بدور علي ايه؟ اكتب رقم موديل الموبايل الابدور عليه
mohaelgendi
احدث المشاراكات
-
2013-07-28 (02:06:44PM) Sony Xperia P
انا معايا اكسبريا P بقاله حوالي شهر و نص فضي :) .... ممتاز و لله الحمد و موبايل محترم ... بس انا شفت موبايل جديد اسمه xperia L مواصفاته تقريبا نفس P و بياخد كارت ميموري و الشاشه اكبر و البطارية بتتشال و شكله شبه ال Z و السعر واحد نفس سعر P
يقل عن ال P في انه مفيهوش usb on the go و مفيهوش hdmi و الجسم مش الومنيوم
بص عليه كده قبل ما تشتري
-
2013-06-19 (11:23:24PM) Sony Xperia P
انا ظاهرلي
6.2.A.0.400
ده كده اقل من اللي عندك ؟؟؟
عموما انا خايف اعمل الابديت علشان انا موبايلي جاي من السعوديه و مفيش ضمان .. افرح بيه الاول و اكمل الشهر
بس طمني عامل معاك ايه
-
2013-06-08 (11:57:24AM) Sony Xperia P
الكلام ده من صفحة الدعم للموبايل xperia p من على موقع سوني ... لاحظ اول جمله .. هتجاوب سؤالك :
****************************************
تحسين أداء البطارية
تساهم النصائح التالية في تحسين أداء البطارية:
شحن جهازك كثيرًا. لم يؤثر هذا في مدة صلاحية البطارية.
يؤدي تنزيل بيانات من الإنترنت إلى استهلاك قدر كبير من الطاقة. وفي حالة عدم استخدام الإنترنت، يمكنك توفير الطاقة عن طريق تعطيل جميع اتصالات البيانات عبر شبكات الهاتف النقال. لا يمنع هذا الإعداد جهازك من إرسال البيانات عبر الشبكات اللاسلكية الأخرى.
قم بإيقاف خدمة Bluetooth™ وWi-Fi® عندما لا تحتاج تلك الميزات. ويمكنك تشغيل تلك الخدمات وإيقافها بسهولة أكبر عن طريق إضافة الواجهة الرسومية للإعدادات السريعة إلى الشاشة الرئيسية.
استخدم ميزات وضع STAMINA ووضع شحن البطارية منخفض لتقليل استهلاك البطارية. بإمكانك تحديد وضع توفير الطاقة الأكثر ملائمة للطريقة التي تستخدم بها جهازك. بإمكانك كذلك تخصيص إعدادات كل وضع خاص بتوفير الطاقة.
اضبط تطبيقات المزامنة (التي تستخدم في مزامنة بريدك الإلكتروني، والتقويم، والأسماء/الأرقام) لإجراء المزامنة يدويًا. بإمكانك أيضًا إجراء المزامنة تلقائيًا ولكن قم بزيادة الفترات الزمنية الفاصلة للمزامنة.
افحص قائمة استهلاك البطارية في الجهاز لمعرفة أي التطبيقات تستهلك معظم الطاقة. تستهلك البطارية المزيد من الطاقة عند استخدام تطبيقات دفق مقاطع الفيديو والموسيقى، مثل ™YouTube. قد تستهلك بعض التطبيقات التي يتم إنزالها من ™Google Play بعض الطاقة كذلك.
أغلق وأخرج التطبيقات التي لا تقوم باستخدامها.
قم بخفض مستوى سطوع عرض الشاشة.
قم بإيقاف تشغيل جهازك أو تنشيط إعداد وضع الطائرة إذا كنت في منطقة لا يتوفر بها تغطية شبكة. وإلا سيقوم جهازك بالبحث المتكرر عن الشبكات المتاحة مما يؤدي إلى زيادة في استهلاك طاقة الهاتف.
استخدم عدة تحدث عن بعد أصلية من Sony للاستماع إلى الموسيقى. تتطلب أجهزة التحدث عن بعد طاقة بطارية أقل من مكبرات صوت الجهاز.
إبقاء جهازك في وضع الانتظار كلما كان ذلك ممكنا. يشير زمن الانتظار إلى الوقت الذي يتم فيه توصيل جهازك بالشبكة ولا يجري استخدامه.
قم بتعطيل أي خلفية مباشرة.
