ahmedtranslator

اخر زيارة:

تاريخ الاشتراك: 2012-07-05

عدد التعليقات: 4

الدولة: مصر

2012-07-14 (03:22:30PM) Sony Ericsson Xperia Arc S

أيوة صحيح أنا كمان معايا التليفون وكل ما أصور وآجى أقفل الكاميرا آلاقي صوت تكة بسيطة، بس مش عارف هل ده عيب ولا خاصية في الكاميرا. يا ريت اللى عنده إجابة يرد علينا.

2012-07-11 (05:31:43PM) Sony Ericsson Xperia Arc S

كان ليا استفسارين:
الأول: أنا لسه جايب التليفون ده جديد ومش عارف اخلي عليه الأندرويد جينجر بريد ولا أحدث للآيس كريم؟؟ فيه ناس اشتكوا من الآيس كريم فمش عارف خايف أحدثه وبعد كده أندم.
الثانى: لأنى معنديش وايرلس ازاى ادخل علي الماركت من الكمبيوتر وأنزل التطبيقات واحملها علي الجهاز بواسطة وصلة usb؟؟

2012-07-05 (01:06:49PM) Sony Ericsson Xperia Arc S

شكرًا أستاذ عصام وجزاك الله خيرًا علي الرد. السعر فعلا نزل حوالي 400 جنيه خلال اليومين اللى فاتو. أنا كنت مظبط مع واحد آخده منه وارد الخارج كسر الزيرو ومعاه لاصقة للشاشة وجراب كابديز ب 1900 علي أساس انه جديد عن الجندى اللى في شارع الهرم كان ب 2650، وفي اليوم اللى هاشترى التليفون من الشخص ده لقيت إن الأرك إس نزل إلي 2270 جنيه استغربت جدا وقولت طبعا أنا أشتريه بالضمان أفضلي. ودخلت سألتهم قالولي الأسعار دى لسه جايلهم انهاردة ودى تعليمات الشركة، كمان السونى إكسبيريا إس نزل لغاية 3250 جنيه. مش عارف هل الأسعار دى علشان الموديلات الجديدة بتاعة سونى نزلت ولا فيه عيوب صناعة في الأجهزة وهما عايزين يخلصوا منها ويبيعوها ولا ايه الله أعلم. عموما اليومين الجايين هايثبتوا لو كان الجهاز فيه عيب ولا لا.