Adel.Gamal

احدث المشاراكات

• 2012-07-02 (01:02:00PM) Sony Ericsson XPERIA Neo

  أفضلهم النيو والنيو فى ع الترتيب واللى يفضل النيو عن النيو فى هو الكاميرا ال 8 اتش دى بس ولكن هما متفقين فى كل حاجة.

---

• 2012-07-02 (12:59:13PM) Sony Ericsson XPERIA Neo

  يا hamada انا معايا النيو وجايبله حاجة اسمها Full body Protection وحطيتله اللاصقة دى من 9 شهور من اول من النيو زهر فى مصر وللان ماشية زى الفل انا بتكلم عن نفسى واستخدامى انا بس مش حد تانى يعنى واحد صحبى معاه النيو وجاب الاصقة دى بالظبط شهر ولقيته بوظها كلها من كل الاتجاهات والشبب هو سوء الاتسخادم للموبايل يعنى بتكون بتعطيه لاصحابك كتير بيقع منك كتير بتعطيه لاطفال يلعبوا بيه مش بتسخدمه استخدام كويس يعنى مبهدله من الاخر وكل الكلام ده هيخلى اللاصقة تقشر وتبوظ ... عموما انا بكلمك عن نفسى انا حاطط الاصقة دى من 9 شهور ولغاية النهاردة متخدشتش والموبايل كانى جايبه امبارح ... عموما لو عاوز الFull body Protection هى سعرها 150 لغاية باب بيتك ولو هتقابل انت الراجل فى اقرب مكان تبقى ب 130 جنيه ... رقم المهندس / مصطفى اللى هتكلمه ويجبلك الاصقة دى 01117809840 جربها وادعيلى وان شاء الله اكون افدتك :) ... اى اسئلة فى الموبايل او اى حاجة بخصوصه انا موجود :)

---

• 2011-11-21 (02:29:30PM) Sony Ericsson XPERIA Neo

  انزل السراج مول 2 ودور عليه هناك هتلاقيه لكن حذارى تجيبه من غير ضمان ولو حصل انك جيته من غير ضمان يبقى قلل من سعره 300 جنيه ان عرفت والا متجيبوش ... اى خدمة انا تحت امرك فى اى سؤال يخص الموبايل ومواصفاته

---

• 2011-11-21 (02:27:51PM) Sony Ericsson XPERIA Neo

  سوكت الشحن زى الفل معايا من يوم ماجيبته ولا اى شكوى منه فى اى حاجة ولكن لما تشتريه عرفنى فيه كم خطوة كده علشان تخلى البطارية تعيش معاك فترة اطول كل شحنه ... اعتمد على الله وهات الموبايل ده ولكن النيو الاصلى مش الفيرجن اللى اقل منه ... اللى شاشته اقل فى الحجم وكاميرته اقل وسعره اقل

---

• 2011-11-21 (02:26:01PM) Sony Ericsson XPERIA Neo

  بص يا اسلام الكاميرا بتاعت النيو 8.2 اتش دى .... اما غير غير اللى كاميرته 5 ميجا دا الفيرجن الجديد واللى حدثوا فيه سوفت الاندرويد لفيرجن اعلى ولكن على حساب الكاميرا وكمان قللوا حجم الشاشة بقت اقل بشوية من النيو اللى نعرفه ... والموبايل اللى كاميرته 5 ميجا وشاشته اقل (سعره 2300) يعنى الاختيار لك اولا واخيرا ... اما منين تجيبه دى مشكلة لانى اشتريت الموبايل ده من شهرين وكان اخر حته فى المكان اللى جيبته منه بعد كده هتلاقيه جاى من بره مصر وسعره عالى ومش معاه ضمان.

---

• 2011-11-03 (02:00:45PM) Sony Ericsson XPERIA Neo

  معلومة بسيطة يا جماعة اللى بيقول ان بطارية النيو ضعيفة وانها عيب كبير فيه ... اسمحولى اعلق على الموضوع ده لان النيو معايا بقاله فترة وان شاء الله اقدر افيدكم فى ان البطارية تكمل معاكم اكتر من 4 ايام وممكن أيام كمان ....
  
  حاجة بسيطة جدا وبدون لف ودوران علشان الناس اللى ضعيفة لسه فى نظام اندرويد .. ادخل قائمة الهاتف اللى فيها حاجة كتير دى عارفينها طبعا (الرمز اللى فى الوسط فى الشاشة اللى كله مربعات) ...
  
