Sh3baN

احدث المشاراكات

• 2013-02-17 (07:10:54AM) Sony Ericsson Live with Walkman

  اها ب flash tool. نزلت الروم من النت ونزلته بيه بس خد بالك انك تنزل الروم الخاص بالشرق الاوسط علشان يكون يحتوي علي العربي علشان الاغلبيه ع النت بيكرن النسخة الانترناشيونال ودي مفيهاش عربي كلغة عرض كتابه بس

---

• 2013-02-14 (11:56:05AM) Sony Ericsson Live with Walkman

  يا جماعة انا كنت اول ما جبت الموبيل حدثته للايسكريم وكان شغال حلو بس من كتر ما قريت ان الجينجير بريد اسرع وادائه افضل دورت ازاى انزل الجينجير بريد تانى ونزلته والنتيجة كانت العكس تماما رغم انى مجرد ما نزلت الروم عملت ريسيت وفرمت الميمورى وكل حاجة لكن السوف خفيف في التعامل العادى لكن في برامج كتيير بيتقل معاها جدا وبيهنج وبيجيب force close عكس الايس كريم ومن اشهر البرامج skype فهو كارثة مع الجينجر بريد وده راجع لان كل مطورى البرامج بيعدلوها على السوفت الاحدث فكتير من البرامج بتكون افضل على الايسكريم وبالنسبة للالعاب شغاله كلها كويس على الايسكريم خصوصا بعد التحديث اللى رقمه 4.1. B.587 فانا حبيت اعطى نصيحة لكل مالكى الموبيل لو انت مشغل الايس كريم ودماغك بتفكر ترجع للجينجير بريد علشان ادائه افضل احب اقولك ده مش صحيح وشكرا....

---

• 2013-01-12 (09:10:54AM) Sony Ericsson Live with Walkman

  اقصد بالعربى انه يكون فيه اللغة العربية مدعومة لفة عرض تلاقيها لما تيجى تغير لغة الموبيل علشان انا نزلت نسخة من ع النت مفيهاش العربى
  
  وشكرا على مجهودك وتسلملى اديك بس حاول تتاكد هل هو عربى ولا لأ

---

• 2013-01-10 (01:36:11PM) Sony Ericsson Live with Walkman

  لو سمحت يا جماعة لو حد معاه الروم الاصلى لاصدار الجينجربريد الخاص باللايف وولكمان العربى ياريت يرفعهولى علشان محتاجه ضرورى

---

• 2012-09-24 (05:21:49AM) Sony Ericsson Live with Walkman

  الموضوع ان فيه برامج مش بتشتغل تمام بعد التحديث وده بيتقل الجهاز جدا وممكن يكرهك في التحديث وغالبا اي برامج على كارت الميموري مش هتشتغل الاحسن تفرمت الكارت واعاة ظبط مصنع وتبدأ على نظافة

---

• 2012-09-24 (05:18:03AM) Sony Ericsson Live with Walkman

  لو هتقارنه بجالاكسي ميني 2 هو افضل بكتيييييييييييييير ولكن للصراحة لو حصل فيه حاجة طبعا مش هيبقا زي نوكيا وسامسونج اللى اي محل بيعرف يصلحهم قليل اللي بيصلحهم وتوكيلاتهم زي دلنا توكيل ابن ستين تيييت ورزق الله غالي شوية يعني هتقدر تصلحه بس هيتكلف وهتلف بيه شوية بس صدقني خامة موبايلات سوني وجودتها رائعة وافضل من نوكيا وسامسونج وده بيخليها عمرها اطول وكمان مشاكلها قليلة

---

• 2012-09-24 (05:13:21AM) Sony Ericsson Live with Walkman

  الموبيل رائع ولا ينقصه شيء غير الحجم فعلا شاشته صغيرة وده بيدايقك اثناء النت والالعاب جدا انا بلعب او اشغل نت على الارك اس او جالاكسي اس 2 حاجة تانية مش بسبب انهم شغالين افضل ولا اي فرق غير ان مساحة الشاشة فارق كتير

---

• 2012-09-24 (05:09:34AM) Sony Ericsson Live with Walkman

  التحديث اللي انت ذكرته اللي بيحمل رقم a62 مش ايس كريم ساندويتش وهتلاقيه متاح معاك عبرالوافاي ده تحدث خبز الزنجبيل بردو اخر اصدار منه تستطيع تحديثه بدون مشاكل الايس كريم متاح فقط عبر برنامج Sony PC Companion وهتلاقيه اتومياتيك مش موفرلك غير اخر تحديث اللى بيحمل رقم b587

---

• 2012-09-18 (06:02:47AM) Sony Ericsson Live with Walkman

  اسف ع التاخير في الرد
  
  فعلا ذي ما ذكر الاخ nighteagle2010 الكاميرا كانت مظيوطة على وضع 2 او 3 فكانت مش تمام لكن التحديث تمام في كل حاجة محدش يخاف من التحديث الموبيل هيكون افضل
  
