بدور علي ايه؟ اكتب رقم موديل الموبايل الابدور عليه
hasanemara
احدث المشاراكات
-
2013-06-26 (02:33:47AM) LG Optimus L5 II Dual E455
انا شايف الموبايل ده اضافة من الشركة ليس لها داعي.
انا معايا e612 نفس مواصفات الجهاز باستثناء البروسيسور 800 بدل من 1 جيجا.
ايضا ابعاد الشاشة 480*320 بدل من 800*480 باستثناء هذين الفرقين ليس هناك أي فروق اخرى.
الجهاز خفيف في الشغل و لايسخن كما الموديلات الاخرى و اللمس بتاعه رائع. عيبه بالنسبة لي الكاميرا في التصوير الليلي سيئة و الفلاش لا يعطي جديد في جودة الاضاءة. نسيت اقول ان الجهاز بتاعي مدخل سيم واحد وليس اثنين. و هناك الاصدارة ب 2 سيم ايضا قديمة اعتقد e615 -
2013-06-26 (02:23:16AM) Nokia Lumia 925
انا جرّبت الويندوز موبايل كان قبل الويندوز فون كان نظام عار.
اعتقد ستقابلك مشاكل فيه من حيث التعريب و قلة البرامج و البطارية في وضع الواي فاي بتخلص بسرعة اكتر بكتير من اندرويد. كمان في مشكلة اعتقد لم تحل في نظام تشغيل الويندوز و هي التهنيج. لما تكون بتعمل حاجه على الموبايل زي تصوير فيديو و يجليلك مكالمة . كان في النظام القديم ليس امامك سوى عمل سوفت ريسيت او تشيل البطاريه و تحطها تاني. مش عارف ممكن حد يفيدك اكتر يكون تعامل مع الاصدارات الحديثة للويندوز -
2013-06-26 (02:18:17AM) HTC Desire 600 dual sim
ايوه سعره اكيد هيكون في المدى 3500 - 4000 أولاً الجهاز عالي ثانياً htc اسعارها في السما
-
2013-06-18 (01:56:22AM) Hisense U5
احب ارد على استاذ وليد بالنسبة لأجهزة اندرويد إنها بتسخن. جرّب كده اجهزة LG مش هاتلاقيها بتسخن لا اثناء الشحن و لا الثري جي و لا اثناء المحادثة. مش بتسخن بتاتاً
-
2013-06-05 (04:12:57PM) Huawei U8230
الشركة المصرية للإتصالات لها تاريخ طويل في تعذيب خلق الله. و علشان تنجح محتاجه شيء بسيط جداً تغيير الكوادر من اكبر مسؤول لحد العامل بتاع السنترال. كلهم و الله سيئين جداً جداً و ربنا رحمنا بالاستغناء عنهم بشركات المحمول الخاصه و المحترمه
-
2013-06-01 (02:34:19AM) Alcatel One Touch M Pop
اسمحوا لي بالرد الدوال كور ليس معناه ضعف البروسيسور لكن عند معدل استخدام معين لنواه تبدأ النواه الأخرى بالتشغيل. و ايضاً ليس معناه نواه ب 1 جيجا تليها نواه ب 1 جيجا لا أبداً الموضوع مش كده. و إلا كان مثلا الكور آي 7 عبارة عن بروسيسور مضروب في 7 لكن هي مسارات للداتا. طبعاً الدوال كور افضل لكن بالتأكيد بروسيسور 1 جيجا دوال كور ليس اكفأ من بروسيسور 2 جيجا
-
2013-06-01 (02:23:38AM) Alcatel One Touch M Pop
لي سؤال. الموبايل متحدد مواصفاته و سعره 1222 رغم إن موقع زي جي إس إم أرينا مثلاً يكتب عن الموبايل يصدر حديثاً يعني لسه لم يظهر في الأسواق. كيف هذا؟ هل الشركة الفرنسية نزلته مصر قبل الأسواق الاوروبيه مثلاً؟
-
2013-05-22 (02:24:26PM) Samsung S5260 Star II
عقلية الموظف التي تدير شؤون شركات الدولة كالمصرية للإتصالات عقول عقيمة تبحث عن الراتب فقط. ادى ذلك لتخلف هذه الشركات. المصرية للإتصالات لها وجود محدود نتيجة الجباية من شركات المحمول و احتكار خدمة الأرضي و الإنترنت. عمّا قريب ستأتي بدائل جديدة(كما حدث للأرضي) للإنترنت عندها سيتم تسريح عمال و موظفي شركة الاتصالات
-
2013-05-11 (05:29:00PM) LG Optimus One P500
وجهة نظر خبير عالمي لها احترامها و لكن اختلف معاه فمهما زادت تقنيات الموبايل لن يغني عن التابلت خصوصاً و أن التابلت هو البديل الطبيعي للاب توب. لا اعتقد مثلاً أنك ستنجز عرض تقديمي من خلال الموبايل إذا كانت ابعاد الشاشة 5 بوصه فأقل. وجهة نظري أن التابلت سيتربع لفتره قبل أن نقول هذا الكلام.