  دوروا على حاجة اسمها support دى تقريبا هتلاقوها فى تانة صحفة لو انتوا معدلتوش فى اماكن الايقونات ... تدخلوا support وبعدين تضغطوا على tools وبعدين > battery saver
  
  هنا بقى فى شوية حاجات كتير هتعملوها علشان نقدر نحافظ على البطارية تقوم تكمل معانا اكبر وقت ممكن فى الشحنة الواحدة
  
  أولا ال screen timeout دى هتعملوها 30 ثانية
  ثانيا : الوضوح او brightness هتخلوه 50%
  ثالثا : Network settings الكلام هنا على كل حاجة تحتها بمعنى كل حاجة
  هتعملوها كلها Off كلها كلها
  
  ان شاء الله مستنى منكم الرد بعد ما تعملوا الموبايل بالوضعيات دى كلها وبعدين تشحنوا الموبايل شحن كامل مية مية وبعدين تقولولى رأيكم ايه فى الموضوع ده هل جاب نتيجة ولا لأ ... اى حد يقول ان الموضوع ده معملش نتيجة معاه يبقى سورى اكيد بطاريته هى اللى جاية خربانة
  
  بعد تنفيذ الكلام ده ان شاء الله اللى بيستخدم الموبايل استخدام مكالمات متوسطة ومش فاضى للموزيك طول الوقت هتكمل معاه اكتر من 5 أيام من غير كلمة
  
  لو انت بتحب الموزيك طول الوقت ومكالمات الى حد ما متوسطة هتكمل 3 ايام زى الفل
  
  لو انت بتحب تلعب جامز كتير وتدخل نت وتعمل مكالمات كتير هتكمل معاك يوم زى الفل يوم 24 ساعة مش 12 ساعة :) ....
  
  بالتوفيق ان شاء الله

---

• 2011-10-14 (09:48:21AM) Sony Ericsson XPERIA Neo

  لو حد بيفكر يشتريه يروح السراج مول بوابة اتنين او المول التانى واسئلوا لكن احذروا ان حد يستغل انه قليل فى السوق وبيعه بتمن اغلى 200 او 300 جنيه .... كمان الضمان قبل اى حاجة يعنى ممكن يقولك دا ضمان دولى او حتى هندى اوعى تشترى الموبايل من غير ضمان.

---

• 2011-10-14 (09:44:46AM) Sony Ericsson XPERIA Neo

  انا بقول لحضرتك ان الموبايل تحفة من حيث كل حاجة ومفيش فيه ولا عيب لانه انا اشتريته من اسبوعين لكن فيه عيب واضح جدا ومش فيه لوحده لكن فى كل الموبايلات التى التعمل بنظام الاندرويد بكل اصداراته .... وكمان لان الشاشة كبيرة فدا بيستهلك من شحن البطارية بسرعة كبيرة
  
  كمان الالعاب لو حبيتى تلعبى اى لعبة ممكن البطارية تخلص منك كلها فى اقل من ساعة ... دا عن تجربة.
  
  لكن الاكيد علشان متحيريش نفسك ان هو او حتى الاس فى السامسونج والاتنين اندرويد دول بطاريتهم بدون ما تضغطى عليها فى الاستخدام يدوب تكمل معاك يومين دا لو كمان اتصالاتك عادية مش فاتحاه سنترال :) ...
  
  الخلاصة بالسعر ده مفيش موبايل بامكانات النيو وان هناك بعض الموبايلات تشبه امكاناته لكن يبقى هو الافضل من حيث الكاميرا ومن حيث الرزليوشن ومن حيث جودة الشاشة فى استخدام التاتش هو من افضل الموبايلات التاتش سكرين ان لم يكن افضلهم على الاطلاق
  
  الموبايل معايا ومجربه وهو دا العيب الوحيد هتقدرى تتحمليه هو واى موبايل يعمل بنظام اندرويد يبقى اعتمدى على الله لو مش : يبقى شوفى حاجة ويندوز موبايل او جافا او اى حاجة بعيد عن اندرويد او اعلى بالفلوس الف جنيه كمان وهاتى اكسبريا ارك وبطاريته الى حد ما شوية كويسة عنه لكن مش هتفرق كتير بردوا ضعيفة.