  بس ضرورى جدااااااااااااا انك تعمل فورمات وريسيت للجهاز وللذاكرة اصلا هتلاقي برامج كتيييير مبقتش تشتغل وخصوصا اللى كانت متسطبة على كارت الذاكرة وهتلاقي الموبيل بطيء وهتكره التحديث لكن انت خد نسخة احتياطية من اسماءك ورسايلك وملفاتك على الميمورى واول ما التحديث ينزل خش على
  
  setting / backup & reset / factory data reset
  
  وعلم على انه يفرمط الذاكرة كمان
  
  واللغة العربية شغالة تمام وافضل وبدون مشاكل على النسخة الاخيرة عكس النسخ اللى فبلها اللى كانت في تطبيقات بتظل باللغة الانجليزية واحييانا بيحصل مشاكل في نقل التطبيقات ولغة الموبيل عربي غير ان كان الموبيل وهو عربي بيستهلك بطارية اكثر من وهو انجليزى لكن بعد التحديث الاخير كل المشا كل دي راحت
  
  غير طبعا انك هتستمتع بمميزات ال ICS وابرزها face unlock و data usage

---

• 2012-09-10 (02:42:10AM) Sony Ericsson Live with Walkman

  وانا عندي فكرة وعايز اخد رأيكوا فيها ايه رأيكون نعمل مدونة على بلوج سبوت مثلا او اي موقع تاني للموبيل ده وتبقا مدونة خاصة بالموبيل نحط عليها الالعاب والبرامج واللي مواجهاه مشكلة نحلها ونحط طريقة الشرح وكل ما يتعلق بالموبيل ده وتبقا خاصة بينا وفي نفس الوقت موجودة ع النت لكل مستخدمي live walkman هتساعدنا كتير ونقدر نتواصل بيها ونشوف اي حد معانا يكون خبرتته كويسة وهيقدر يحل مشاكل الاعضاء نخليه ادمن فيها مش لازم انا بس :))
  
  ايه رأيكوا؟؟؟؟؟؟؟؟؟؟؟؟؟؟؟

---

• 2012-09-10 (02:37:27AM) Sony Ericsson Live with Walkman

  الرد ده كان على سؤال اتسألى في بوست من قبل سورى الرد جه كموضوع جديد

---

• 2012-09-10 (02:35:18AM) Sony Ericsson Live with Walkman

  اسف ع التأخير في الرد انا شغال على اخر نسخة من ICS وبالنسبة للالعاب مش هقدر اتذكر كلها من الموقع ده ولا لأ انا احيانا بنزل تورنت بس الموقع ده بينزل كل حاجة
  

---

• 2012-09-08 (05:02:05AM) Sony Ericsson Live with Walkman

  اضافة لكلام وسام وتوضيح اكتر
  
  الالعاب الكبيرة كلها بتتقسم لحاجتين واحد ملف apk اللى هو ملف اللعبة بتسطبه عادي وبيبقا في حاجة اسمها الداتا بتاع اللعبة ملفات اللعبة يعني دي بيبقا ليها مكان معين على كارت الميمورى على حسب الشركة مش لازم ملف اندرويد وداتا وسام شركة جيم لوفت ودي الشركة الاولى في مجال العاب الاندرويد دايما العابها الداتا بتاعتها بتبقا في ملف تاني
  المهم انت ممكن تنزل ال apk واللعبة وهي بتفتح هيطلب منك يعمل داونلود لملفاته لو انت ع الواى فاي نزلها وخد بالك بتوصل احيانا اكتر من جيجا او انك تنززل الداتا من ع الكمبيوتر من مواقع اللى حاطة الالعاب دي وتخش في الفولدر بتاع اللعبة في الميمورى وده بيكون ذكره اللى واضع اللعبة ع النت بتلاقيه موضح مسار اللعبة على كارت الميمورى وتنزل الملف عادي وتنقله ع الموبيل في المسار المذكور والمواقع كتييييييييييييييييير وممكن تلاقيها كتير مش انجليزى لكن اشتغل بجوجل كروم في امكانية بترجملك اى موقع انت فيه لانجليزى واتعامل ومن اشهر المواقع دي الموقع ده هو برتغالى بس مع جوجل كروم مفيش مشكلة
  
  الموقع ده دايما ممتاز والعابه كلها بيجربها على live with walkman و mini pro فدايما مبيبقاش في مشاكل

---

• 2012-09-06 (03:43:39AM) Sony Ericsson Live with Walkman

  اولا الجيلي منزلش اصلا للموبيل ده ولو قصدك علشان بتقرا 4.1 B ده البيلد نمبر لكن السوفت هو 4.0.4 ICS
  
  ثانيا الموبيل ده منزلوش بردو 2.3.7 هو اخره في الجينجير بريد 2.3.4 بس ممكن تعمل تحديث لاخر اصدار منه اللى بيحمل رقم 4.0.2.a.0.62 هي معكوسة بس مش راضية تتكتب غير كده الحرف بعد 4.0.2 ده هتلاقي متاح عبر ota بس يعني عن طريق الواي فاي لو حدثت عن طريق الواي فاي هينزلك اخر نسخة من الجينجير بريد لان ICS مش متاح OTA متاح فقط عن طريق pc companion ودي مش هتفرق كتير عن اللى معاك لكن بيقولوا معالجة بعض المشاكل وخاصة نفاذ البطارية
  
