daliag

احدث المشاراكات

• 2014-06-19 (11:33:47AM) Samsung Galaxy Ace 3

  يا جماعه ابني غاوي العاب اجيبله ايس 3 ولا كور مش عاوزه اجيبله جهاز وهو بيشغل اللعبه يقوله الذاكره ممتلئه لان كان معاه ارك اس وكانت ده مشكلته
  
  ومعلش استفسار كمان انا شايفه رقمين للكور ممكن اعرف الفرق بينهم

---

• 2014-03-15 (11:31:06PM) Samsung Galaxy Grand 2

  الف شكر لحضرتك على المعلومه

---

• 2014-03-14 (12:31:40PM) Samsung Galaxy Grand 2

  لا نهائي ماشاء الله جميل و مفيش سخونه خالص

---

• 2014-03-14 (12:29:40PM) Samsung Galaxy Grand 2

  لو سمحتم انا لسه شارية الموب ده ولي سؤالين اولا التحديث هل هينزل له الكيتكات ولا لئ و لو هينزل هيكون امتى
  ثانيا عاوزه اجيب الجراب السمارت بتاعه اجيبه منين و هل الجراب الاصلي موجود لو منزلش هل في ماركة معينة اجيبها
  وشكرا ليكم مقدما

---

• 2012-11-02 (05:45:10PM) Sony Ericsson Xperia Arc S

  شكرا للافاده استاذ ميدو هو الحمد محصلش معايه حاجه انا جربت على كل اللي بيقول لي عليه البرنامج و بمسح الكاش بتاعه مش بيجرى شئ
  
  وشكرا مره تانيه للافاده

---

• 2012-11-02 (05:07:54AM) Sony Ericsson Xperia Arc S

  نسيت أقولك كمان أدخل على applications - running services بردو في غلق برامج و تنضيف الرام
  
  و على فكره البرامج ده مهمه لأي عده حتى لو الرام مساحتها اكبر

---

• 2012-11-02 (04:53:07AM) Sony Ericsson Xperia Arc S

  
  بص أنا حاطط كل البرامج والالعاب والخلفيات و غيرهم وبالكميه اللي أعوزها مفيش مشكله عندي هقولك ازاي
  
  أول ما تلاقي بيقولك مفيش مساحه رستر الجهاز شئ مبدأي علشان اللي على الرامات يتقفل
  
  وفي برامج مهمه لازم تنزلها وبتغنيك عن رسترة الجهاز
  
  أول برنامج نزل n q android booster ده بيقفل البرامج المفتوحه على الرام
  
  تاني برنامج clean master ادخل عليه نضف ملفات الكاش و الملفات الزائده عديمة الفائده اللي بتنزل مع التستيب البرنامج حلو جدا وهيوفر مساحه وبيسرع الجهاز
  
  تالت برنامج app2sd ده ممتاز لتوفير مساحة الجهاز الداخليه وظيفته بتقدر تنقل البرامج اللي نزلت غصب عنك على ذاكرة الجهاز الداخليه تقدر تنقلها للميموري الخارجي والعكس وفي برامج مش هتأدر تنقلها بتكون نزله محميه من المبرمج و منصحكش تنقل برامج متعلقه بالسسيستم علشان البرامج تفضل تشتغل سريع وكويس وهو هيقولك على البرامج اللي لايفضل تنقلها
  
  رابع برنامج advanced task killer ده بتشوف البرامج المفتوحه اللي بتعمل في الخلفيه ده غير كمان البرنامج الاولاني بيطلع لي برامج تانيه بيكون الجهاز حافظ منها نسخه مفتوحه وبتشوف مساحة الرام اختار البرامج اللي عاوز تقفلها وركز في الاختيار وانت بتعلم عليهم ودوس kill هيقفلهم البرنامج مهم و بيوفر في الرام و المساحه الداخليه كتير
  
  العمليات ده كلها مبتاخدش مني 3 دقائق بالظبط
  
  وعموما أنا شخصيا كل ما بنزل مجموعة برامج وخلفيات وثيمات بفضل اني أعمل العمليات اللي فوق ده و معاهم بفضل اني أرستر الجهاز بيفضل منظم وخفيف ومرتب الافكار :)
  
  و الجهاز ما شاء الله الجهاز روعه في كل شئ وأنا مستمتع معاه جدا
  
  ان شاء الله أكون قدرت أساعدك

---

• 2012-10-25 (07:20:19PM) Sony Ericsson Xperia Arc S

  كل سنه ومصر كلها بخير يارب

---

• 2012-10-25 (04:30:15AM) Sony Ericsson Xperia Arc S

  عرض ممتاز طبعا لان انا جبته ب 1950 بدون ضمان

---

• 2012-10-20 (11:48:53PM) Sony Ericsson Xperia Arc S

  خبر ممتاز
  
  الجهاز هينزل له تحديث جيلي بين ان شاء الله
  
  رابط الخبر
  
  
  
  

---

• 2012-10-20 (11:46:10PM) Sony Ericsson Xperia Arc S

  لا حضرتك غلطان الخبر الصحيح ان كل اجهزة 2011 هينزل لها جيلي بين
  
  اتفضل
  
  
  
  و floower الله يبارك فيك شكرا بس انا مش من القاهره وجبته ب 1950 ج

---

• 2012-10-20 (07:12:41PM) Sony Ericsson Xperia Arc S

  أنا جبته تجميع في الصين انما هو الاصلي جبته بدون ضمان عمل 1950 و دخلت عملت تحديث و كشفت عليه في محل تاني قال لي الاصلي فيمكن الاخ يقصدعن التجميع انه في كوريا او الصين فسواء هنا او هنا الموب اصلي
  انما الصيني التقليد ده قصه تانيه ده بيبان فورا ادخل كذا محل شوف الاكسبيريا جربه وهتعرف الاصلي من التقليد لان مش معقول كله هيكون بيغش بالصدفه

---

• 2012-10-19 (07:33:13AM) Sony Ericsson Xperia Arc S

  قالوا احتمال ينزل له انت متأكد

---

• 2012-10-19 (07:22:33AM) Sony Ericsson Xperia Arc S

  أنا لسه جايب الاكسبيريا ارك اس ما شاء الله لاقوة الا بالله الجهاز ممتاز و سريع الوان صوت كاميرا كله حلو مش شايف ناقصه غير تحديث الجيلي بين ان شاء الله ينزل له

---

• 2012-10-18 (08:07:20PM) Sony Ericsson Xperia Arc S

  أنا لسه جايب الجهاز اليوم بعد تفكير بينه وبين السامسونج اس 2 بس خدت الاكسبيريا لفرق السعر مع فرق بسيط بينهم في الامكانيات
  
  ممكن أعرف كيف التحديث لان عاوز احدثه وليه حضرتك بتقول الملاك الجدد بلاش لان مفهمتش ؟ ينفع احدثه من الموبايل؟ .. أنا عندي وايرلس في البيت وبدخل منه وشكرااااا

---