بدور علي ايه؟ اكتب رقم موديل الموبايل الابدور عليه
eslam1986
احدث المشاراكات
-
2012-11-22 (03:40:23PM) Sony Ericsson Xperia Arc S
متشكر جدا يا ميدو علي ردودك الوافية :)
-
2012-11-22 (01:40:03PM) Sony Ericsson Xperia Arc S
بس معلش هو سؤال بسيط...هو الروت ممكن يبقي ليه دور في حاجة زي كدة؟؟؟يعني ممكن جهاز زي ده اخر تحديث متاح ليه هو الايس كريم ساندوتش هل ممكن الروت يخليني اقدر احدثه باي اصدار تاني بعد الايس كريم ولا ملوش علاقة؟؟؟
-
2012-11-22 (01:38:32PM) Sony Ericsson Xperia Arc S
شكرا علي الرد يا استاذ ميدو...بس عايز اقولك اني لسة اصلا مجبتش العدة هههههههههههههه...الفكرة كلها اني لسة في مرحلة المقارنة وانا شوفت الجيلي بن علي موبايل واحد صاحبي جلاكسي نوت وهو الصراحة عجبني جدا فكنت بسال بس هل من الممكن انه ينزل عالارك اس ولا لا...ومع ذلك ده مش هيغير من رايي لاني بنسبة كبيرة مستقر ان شاء الله علي ارك اس وحلفت اني مش همسك سامسونج تاني لان تجربتي معاه مش ظريفة خالص وحابب اني اخوض تجربة السوني...غير كدة كمان هو زي منتا قولت بالظبط ان انتظار حاجة ورا حاجة ده يعتبر صداع وده اللي انا فيه دلوقتي ودماغي ورمت من كتر المقارنات والتردد ونفسي بقي اجيبه عشان اريح دماغي ...شكرا ليك مرة تانية يا ميدو
-
2012-11-22 (07:49:38AM) Sony Ericsson Xperia Arc S
هل من مجيب :d
-
2012-11-21 (04:20:57PM) Sony Ericsson Xperia Arc S
السلام عليكم
يا جماعة كنت عايز اعرف هو الموبايل ده ينفع انزله نسخة الجيلي بين ولا لا؟؟
انا سمعت انه اخر حاجة ينفع تنزل عليه هي الايس كريم ساندوتش...بس ايه السبب اللي يخلي الجيلي بين مينزلش؟؟؟هل بسبب المساحة ولا حاجة تانية لاني سمعت ان الجيلي بين مساحته تقريبا جيجا...هل فيه اي وسيلة حتي وان كانت تحايل عشان اقدر انزل الجيلي بين عليه؟؟؟لاني بصراحة شوفت النسخة دي وعجباني جدا...مستني ردكم -
2012-11-19 (04:37:45PM) Sony Ericsson Xperia Arc S
متشكر جدا ليكو يا جماعة بجد ربنا يكرمكم
-
2012-11-18 (04:09:42PM) Sony Ericsson Xperia Arc S
السلام عليكم
معلش يا جماعة عندي استفسار صغير بخصوص الارك اس
كنت عايز اعرف هل الموبايل ده بيدعم الفيديو كول ولا لا؟؟؟يعني هل ممكن يدعمها من خلال الكاميرا الخلفية؟؟
تاني حاجة - وده موجه بشكل اخص للاستاذ ميدو - هل انت منزل ابليكيشنز كتير عالموبايل؟؟؟ولو اه...طب هل بتحس ببطء في الموبايل وتهنيج وكدة ولا شغال تمام من غير مشاكل؟؟؟وهل ممكن تنقل الابليكيشنز بتسطيبها علي كارت الميموري وافضل محتفظ بالذاكرة الداخلية فاضية او بمعني اصح غير ممتلئة عن اخرها عشان احافظ علي البرفورمانس بتاع الجهاز؟؟؟
شكرا جزيلا للرد مقدما -
2012-11-17 (02:55:13AM) Sony Ericsson Xperia Arc S
السلام عليكم
معلش عندي استفسار بسيط بخصوص الذاكرة الداخلية للموبايل ده لان دي الحاجة الوحيدة اللي قلقاني منه بصراحة...كنت عايز اعرف هي ايه بالظبط الحاجات اللي بتنزل عالذاكرة الداخلية دي؟؟؟انا عارف ان فيه حاجات ممكن تتخزن عالذاكرة الداخلية وممكن تتخزن علي كارت ميموري...وفيه حاجات اكيد مينفعش باي حال من الاحوال تاخد مساحة غير عالذاكرة الداخلية...فكنت عايز اعرف الذاكرة الداخلية دي ممكن تتملي ف ايه بالظبط وايه تاثيرها علي سرعة الجهاز؟؟؟ -
2012-11-16 (05:02:02AM) Sony Ericsson Xperia Arc S
السلام عليكم
متشكر جدا ليكو يا mido888 انت و pienqo عالرد الوافي والتوضيح الممتاز.