  وبالنسبة للبطيء فعلا ال ICS اول ما نزل كان بيبطأ في الابلكيشن والالعاب الكبيرة بس لسا نازل ابديت اخيرا لل iCS بيحمل رقم 4.1.b.0.587 وبردو معكوس الرقم خد بالك المهم 587 اللى في الاخر التحديث ده عالج عيوب التحديث اللى قبله وبيشغل الالعاب 100% يعني انا مشغل عليه real race 2 - fifa012 - GTA3-Amazing spider man- asphalt 7 heat - BIA2-NOVA 3 - modern compact - pes 2012 -NFS shift - Max Payne
  وكلهم شغالين 100%

---

• 2012-09-06 (03:11:41AM) Sony Ericsson Live with Walkman

  في طرق بسيطة جدا وهي انك تنقل البرامج الى الذاكرة الخارجية وده بيتم عن طريق انك بتخش على setting وبعدين applications وبعدين mange applications وتشوف كل برنامج وتخش جواه هتلاقي في خيار اسمه move to sd ممكن يكون متنشط وممكن يكون لا لو متنشط انقله سهل هيتنقل معاك مش متنشط يبقا غير قابل للنقل وممكن تريح دماغك من ده كله وتنزل برنامج اسمه app2sd موجود في الماركت البرنامج ده بيعرفك ايه اللى قابل للنقل وايه لا بدل ما تتدور انت وبينبهك اول ما تسطب برنامج لن ده ممكن يتنقل للذاكرة الخارجية ده بيفرق كتير دي ابسط طريقة ودي عادية هتحللك المشكلة جزئيا وممكن بردو المساحة تخلص
  
  في طريقة تانية هي ان في باتش كده بتوصل الموبيل بالكمبيوتر وبتشغله الباتش ده بيقدر يخلى برامج كتير من اللى هي غير قابلة للنقل انها تتنقل ده ممكن اعملكوا موضوع يشرح الطريقة دي بس انا في الشغل دلوقتي ومش معايا الباتش ده حتي والطريقة دي بتحل المشكلة جزئيا بردو بس بتفرق كتيييييييييييييير اوي وبتشيل من الذاكرة الداخلة كتييييييييير لكن في برامج مثلا زي الفيسبوك والجي ميل مستحيل يتنقلوا
  
  ملحوظة اي برنامج بيعمل ويدجيت على الدسك توب ما تحطوش على الذاكرة الخارجية لانها غالبا مش هتشتغل ولو اشتغلت هتسحب من عمر البطارية والرامات كتير عن ما تبقي في الداخلية وكمان مش هتشتغل معاك مجرد انك تفتح الموبيل لان الموبيل بيكون لسا محضرش بطاقة الذاكرة
  
  في طريقة تالته بس بتحتاج انك تعمل للجهاز حاجة اسمها Root وده انك بتكسر حماية الموبايل وتقدر تخش في ملفات النظام وتشيل وتحط منها لدرجة انك لو عملت ريسيت مبتلاقيهاش بتبقا بتتحكم كامل التحكم في الموبايل ولو انت عملت ال Root هتقدر تعمل كل حاجة يعني ممكن ال 320 ميجا متستخدمش منهم ولا ميجا وتحط كل حاجة ع الذاكرة الخارجية وفي اكثر من طريقة يعني مثلا:
  1. الذاكرة الداخلية بتلاقيها بتتملى مع انك ممكن تكون مبستطبش برامج بقالك فترة بس شغال على برامجك عادي وتلاقي الذاكرة بتقل وده لان في برامج بتحط الداتا بتاعتها ع الداخلية حتى لو متسطبة على الخارجية ولكن مع الروت بتقدر تنقل الداتا للخارجية ببرنامج اسمه data2sd بس ده لازم رووووووووووت
  2. مثلا بردو في طريقة تانية وهي انك بتقسم كرت الميمورى وبتاخد منه جزء بتعمله بنظام ext وده الموبيل بيعتبره جزء من الذاكرة الداخلية يعني مثلا ممكن تاخد 700 ميجا من كرت الميمورى تضيفهم على 320 الداخليين والموبيل يقرا الذاكرة الداخلية بتاعتك 1 جيجا ويشتغل على الاساس ده عن طريق برنامج اسمه link2sd وبردو لازم رووووووووووت وفي طرق تانية كمان
  
  تنبيه : في بعض الاحيان الروووت بيلغي الضمان على حسب الضمان بتاعك لو حبوا يرخموا هيكشفوا عليك يلاقوا معملوا رووت بيسموها فك الشفرة يقوموا لاغيين الضمان فاحترس
  
  واي سؤال تاني او استفسار انا في الخدمة ولو حد عايز الباتش او يعمل رووت انا ممكن اساعده ان شاء الله لحد ما يعملها
  
  اسف على الاطالة
  

---