moftakesegy

احدث المشاراكات

• 2014-06-04 (11:33:27PM) Samsung Galaxy Note 3

  دلوقتى عاوز انقل اﻷسماء من سامسونج قديم للنوت 3 بتاعى فأنا أخدت نسخة من ملف الكونتاكتس من الموبايل القديم
  و النوت 3 الجديد 32 جيجا ومفيهوش كارت ميمورى ومش ﻻقى فية ملف other او ملف كونتاكتس
  فبالتالى مش عارف انقل ملف الكونتاكتس من الموبايل القديم على انى مسار فالنوت 3
  ياريت اى حد مجرب يفيدنى

---

• 2014-04-20 (02:33:40PM) Samsung Galaxy Note 3

  السلام عليكم و رحمه الله و بركاته
  
  أخى hardtime ياريت ترد عليا
  
  معايا 5000 جنية و محتاج أشترى موبايل و محتار و مش عاوز موبايل فية مشاكل تهنيج او سخونة لأن ال 5000 حوشتهم فى فترة كبيرة علشان الموبايل و مش عاوز ألبس فالحيط بموبايل فية عيوب
  
  عاوز الشاشة تكون اكبر من 5 انش فة حدود 5.5 انش
  و يكون نوعها جيد علشان البطارية مثل Super AMOLED
  يكون فية اضافة ميمورى
  و يكون مساحتة الداخلية 16 جيجا
  و الرامات 2 جيجا او اكبر
  الكاميرا تكون مناسبة 8 ميجا بيكسل او اكثر و فيها فلاش LED
  يكون فية اصدار اندرويد مناسب و سريع
  يكون فية بروسيسور كواد كور مناسب و سريع
  البطارية تكون مناسبة و سريعة على الأقل 2500 أمبير او اعلى
  
  فأية الموبايلات المرشحة لأنى كل م أرسى على موديل ألاقى فية عيوب
  كنت بفكر فى نوت 2 و نوت 3 و g2

---

• 2013-08-15 (11:41:49PM) Sony Xperia miro

  هو أنت ممكن تعتمد بشكل كبر على الجوجل بلاى ستور هتلاقية فى الجهاز عندك و هتعمل يوزر نيم و باسورد علشان تقدر تحمل الألعاب عن طريق الواى فاى
  ثانيا فية الألعاب اللى بتكون مدفوعة يعنى لازم تدفعلها فلوس علشان تشتريها زى الألعاب ال HD المهم دى تبحث عليها على الأنترنت عادى و هتلاقى ناس منزلينها ببلاش و هتلاقى أى حاجة للأندرويد سواء لعب أو برامج .apk
  المهم تاخد اللعبة و تنقلها للجهاز بتاعك و تسطبها و هتلاقيها اشتغلت معاك تمام و ممكن ميرضاش يسطب عندك اى شىء غير لما تدخل الأعدادات و تعلم على أختيار السماح بالتحميل من المصادر غير موثوقة علشان تقدر تحمل اى شىء تبعتة للجهاز الأندرويد بتاعك
  

---

• 2013-08-15 (01:25:53AM) Sony Xperia miro

  من قائمة الأعدادات هتلاقى أختيار الوايرلس أو الواى فاى هتلاقية مطفى لونة رمادى هاتة بأيدك ناحية اليمين هتلاقية نور ازرق و بكدة يبقى أشتغل و هتدوس على الأختيار نفسة الوايرلس أو الواى فاى هتلاقية بيبحث عن الشبكات شوف الشبكة بتاعتك و أختارها و أكتب الباسورد و خلاص أشبك عليها

---

• 2012-02-14 (06:47:03PM) Samsung S5330 Wave533

  meme123
  كويس على قد سعرة
  كويس من حيث كل شىء من حيث التاتش و الكاميرا و الصوت و الكيبورد

---

• 2011-12-30 (03:31:52PM) Samsung S5330 Wave533

  mohamedraul7
  
  
  
  محمد أنا معايا واحد مستعمل الضمان أنتهى يوم 4/12/2011
  
  و نص الأعلان فى اللينك اللى فوق
  
  حالتة أكثر من ممتازة و علية سكرين بروتيكتور ميرور لتفادى التجاريح و فعلا هى حامية الجهاز كويس اوى ان الشاشة متتجرحش
  
  لو بتفكر معلوماتى كاملة فى اللينك

---

• 2011-01-19 Samsung S5330 Wave533

  sphinyx99
  
  Samsung B7300 OmniaLITE
  شكلة كويس و أمكانياتة كويسة
  هو فقط مش عاجبنى فية أن شاشتة ريسيستيف و 3 أنشات فقط
  أنا بميل للموبايلات اللى شاشتها كابيستيف و الشاشة كبيرة فوق 3 أنشات

