1 gh و هما الأتنين dual core ففى ناس كتير هتقول ان بروسيسور ال core افضل لكن الحقيقة ان بروسيسور ال ace 3 افضل عشان البروسيسور بتاعه من نوع cortex a9 لكن بروسيسور بتاع core من نوع cortex a5 فبروسيسو cortex a9 اداؤه افضل بكتيييييير جدا من cortex a5 عشان كده فى ناس من اللى معاها core ممكن يشتكوا من بعض التهنيج و البطئ فى الألعاب العالية
كارت الشاشة :
كارت الشاشة بتاع ace 3 افضل من core عشان بتاع ace 3 من نوع VideoCore IV Broadcom لكن بتاع core من نوع Adreno 203
و ده ترتيب كروت الشاشة
Adreno 200 < Adreno 203 < Adreno 205 <PowerVR 540/Mali 400MP(1)/Adreno 220 <VideoCore IV (Broadcom) <Mali400/Adreno 225 and newer...
الكاميرا :
فى تصوير الصور هما الأتنين واحد لكن ace 3 فى تصوير الفيديو احسن لإنه بيصور 720p hd لكن core بيصور 480p و كمان ال ace 3 الكاميرا بتاعته فيها مميزات احسن زى التقاط الصوره و معاها صوت لو انت عايز و التقاط الصور الصور اثناء تصوير الفيديو و مميزات تانية
البطارية:
بطارية core افضل من بطارية ace 3 فبطارية core سعتها 1800 MAH اما بطارية ace 3 سعتها 1500 MAH
البلوتوث :
بلوتوث ace 3 افضل من بلوتوث core فالبلوتوث بتاع ace 3 من نوع 4 لكن بتاع core من نوع 3
تشغيل الفيديوهات:
ace 3 بيشغل فيديوهات 720p hd لكن core بيشغل 480p فى ace 3 افضل فى تشغيل الفيديوهات
الأندرويد:
اندرويد ال ace 3 افضل فهو 4.2.2 لكن اندرويد core اقدم و هو 4.1
المساحة الداخلية:
المساحة الداخلية للcore اكبر من المساحة الداخلية لل ace 3 فبتاعة ال core حوالى 5 جيجا صافى لكن بتاعة ال ace 3 حوالى 1.8 صافى
الخلاصة:
مميزان galaxy core:
-شاشة اكبر نسبيا
-بطارية افضل
-مساحة داخلية اكبر
مميزات galaxy ace 3:
-بروسيسور و سرعة افضل
-تصوير فيديو افضل و مميزات فى الكاميرا افضل
-نقاء شاشة افضل
-بلوتوث افضل
تشغيل فيديوهات افضل
-اندرويد احدث و افضل
-سعر اقل شوية من core
و كمان تصوير الفيديو فى الكور مفهوش زووم لكن فى الآيس 3 فيه زووم
فى النهاية بعد المقارنة انا شايف ان galaxy ace 3 افضل من galaxy core -
2013-10-30 (06:21:54PM) Samsung Galaxy Ace 3
هى خاماته مش تعبانه و لا حاجة هو بس مصنوع من البلاستيك زيه زى كل اجهزة سامسونج
-
2013-10-30 (06:19:33PM) Samsung Galaxy Ace 3
ايوه لو انت استخدمت الموبايل خفيف يعنى مكالمات و رسائل بس هتعد معاك حوالى 3 او 4 ايام لكن لو انت استخدمته طول اليوم فى النت و الألعاب هتعد معاك يوم و لو استعمالك وسط هتعد معاك حوالى يوم و نص او يومين
-
2013-10-26 (10:01:10PM) Samsung Galaxy Ace 3
و ده تقرير كامل عن الجهاز
تقرير عن سامسونج galaxy ace 3
مقدمة:
الهاتف رائع جدا و هو من افضل الهواتف اللى نزلتها سامسونج فى الفئة السعرية بتاعته و امكانياته افضل من سعره بكتير
الشاشة:
رائعة جدا و الوانها جميلة جدا و بيكسلاتها عالية (233 pixels ) لكنها مش ضد الخدش فلازم تجبلها سكرين بروتكتور عشان تحافظ عليه و التاتش بتاع الموبايل سريع جدا جدا
المساحة الداخلية:
قليلة نسبيا فالمساحة هى 4 جيجا لكن المساحة صافى حوالى 1.8 جيجا لكن الموبايل فيه ميزة نقل الملفات من الذاكرة الداخلية للميمورى و ذلك عن طريق الدخول على settings و بعد كده applications manager و بعد كده تخش على التطبيق او اللعبة اللى عايز تنقلها و تدوس جوه على move to sd card و لو عايز تعمل العكس و تنقل من التطبيقات و الالعاب من الميمورى للذاكرة الخارجية هتعمل نفس الخطوات بس هدوس move to device storage بس الميزة دى عيبها انها ما بتنقلش ملفات ال data
الكاميرا :
رائعة جدا 5 ميجابيكسل و تصوير الفيديو 720p hd و فيها مميزات موجودة فى جلاكسى s4 مثل التقاط الصوره و معاها صوت لو انت عايز ز مثل التقاط الصور الصور اثناء تصوير الفيديو و الكاميرا بتصور حلو بليل عشان الفلاش بتاعها قوى