بالنسبة للاخ pienqo....متشكر لاهتمامك بالموضوع بس انا فعلا اقصد اني استقريت عالسوني وده بعد ما قريت عن ال جي ولقيت ناس كتير بتشتكي منه و لقيت ليه اكتر من عيب زي البطء والتهنيج الكتير والسخونية الجامدة وفوق ده كله مفيش دعم اقدر الجأ ليه لو حصلت اي مشكلة...فريحت دماغي وقولت اجيب حاجة مضمونة شوية وانا شايف ان السوني محترم.
شكرا للافادة مرة تانية وجزاكم الله خيرا
سلام عليكم -
2012-11-15 (03:35:09PM) Sony Ericsson Xperia Arc S
السلام عليكم
يا شباب بعد رحلة بحث طويلة وعميقة ومقارنات متعبة استقريت عالموبايل ده ان شاء الله...بس كان عندي شوية استفسارات ياريت اهل الخبرة والناس اللي اتعاملو مع الموبايل ده يفيدوني فيها:
1.بالنسبة للبطارية ممكن تتشحن كل اد ايه (الاستعمال متوسط)...يعني هل هي في المعقول (يعني مرة كل يوم ونص مثلا)...ولا ضعيفة (مرة او اكتر في اليوم)؟؟
2.بالنسبة للابليكاشنز هل ممكن احملها علي كارت الميموري ولا لازم تتحمل عالانترنال ميموري؟؟
3.هل حد جرب اخر ابديت (ساندوتش)؟؟ولو حد جربه...هل بعد الابديت الجهاز ما زال سريع ولا بقي بطيء؟؟
شكرا جزيلا عالرد والافادة زي ما اتعودت منكم دايما :) -
2012-11-15 (04:32:38AM) Sony Ericsson Xperia Arc S
شكرا ليك يا ميدو عالرد...انا فعلا واخد بالي من السعر اللي مكتوب بس انا مش عارف السعر ده ابديتد ولاه بقاله كتير فعشان كدة كنت بسال لو حد يعرف السعر بالظبط حاليا.
-
2012-11-15 (04:31:18AM) Sony Ericsson Xperia Arc S
السلام عليكم
استاذ pienqo
لك مني كل التحيات علي ردك الوافي...بس انا اللي مخوفني منه اني قريت في كذا حتة ناس بتشتكي من ضعف الشاشة وانها قابلة للكسر بمنتهي السهولة...وانت عارف ان اي موبايل معرض انه يقع او يتخبط مثلا فانت ايه رايك في الموضوع ده وهل فعلا الكلام ده صحيح؟؟؟
وبالنسبة للضمان والدعم بتاعه انا بصراحة متخوف منه لاني بردو ان الدعم بتاعه سيء...الموبايل نفسه عاجبني بس بردو فيه حاجات لازم نحطها في اعتبار...الموبايل مش شكل وامكانيات وبس. -
2012-11-14 (06:26:48PM) Sony Ericsson Xperia Arc S
السلام عليكم
يا جماعة ممكن اعرف سعر الجهاز حاليا كام بالظبط بضمان ومن غير ضمان (او بضمان دولي)؟؟؟
في انتظار الرد...شكرا -
2012-11-14 (03:39:25PM) Sony Ericsson Xperia Arc S
والله يا جماعة مش عارف اقولكو ايه بس متشكر جدا ليكو كلكو...متشكر جدا ليك يا pienqo علي توضيحك لنقطة الضمان...متشكر جدا ليك يا أحمد محمد لتوضيحك للفروق بين انواع الشاشات...متشكر جدا ليك يا mido888 بسبب مشاركاتك المتميزة واللي استفدت منها كتير.
بس معلش سؤال اخير...يعني انا تقريبا استقريت علي موبايل ال جي اوبتيماس بلاك لاني شايف ان امكانياته عالية...بس عايز اعرف هي ينصح ب ال جي؟؟؟وهل حد ليه تجارب مع موبايلات ال جي عموما والموبايل ده خصوصا؟؟؟
شكرا ليكو مقدما -
2012-11-14 (05:45:14AM) Sony Ericsson Xperia Arc S
السلام عليكم
اولا احب اشكر كل القائمين عالموقع الرائع ده لانه فعلا مفيد جدا
ثانيا انا عندي استفسارين وارجو من ذوي الخبرة هنا الرد والافادة واسف ان الاستفسار الاول خاص بموبايل ال جي بس انا طرحت السؤال علي صفحة ال جي ومحدش رد وانا محتاج الرد ضروري وواضح ان الصفحة هنا نشيطة فاتمني اني الاقي رد:
1.كنت عايز اعرف مين الشركة اللي ماسكة ضمان ال جي في مصر وهل مستوي الدعم والخدمة جيد ولا اي كلام؟؟
2.ياريت حد يوضحلي الفرق بين انواع الشاشات وترتيبهم من الافضل للاسوأ
super AMOLED
LED-Backlit
LCD
IPS LCD
شكرا جزيلا مقدما