************************************
للمزيد :
-
2013-05-29 (11:00:23AM) Sony Xperia P
princelove_150
مش عارف يا اخي و الله ... بس عموما ان شاء الله اسبوع هيجيني التليفون و لو لقيت حل للموضوع ده او طريقه هبلغك
turbomedia
شكرا للرد .. انا عارف ان المحلات بتحرق اسعار و منتج زي سوني مش معموله تسويق كويس زي السامسونج و ده ظالمه كتير .. فبيكون منتج تقيل في المحل فلازم يحرق عليه
انا سألت لانك قلت ان راديو طلعت ب2625 و لما رحت قالو 2400 .. و كمان الموضوع شكله كان داخل في تصفيه لاني ملقيتش غير الاسود و ضمان دلتا .. تحس كده جو شح عام ... فانا قلقت و قلت لف و ارجع تاني
شكرا للنصيحه يا كبير اني اشتريه من هنا .. بس في حد اشتراه ليا بالفعل من السعوديه من عالم سوني اول امبارح
-
2013-05-28 (02:30:43PM) Sony Xperia P
يوصل على جهاز فيه HDMI
ده المنطق اللي بيقول كده
بس السؤال هتكون ايه الفايده منه اكتر من فايدة الUSB العادي مع الكومبيوتر
-
2013-05-28 (01:47:00PM) Sony Xperia P
اهداء للعضو النشيط جدا ماشاء الله turbomedia
فيديوهات عن HDMI البورت الموجود في xperia p و توصيله مع التليفزيونات الجديده .. اي نوع .. شرط يكون فيه بورت HDMI ... تقدر بقا تتفرج على افلام و تسمع موسيقى و تلعب العاب و تدخل نت .. كمان تتحكم من الموبايل او الريموت بتاع التليفزيون
Xperia P - HDMI Connection test - Most Wanted
عيش بالاختراع ده و وصل كل اللي انت عايزه
Sony SmartDock for Xperia P
التوصيل بالتليفزيون " اي نوع " و التحكم بالريموت
Sony Xperia S HDMI Connectivity Demo
-
2013-05-26 (11:24:39AM) Sony Xperia P
اسف على التأخير في الرد ... ان شاء الله هحط اللنكات لما النت يتعدل عندي ... انا تقريبا عايش بأقل من ال0777 بتاع زمان
باشا الحقني .. انا رحت راديو محمد طلعت اللي في غمرة ... قاللي التليفون موجود اسود بس و ب 2400 جنيه بس ... في حين ان في رزق الله و موبايل شوب قالو انه مبقاش ينزل و ان اخر سعر كان 2900 ... فانا قلقت و قافل تماما من حوار اني اشتريه من هنا و بفكر اخلي حد يجيبه من السعوديه
المشكله بقا ... هو ايه اللي يخلي سوني تبطل تنزل موبايل فيه تكنولوجيا منزلتهاش في حاجه غيره ولا نزلها حد غيرها >>> الوايت ماجيك
كمان دول بيكتبو عالعلبه انه افضل منتج 2012... ده غير انه مش نازل غير من 11 شهر بس -
2013-05-23 (02:28:01PM) Sony Xperia P
شفت الفيديو ده و شفت فيديوهات تانيه فيها التعامل بالريموت بتاع التليفزيون .. مش بالتليفون :)
-
2013-05-21 (11:15:38PM) Sony Xperia P
شكرا يا كبير ... انا النهارده شفت فيديو للسوني و هو متوصل hdmi على تليفزيون .... مش عايز شاشه كبيره ... انا هقلب لهم التليفزيون مسرح عمليات
اخويا شغال في سامسونج و قاللي بلاش ال جي علشان هو فرع واد بتاعي المعادي اللي فيه كل المبيعات و الصيانه في مصر و هيطلع عيني في التوكيل
-
2013-05-20 (02:31:38PM) Sony Xperia P
السلام عليكم
يا جماعه انا خلاص احترت
قلت اشتري موبايل ابتدى معايا الموضوع باعجاب كبير بسوني sola بعدين قلت يا واد زود شويه و دخلت على sony xperia p ... المشكله بقا انها فتحت معايا بزياده و عيني زغللت على LG 4X HD
بس انا خايف من ال جي
يا ريت بقا حد يفيدني .. اجيب xperia p ولا اجيب LG 4X HD ؟
و لو هجيب اي واحد فيهم اجيبه منين بحيث يكون بالضمان و مكان محترم و السعر تقريبا كم
و شكرا :) -
2013-05-18 (01:47:26PM) LG Optimus 4X HD P880
اسلام . انا بعتت ليك اكتر من رساله خاصه ... يا ريت ترد عليا و شكرا
-
2013-05-18 (01:46:26PM) LG Optimus 4X HD P880
الف مبروك يا باشا و ربنا يبارك لك فيه
قولي بقا جبته منين و بكام و ضمان ولا لا
كمان عرفني الشاشه الوانها و جودتها و التاتش و الكاميرا ظروفهم ايه
انا محتار بينه و بين sony xperia p ... خايف اشتري ال LG و يطلع مش قد كده
يا ريت بعد ما انت جربته تعرفنا ظروفه ايه معاك