-
2013-04-27 (10:40:35PM) HTC Windows Phone 8S
السعر مش مضبوط . عمر htc ما نزلت موبايل ب 1200 جنيه حتى لو موبايل لعبه. ارجوا تصحيح السعر لإن سعره الدولي 250 يورو يعني حوالي 2500 مصري
-
2013-04-27 (10:14:02PM) Nokia Lumia 800
اندرويد افضل بكتير من ويندوز فون و اخف منه . اندرويد مبني على بنية لينوكس و لو جربت اصدار لينوكس على جهاز الكمبيوتر بتاعك ستكتشف أنك لا تحتاج إلى بروسيسور عالي و لا رامات عاليه و تلاقي التعامل مع البرامج سلس كتير عن نظام ويندوز. كذلك الحال بالنسبة للموبايل. زمان كان الواي فاي بيخلص على البطاريه خلال 40 دقيقة مع نظام ويندوز موبايل . مش عارف لسه العيب ده موجود في ويندوز فون و لا لأ. أما في اندرويد انا لا افصل الواي فاي مطلقاً و اشحن التاب كل 4 ايام
-
2013-04-27 (10:04:43PM) HTC Windows Phone 8S
لا طبعاً الأندرويد أفضل بمراحل. عارف مشكلة الويندوز فون إيه؟ إنها طفشت عملاء السمارت فون القديمين منها عندما لم يكن هناك أي نظام في الدنيا غير الويندوز موبايل و طبعاً المسمى سيمبيان . و لا اعتقد انها ستستطيع استمالتهم مره اخرى. هي ممكن تلعب على مستهلكين جدد لكن العملاء القدامى خلاص اصبحوا لا يثقوا في مايكروسوفت.
-
2013-04-27 (10:20:56AM) Nokia Lumia 920
انا هاختلف مع حضرتك. أولا نظام ويندوز فون هو أول نظام ينزل على موبايل سمارت في تاريخ الموبايلات. فهو يسبق نظام آبل و نظام اندرويد. وكان اسمه ويندوز موبايل و اشتريت اكثر من جهاز من النظام ده. و على فكره عند دخول آبل مجال الموبايلات كان اعلانهم أنهم سيصنعون موبايل حقيقي و ليس موبايل يهنج إشارةَ إلى نظام ويندوز. آبل و اندرويد هم من دفعوا بعجلة تقدم الموبايل الحديث إلى الأمام. ويندوز لم تكلف نفسها على مدار 5 سنوات منفرده بعمل واجهة عربية أو دعم لغة عربية للنظام بتاعها في حين آبل و اندرويد من اول اصدار تجريبي سعوا لذلك. و ما اشتراك ويندوز مع نوكيا إلا لإحياء تاريخ شركتين فشلتا في استمرار التربع على عرش الموبايل بسبب غباؤهم.
-
2013-04-25 (07:22:22PM) Nokia Lumia 620
أخي انت تبحث عن خدمة NFC و هي لا تعمل عندنا في المنطقة العربية بل لم يتم تفعيلها في معظم البلدان الأوروبيه. هي خدمة استخدام موبايلك كفيزا كارت مع البنوك. هذا ما قرأته عنها
-
2013-04-25 (07:20:17PM) Nokia Lumia 620
أنا تخلصت من ادمان ويندوز موبايل عندما كان الوحيد على الساحه لسنوات. و كنت عاوز اعرف بس الجديد بعد اصدار ويندوز فون و الحمد لله لقيت واحد فاهم زي حضرتك أكد لي معلوماتي القديمه عن نظام تشغيل ويندوز للموبايل. و متوقع طبعاً بعد ما يشارك في الموبايل الجديد اثنين من الماضي كانوا مكتسحين عندما لم يكن هناك منافسه. لكن مع دخول آبل و اندرويد و سامسونج عالم الموبايل اختفى الإثنان من على ارفف المحلات بعدما تربعوا لسنوات منفردين عليها (نوكيا و نظام تشغيل ويندوز)