---

• 2011-10-08 (08:43:31PM) Sony Ericsson XPERIA Neo

  لو حد يعرف يا جماعة مكان اشترى منه اى اكسسوارات للموبايل ده زى مثلا
  
  الاسكرين بروتيكتور
  
  او جراب حافظ للموبايل
  
  اى حد يعرف ياريت يدلنى ويكون مشكور جدا

---

• 2011-10-08 (08:40:51PM) Sony Ericsson XPERIA Neo

  اشترى الموبايل ده لو بتفكرى ... فعلا يستاهل المجازفة .. هو جديد ومش مع حد وممكن دا يقلق اى حد بيفكر يشتريه لكن اطمنى الموبايل جميل جدا من حيث اى حاجة ... لكن فيه عيب واضح قوى وهو البطارية ... لو هتتحملى كده يبقى اعتمدى على الله

---

• 2011-10-08 (08:38:54PM) Sony Ericsson XPERIA Neo

  بص او بصى انا اشتريت الموبايل ده من 9 ايام وقعدت اتحايل على الناس زيك كده انى حد يرد عليا ويقولى هل صوته عالى ولا نقى ولا هو هيبقى زى الفيفاز ؟ لكن محدش رد عليا ... بس شكل الموبايل والابشنز بتاعته خلتنى ادخل بقلب جامد ... واحب اطمنك حل حاجة فى الموبايل ده جميلة جدا حتى صوته فعلا صوته بيرجع ثقة الناس تانى فى سونى اريكسون اللى عرفناها من 8 او 9 سنين على انها احسن صوت موبايلات فى مصر ومن تلات سنين بدانا نشوف انها بدات تهتم بكل حاجة فى الموبايل على حساب الصوت ... لكن الموبايل ده تحفة فنية من حيث الشكل وبالذات اللون الازق الغامق..
  
  هما كاتبين ازرق غامق لكنه اغلبه اسود وفى اخر الموبايل تحت لون ازرق ميتلحظش الا لو دورت عليه لكنه اسود خالص ....
  
  الموبايل صوته فى الاتصال جميل جدا ... الميكرفون (لود سبيكر) تحفة وصوت ممكن نسميه عالى لكن مش عالى قوى ...
  
  الاهم فيه الصوت النقى جدا بالنسبة للرنج تون وكمان لما تحب تشغل ميوزك .. نقى جدا وعالى واكثر من عالى كمان بشوية ودا عن تجربة ... لو حد يعرف الكوربى برو ... النيو فى نفس علو صوت الكوربى لكن مع فارق نقاء الصوت ...
  
  تصفح النت كويس وجميل ومش بطئ ومنجز كمان فى الداونلود ... ولكن حذار من انك تعتمد على نت شركات المحمول يبقى عليه العوض فى رصيدك حتى لو فيه مليون جنيه رصيد فقول عليه العوض فيهم فى اقل من يوم ... نصيحة اعتمد على الواى فاى فى الداونلود لو عندك روتر ويرلس ...
  
  شكل الموبايل غير الصورة اللى هنا نهائيا ... هنا الناس ممكن تقول موبايل شيك وجميل او مقبول ... لكن فى الحقيقة الموبايل بجد تحفة فنيه بجد بجد بجد حاجة خيال ... كل اللى شافه بيروح يدور على لونه ويشتريه دا لو لقاه اساسا فى اى توكيل لان موبايل شوب وسلكت الاتنين خلصوا وقدامهم وقت لما ينزلوا الدفعة التانية واللى فى الغالب هتكون مختلفة شوية من حيث وضوح الكاميرا .. الكاميرا هتقل وهتكون 5 ميجا بيكسل وهيعلوا فرجن الاندرويد .. دا الفرق ....
  
  لو فيه حاجة معينة تحب تسأل فيها فيما يخص النيو فى الاستخدام او الشكل او اى شئ انا موجود للرد فى اى وقت

---

• 2011-09-29 (12:35:33PM) Sony Ericsson XPERIA Neo

  ياريت يا مان تحكيلنا عن صوت الموبايل دا اهم شئ الأول وبعدين ياريت يكون وصفك لصوتك دقيق لان انا اهم شئ عندى فى الموبايل صوته .. يعنى نقى ؟ عالى؟ او متوسط ؟ مسموع ؟ ... كمان الموبايل ككل رايك ايه فيه ... تكون مشكور جدا لو كلمتنا عنه لانى هشتريه بكرة ياريت الرد بسرعة.

---