البروسيسور و الرام:
البروسيسور رائع جدا و مخلى الجهاز سريع جدا فالبروسيسور dual core من نوع cortex a9 و السعة بتاعته 1 gh انا حاطط على الجها كل التطبيقات و الألعاب اللى انا عايزها و ما بيهنجش ما شاء الله و الرام 1 جيجا رائعة جدا
نظام التشغيل:
نظام التشغيل للموبايل android 4.2.2 و الأندرويد ده سريع جدا و شكله حلو و مميزاته كتيره
الألعاب:
هو كويس جد فى الألعاب و مابيهنجش فى الألعاب خالص و بيشغلها بجرافيك حلو جدا لكن لو انت عايز تنزل العاب مساحتها فوق ال 1 جيجا الموبايل ده مش هينسبك عشان مساحته الداخلية قليلة و انا قلت فوق ان ملفات الdata ماينفعش تتنقل من الذاكرة الداخلية للميمورى
تشغيل الفيديوهات:
رائع فى تشغيل الفيديوهات فبيشغلها بجودة عالية جدا و بيشغل فيديوهات ال hd
الصوت:
متوسط و لا عالى و لا واطى لكن هى موبايلات سامسونج معروفة بإن صوتها وسط مش عالى زى نوكيا
مميزات اخرى:
الموبايل فيه مميزات كتيرة و مفيدة و فيها منها مميزات موجودة فى galaxy s4 هتكتشفها لما تجيب الموبايل -
2013-10-26 (09:58:08PM) Samsung Galaxy Ace 3
تقرير عن بطارية galaxy ace 3:
البطارية بتاعته جيدة بس انت استخدمها كويس يعنى تقفل الحاجات اللى مش بتستخدمها و بتسحب من البطارية على الفاضى و تفتحها عند اللزوم بس زى wifi و bluetooth و gps و البرامج اللى شغاله فى الخلفية و تقلل اضاءة الشاشة للنص فملهاش لزمة انك تخليها على الاخر فدى اكتر حاجة بتسحب من البطارية و انت لو قللتها للنص مش هتقل جودة الشاشة او حاجة و هتشوف الشاشة كويس برضه فى الشمس انت لو عملت اللة انا قلت عليه دوت البطارية هتعد معاك يوم لو انت شغال عليه لعب و نت كتير جدا و لو نت و لعب وسط هتعد معاك يومين اما لو قليل هتعد معاك حوالى 3 او 4 ايام
اما للى بيسأل البطارية بتعد اد ايه عند الشغل على النت المتواصل :
فلو بتخش wifi: هتعد حوالى من 6 الى 7 ساعات
و لو 3g: هتعد حوالى 5 ساعات
لو انت اتبعت التعليمات اللى انا قلت عليها فوق.. -
2013-10-22 (07:51:05PM) Samsung Galaxy Core I8262
4 جيجا الذاكرة الداخلية محجوزة لنظام الأندرويد و ال 4 جيجا التانيين بتبقى صافيه ليك يعنى انت ليك 4 جيجا صافى و الموضوع ده بيبقى على كل اجهزة الجلاكسى يعنى مش عيب فيه
-
2013-10-21 (11:19:50PM) Samsung Galaxy Core I8262
4 جيجا الذاكرة الداخلية محجوزة لنظام الأندرويد و ال 4 جيجا التانيين بتبقى صافيه ليك يعنى انت ليك 4 جيجا صافى و الموضوع ده بيبقى على كل اجهزة الجلاكسى
-
2013-10-19 (05:43:26PM) Samsung Galaxy Core I8262
بص يا MahmoudEmam هما الأتنين زى بعض تقريبا لكن galaxy s3 mini الشاشة بتاعته سوبر اموليد و دى افضل من الشاشة بتاعة ace 3 اللى هى tft و المساحة الداخلية بتاعة s3 mini حوالى 4 جيجا صافى و دى اكبر من ace 3 اللى هى حوالى 1.8 جيجا لكن الأندرويد بتاعى galaxy ace 3 افضل و احدث من galaxy s3 mini لإن بتاع ace 3 هو 4.2.2 لكن بتاع s3 mini هو 4.1 و برضه فيه خاصيتين فى كاميرا ace 3 مش موجودة فى s3 mini اللى هما التقاط الصور اثناء تصوير الفيديو و خاصية التقاط الصور و معاها صوت لو عايز
-
2013-10-19 (05:35:28PM) Samsung Galaxy Core I8262
العفو يا bebo*mr لكن انا جربتش قبل كده htc و ما عرفش عنهم حاجة
-
2013-10-13 (08:52:21PM) Samsung Galaxy Ace 3
انا عايز اسئل سؤال انا ممكن اعمل تعديلات على تعليقاتى و ردودى فى الموقع ده و لا لأ و لو ينفع اعمل ازاى و شكرا
-
2013-10-13 (08:49:59PM) Samsung Galaxy Ace 3
اه برضه فى حاجة تصوير الفيديو فى galaxy ace 3 فيه زووم 4x لكن تصوير الفيديو فى galaxy core مفيهوش زووم