---

• 2011-01-18 Samsung S5330 Wave533

  sphinyx99
  
  ههههههه أنت زعلت ولا أية
  أنا كان قصدى انك بتفكر فى أى htc علشان تبعد عن الساموسنج و خلاص
  دة كان قصدى لما قولتلك شكلك كدة عاوز تشترى أى htc و خلاص
  
  
  _mero_
  
  هو أضمن مكان بس غالى أنك تدخلة صيانة راية و تشوف هيتكلف كام
  لكن لو انت بايعة و مش فارقة معاك ودية عند محلات الصيانة بتاعة باب اللوق و تقعد على ايديهم لحد ميخلصوة متسيبهوش

---

• 2011-01-17 Samsung S5330 Wave533

  sphinyx99
  
  أزاى يا ريس
  
  المقارنة بين
  
  HTC Wildfire
  HTC Touch2
  
  تمام
  
  أدى الفروقات و أحكم أنت
  
  أولا شاشة الوايلد :
  TFT capacitive touchscreen, 16M colors
  240 x 320 pixels, 3.2 inches
  
  و شاشة التاتش 2 :
  TFT resistive touchscreen, 65K colors
  يعنى أكيد بيجى معاة قلم
  و نفس دقة البيكسيلز مثل الوايلد
  2.8 inches
  يعنى أصغر من شاشة الوايلد
  
  يعنى مش زى بعض نهائيا فى الشاشة فقط متساويين فى البيكسيلز
  
  أمكانيات الوايلد :
  
  - Multi-touch input method
  - Accelerometer sensor for UI auto-rotate
  - Touch-sensitive controls
  - Proximity sensor for auto turn-off
  - Optical trackpad
  - HTC Sense UI
  - Turn-to-mute and lift-to-dim-out a call
  
  أمكانيات التاتش 2 :
  - TouchFLO finger swipe navigation
  - Touch-sensitive zoom bar
  
  رامات الوايلد :
  384 ميجا
  
  رامات التاتش 2 :
  256 ميجا
  
  الوايلد بيقبل ميمورى إلى 32 جيجا التاتش 2 أخرة 16 جيجا
  
  كاميرا الوايلد 5 ميجا بيكسل و بها فلاش أوتوفوكس أما كاميرا التاتش 2 أقل منها 3 ميجا بيكسل
  
  الوايلد يعمل بنظام الأندرويد و التاتش 2 يعمل بنظام الويندوز موبايل (بس أنا بحب الأندرويد أكتر)
  
  و الوايلد يدعم الألعاب الثلاثية الأبعاد و بالسينسور
  
  و الوايلد إنتاج 2010 أما التاتش 2 إنتاج 2009
  
  بصراحة مقارنة ظالمة
  
  شكلك كدة عاوز تشترى أى htc و خلاص
  براحتك يا ريس

---

• 2011-01-16 Samsung S5330 Wave533

  sphinyx99
  
  موبايل كويس بس شاشتة صغيرة 2.8 بس
  و نظامة ويندوز موبايل نظام كويس
  
  لكن wildfire أمكانياتة أعلى منة بكتير
  
  
  محمد البرنس
  
  أنا مش من هواة الفيديوهات
  لكن جربت علية حجات كتير mp4 و بيشغلها كلها
  وهو بيدعم :
  
  - MP3/WAV/eAAC+ player
  - MP4/H.263/H.264 player

---

• 2011-01-14 Samsung S5330 Wave533

  penoleno88
  
  تجيبة ببلاش أزاى ممكن تفهمنا ؟؟؟
  
  Abdo The Revolted
  
  الله يخليك يا كبير

---

• 2011-01-14 Samsung S5330 Wave533

  penoleno88
  
  فى موبايل نزل فى الخليج اللى هو wave2
  
  لكن أول مرة أسمع عن star2

---

• 2011-01-14 Samsung S5330 Wave533

  دراغون2050
  
  أعتقد متلاقيهمش فى أى محل موبايلات
  بس ممكن تنزل تدور عليهم فى السراج مول
  ولو ملقتهمش خلاص مش مهمين أوى
  
  الميمورى ال 2 جيجا الكينجستون ب 35
  و ال 4 ب 55
  و ال 8 ب 90
  
  و ممكن قبل متشترى الموبايل تدخل اى فرع موبايل شوب و تشوفة عندهم و تعاينة

---

• 2011-01-13 Samsung S5330 Wave533

  السعر وصل ل 1150 فى بعض محلات السراج مول
  
  و بعض المحلات الأخرى ثابتة على 1175
  
  و البعض الأخر بيبيعة ب 1200 او 1210 او 1225
  
  يعنى اسعار المحلات متفاوتة
  
  و طبعا بيتباع فى راية و موبايل شوب ب 1300

---

• 2011-01-13 Samsung S5330 Wave533

  عايز حد يجاوبنى عن الموبايل ده
  صوته فى الهيد فون عامل ازاى كويس ولا عالى ولا عالى جدا
  
