بدور علي ايه؟ اكتب رقم موديل الموبايل الابدور عليه
sherif4h
احدث المشاراكات
-
2012-03-01 (06:11:49AM) Sony Ericsson Xperia mini
azhary
البطارية ليها حلول زي مقولت في مشاركة سابقة ده غير السوفت وير زي برامج الفايل مانجر ودي هتزود عمر البطارية أكتر.
فالبطارية تعتبر كويسة وأنا مش مضايق منها ولا حاجة
أما بالنسبة لقراية الكتب ..أقرا الكتب بعرض الشاشة كده هتحس أن الشاشة أكبر ومريحة أكتر
MonTser
أنا كمان محتاج جراب ليه بس مسألتش عشان عارف أني هدوخ على ملاقيه..مش عارف ممكن نشوف أي جراب على مقاسه وخلاص ولا هو ليه جراب مخصوص ؟ -
2012-02-29 (01:43:30AM) Sony Ericsson Xperia mini
نسيت أقول أن شاشة الموبايل جاية عليها screen protector وفيه لازقة على العلبة من برا مكتوب عليها screen protector ET921 ...وكارت ال sd جاي متركب جاهز بداخل الموبايل.
-
2012-02-29 (01:36:29AM) Sony Ericsson Xperia mini
فيه شوية حجات لاحظتها أحب أضيفها:
صوت السماعة بتاعته مش عالي بس صوتها نقي وحلو.
سماعة الهيدسيت أجمد من سماعة الموبايل نفسه,تحس أنك قاعد جوا أستوديو موسيقى.
فيه حجات فادتني في موضوع البطارية ده زي مثلا أنك توقف البلوتوث والواي فاي وأحياناً شبكة الموبايل نفسها لأن لما الحجات دي بتقطع الأتصال الموبايل بيفضل يبحث عن أتصال,فأنت لو مش هتستخدم البلوتوث أقفله وكذلك للواي فاي وبالنسبة لشبكة المحمول لو أنت نايم ومش متوقع اتصال أو في مكان مفهوش شبكة أصلا ,أستخدم وضع الطائرة وده بيلغي كل الأتصالات الاسلكية.
برضه تقلل سطوع الشاشة وتقلل مدة قفل الشاشة في وقت عدم استخدام الموبايل ,خليها 15 او 30 ثانية مثلا.
الكاميرا بتاعته جميلة جداً وبيصور HD
الموبايل لو اتفرجت عليه كتير كصور أو فيديوهات على اليوتيوب لما تمسكه وتشوفه في الحقيقة هتحس أنه صغير جداً,وهو فعلا صغير..بس ده راجع للصور والفيديوهات أنها بتبين أنه كبير ,بس ما تقلقش هو نفس المقاس بس هيتهيألك أنه أصغر من اللي شفته على اليوتيوب. -
2012-02-29 (01:12:31AM) Sony Ericsson Xperia mini
السلام عليكم
أنا أشتريت الموبايل ده " Sony Ericsson Xperia mini ST15i " من موبايل شوب اللي في شارع مصدق في الدقي من أسبوع بالظبط بسعر 1450 جنيه.
اللون أبيض والضمان دلتا والكرتونة فيها الأتي(سماعة أو الهيدسيت, شاحن,وصلة usb ,قطعتين زوجي للأذن بتاعة السماعة,الكتيبات,البطارية) وكل الحجات دي مكتوب عليها سوني أريكسون ,وطبعا بالإضافة للموبايل.
مكانشي فيه ضهر تانية للموبايل زي فيديوهات اليوتيوب,حاجة كمان الكارتونة كانت مفتوحة ولما سألت قالوا كل الموبايلات بنفتح كرتونتها عشان نتمم على اللي جواها,المهم أنا تممت على الحجات لاقيت كل حاجة فيها أصلية ومش أستخدمت قبل كده.
من ضمن سعر الموبايل ضريبة مبيعات حوالي 130 جنيه,سألت عليه الأول في رزق الله سعره 1430 بس ملاقيتش اللون الأبيض عندهم في كل الفروع(عندهم الأسمر فقط)
بالنسة لسؤال azhary عن الرقم اللي مكتوب تحت البطارية .الرقم بتاعي 11w45 وبالنسبة للسخونة أنا مش هقدر أفيد حد فيها لأني استخدامي للموبايل متوسط يعني أكتر مدة استخدمت الشاشة فيها متواصلة حوالي ساعة ونصف وملاحظتش حكاية السخونة اللي الناس كلها بتشتكي منها.
البطارية عندي في الأسبوع ده أكتر مدة قعدتها يومين وغير كده بشحنها كل 24 ساعة أو يوم ونصف.
النظام اللي جاي عليه هو اندرويد 2.3.4
سمعت أن st15i ده نازل بعد st15 والشركة حلت بعض المشاكل اللي كانت في st15 بس مش متأكد من الكلام ده.
الجهاز مهنجشي معايا خالص لغاية دلوقتي ولا ظهرت مشكلة زراير الباك والهوم ولا السخونية ده طبعاً بحكم الإستخدام المتوسط وبحكم المدة القصيرة اللي استخدمته فيها (أسبوع فقط).
الجهاز في المجمل كويس ومناسب لسعره جداً ,بس عشان نحكم عليه كويس لازم حد يكون استخدمه فترة طويلة.