بدور علي ايه؟ اكتب رقم موديل الموبايل الابدور عليه
TurkishTranslator
احدث المشاراكات
-
2012-06-27 (01:15:26PM) Sony Ericsson Xperia ray
ربنا يخليك وليد علي ردك ومساعدتك ... فعلا أنا معاك يا أيمن إن الموبايل ده تحفة لأنى عمال باعمل عليه بحث وباتفرج علي فيديوهاته من يجي شهر لحد ما فليت كل حتة فيه بالمللي :) بس موضوع صغر الشاشة ده فعلا هو العيب الوحيد بالنسبة لناس كتيرة .. بس اكمن الموبايل اللى معايا دلوقتى شاشته 3 بوصة فلما أجيب الراي وتكون شاشته 3.3 فهاتكون أفضل وكمان الكثافة بتاعتها عالية جدا فهاتكون جامدة .. بس فيه حاجة غريبة أوى بالنسبة لسعره، فيه محل اسمه الجندى فون في شارع الهرم جنبي بالظبط التليفون فيه عامل 1650 ضمان رزق الله، والمحل ده من أرخص المحلات اللي شوفتها. امبارح باسأل عند محل رزق الله في فيصل قاللى سعره 2000. طيب ازاى يكون الفرق الكبير ده مع انه نفس الضمان؟؟
-
2012-06-27 (01:05:14AM) Sony Ericsson Xperia ray
ألف شكر ليكم أيمن ووليد ... طيب هل فيه برامج مثلا زى الفيس بوك وحاجات تانية لازم تنزل علي الذاكرة الداخلية؟؟ ويا تري كارت 16 جيجا يكفي لبرامج وألعاب اندرويد كتيرة وتصوير صور وفيديو؟
وآسف علي الإطالة ولكن شكرًا مرة تانية بالتركي Teşekkür ederim :) -
2012-06-26 (05:57:07PM) Sony Ericsson Xperia ray
السلام عليكم...
ازيكم يا جماعة يا رب تكونوا كلكم بخير ... كان ليا استفسار صغير. انا التليفون ده داخل دماغى اوووووى وإن شاء الله هاجيبه خلال فترة قصيرة، بس واحد صاحبي خوفني إن الذاكرة الداخلية لما بتكون صغيرة زى ماهى في الراي كده مبتقبلش برامج كتيرة وبيبقي صعب تنقلها للذاكرة الخارجية، وطبعا ده عيب كبير اوى خصوصا إن ميزة الاندرويد إن برامجه وألعابه كتيرة. لو حد عنده الحل يتفضل يفيدنا وجزاكم الله خيرًا ...