  *صوتة فى السماعات عالى جدا عن النوكيا سواء فى الأغانى أو الراديو
  ==================
  ثانيا انا شوفت نظام البادا والحقيقة هو حلو مش وحش اطلاقا بس عايز اعرف فى المجمل النظام ده حلو فى التعامل ولا معقد شوية ولا ايه وبالنسبة لتطبيقاته الموبايل ده تطبيقاته سهلة التثبيت ولا ايه
  
  *نظام البادا لسة جديد و محتاج مطورين اكتر علشان يقدر ينافس
  هو نظام سهل جداااا فى التعامل بس لسة مأثبتش نفسة
  و بالنسبة للتطبيقات الموبايل بيقبل ال jar و بيتصطب عادى جدا او توصلة بالكمبيوتر و عن طريق برنامج الكيز تدخل على samsungapps و تنزل التطبيقات اللى انت عاوزها
  =====================
  كمان الكاميرا هل هيا متوسطة ولا فوق المتوسط ولا جيدة جدا فى ضوء النهار
  
  *فى ضوء النهار فوق المتوسط و بالليل محتاجة أضاءة علشان الصورة تبقى واضحة
  ==========================
  كمان فى بعض الريفيوهات على اليوتيوب ناس بتقول ان الملتى تاتش بتاعه المستخدم فى الزوم سواء فى الصور او الانترنت مش سريع الاستجابة وكانك بتتعامل مع موبايل ريزيستيف
  
  *المالتى تاتش سرعتة مقبولة مش بطيىء خالص سواء فى الصور أو الأنترنت
  فقط فى الأنترنت بيكون فية بطء ثوانى مش ملحوظ
  ========================
  حاجة تانية فى ناس بتقول وانا شوفتها قدام عينى على ريفيو ال scroll
  بتاع الموبايل اثناء التصفح مش سهل يعنى لازم تصبر شوية عليه
  
  *هو انت لازم تستنى الموقع يحمل كامل و بعد كدة تبتدى تتصفحة
  و انا من رأيى الحياة هتبقى جميلة لو داخل الأنترنت من خلال شبكة wifi
  لكن لو داخل من الأنترنت العادى بتاع الخط هتزهق بسرعة
  =================
  وايه اخبار الخامة بتاعته هل هو فعلا صحيح بلاستيك ردىء ولا ايه بظبط
  
  *هو فعلا يعتبر بلاستيك بس مش لدرجة انة يبقى ردىء
  لكن مقبول بلاستيك عادى زى بتاع الموبايلات النوكيا
  ممكن تنزل تعاين الموبايل عن اى فرع موبايل شوب
  ==========================
  السلايد يا ترى اخباره ايه سلايد جامد ويستحمل ولا ايه اصل انا ظروف دراستى بتبقى معامل وورش فهل هيستحمل ولا ايه
  
  السلايد جامد ما شاء الله
  بس انا محافظ على موبايلى بقالى شهر و جايبلة جراب و قريبا شيلد لحماية الشاشة
  لكن مش عارف هيستحمل معاك انت ولا لأ
  ============================
  وصوته فى السبيكر عامل ازاى عالى ومسموع ولا ايه
  
  *صوتة فى الأسبيكر الداخلى فوق المتوسط
  و صوتة فى الأسبيكر الخارجى متوسط
  ==========================
  الكواليتى بتاعت الالوان حلوة ولا متوسطة وياترى عاملة ازاى فى ضوء النهار لو حد ماشى فى الشارع فى عز الشمس هيشوف حاجة ولا ايه
  
  *ألوانة جميلة جدا بالليل
  بالنهار بتشوف عادى بس الشاشة بتعكس صورة وشك و بتبقى عاملة زى المراية
  علشان كدة انا هركبلة انتى جلير حماية للشاشة و مبيعكسش الضوء
  ==========================
  كمان عايز اعرف استجابة النت سريع ولا بطىء ولا ايه اخباره خصوصا انه مش جيل تالت
  وعايز اعرف فعلا البطارية مش بتكمل يومين ؟
  
  *النت بتاع التليفون العادى مقبول مش بطيء أوى بس لازم تصبر علية انا جربت نت اتصالات وموبينيل شغال يعنى بس مش بستخدمة علشان بدخل من خلال الشبكة wifi
  
  و بالنسبة للبطارية انا استخدامى للموبايل مكالمات و بشحنة كل 4 او 5 ايام
  =====================
  وهكون شاكر جدا لاى حد هيرد على استفساراتى
  
  العفو
  و أنتظر اراء باقى الأعضاء متاخدش برأى واحد و فى الأخر الصورة هتوضح لك

---