lookalone

نوع الموبايل : Samsung Galaxy Note II N7100

اخر زيارة:

تاريخ الاشتراك: 2011-08-27

عدد التعليقات: 10

الدولة: مصر

احدث المشاراكات

2014-09-10 (10:47:02PM) Apple iPhone 6 Plus

طبعا بالنسبه للايفون مش هيفرق لان هو شغال ب 64 بت يعنى البروسوسر بتاعه يفوق نوت 4 ..والمواصفات دى بتشغل اجدعها لعبه فى المتجر وبكفائه عاليه ..

2012-09-09 (02:26:48PM) Nokia N8

بص يا aboodyyy لو عايز تشترى نوكيا يبقى مفيش حل قدامك غير الموبايل ده ، ليه ؟ ، علشان ده اقوى موبايل نزلته وسعره مش غالى وكمان معاتش هينزل منه وكمان فلندى يعنى لا صينى ولا يحزنون ، لو بقى انتا محتاج حاجه ب 1700 جنيه وميهمكش المواصفات اوى وجوده التصوير والبطاريه القويه ، فممكن تتجه لنوع اقل من n8 وهو موبايل نوكيا 603 بس ده هيبقى غالى على تمنه ومفهوش امكانيا التصوير العاليه ، اما لو اتجهت الى السامسونج مفيش غير سامسونج w هو اللى ممكن تلقيه بالسعر ده ، ومانصحكش بسامسونج عموما ، او اى اجهزه اندرويد ، علشان ده نظام اثبت فشله ، بمعنى انك لو اشتريت موبايل سامسونج مش هتعرف تستمتع بوقت اطول على الموبايل لان بطاريته بتخلص بسرعة ، الى جانب ان نظام اندرويد بيخلى الموبايل ولعه وهيسخن منك ، اما لو اشتريت نوكيا ، يبقى كده حقت المعادله ، سعر مناسب + تقنيه سهلة وسريعه +كاميرا عاليه جداً + بطاريه تدوم اكثر من يومين + نظام بسيط لا يجعل الموبايل يسخن = نوكيا

2012-09-02 (03:51:00PM) Nokia N8

انا مش متفق مع كثير من الناس فى ان نوكيا فقدت الكثير من تميزها فى مجال الموبايلات ...
علشان نوكيا حتى الأن تعمل لكى تخرج لعملائها افضل تقنيه حديثة وسريعة وشيقة وكمان تستحمل ، يعنى ايه ، انا عايزك تقارن كل موبايلات سامسونج الحديثة بموبايل n8 وطلعلى عيوب الاثنين هنجد ان عيوب سامسونج قاتلة ، لكن عيوب نوكيا بسيطة لا تدعدى الا فى ان n8 بطاريته داخليه اما سامسونج خد عندك يا سيدى ، أولاً : بطارية ضعيفة لاتقوى ليوم واحد من الاستخدام ، ثانياً : نظام تشغيل اندرويد يجعل الموبايل ترتفع حرارته لاقصى درجة وكمان يشغل مساحه داخلية فى الموبايل على الفاضى ، طيب هنقول ان دى مش عيوب ، وان موبايلات سامسونج او ابل او او تعرف تلعب عليها العاب اتش دى وكانك تلعب على الكمبيوتر ، هقولك وايه يعنى ، نوكيا برده احسن منه بالرغم من ان بروسيسور نوكيا n8 600 جيجا هيرتز الا ان الموبايل سريع لدرجة كبيرة ومبيهنجش وكمان العابه اتش دى ويدعم مخرج تلفزيون ..... طيب السامسونج شاشته كبيرة ، وايه يعنى مش معنى كبر حجم الشاشة انها الافضل لأن ده بيسحب من البطارية ويخليها تضعف ، يعنى من الاخر عايز موبايل مناسب كاميره عالية جداً (اعلى كاميرا فى الموبايلات حتى الان على الاطلاق) وشاشة مناسبة وكمان العاب اتش دى ونظام تشغيل سريع وسهل ومش معقد ومش بتعملة روتنج ولا بتجبلة جيلبريك وبتعد طول النهار تدور على لعبه واحده مجانيه ...... لأ نوكيا مفيهاش كل التعب ده ، نوكيا الاصل والباقى ده كله تعب نفس على الفاضى ....

2012-07-24 (08:19:34PM) Apple iPhone 4S

اولاً : اود قول شيئ مهم جداً عن شركه ابل ، وهى الشركه الرائده فى التقنايات عالية الدقه
ثانياً : ان الايفون فو بمثابه عالم خاص بك وحدك بمعنى انك ترى نفسك دائماً مميزاً بين الاخرين ولكن يتضح بعد ذلك انك اقل من من حولك فى الامكانيات
الايفون امكانياته محدوده بالنسبه لنوكيا وسامسونج وحتى للموبايل الصينى ...... جهاز تدفع فيه 5000 جنيه يزيد او يقل قليلاً لا ترى فيه شخصيتك وانما تحب ان تقتنيه لمجرد الأسم ..... انا جربت الايفون لمده سنه ولم اجد ما يناسبنى فيه لا من حيث الالعاب ولا من حيث البطاريه ولا من حيث الاستيل ككل
...... من وجهة نظرى انه اذا اجتمعت شركه ابل بتقنيه شاشتها وزكاء سامسونج فى البرمجه الزكيه وخبره نوكيا وتميز سونى فى الكاميرات ، اعتقد اننى سوف ادفع 5000 جنيه وأكثر فى هذا الموبايل من غير ما اندم ، وعلى فكره ....

2012-07-23 (09:12:25PM) Apple iPhone 4S

السلام عليكم ورحمة الله وبركاته وكل عام وانتم بخير ، ورمضان كريم ، اولاً انا كنت عايز اتكلم عن حاجه دايماً كل واحد فينا لازم يعملها قبل ما يشترى موبايل وهى انه لازم يتأكد تماماً انه مش هيندم لو اشترى الموبايل اللى اختاره ، بس مين فينا كده كلنا بندم بعد ما بنجيب الموبايل اين كان نوعه ، انا شخصياً فضلت ادور على احسن الموبايلات ، ولما رسيت على موبايل بعد بحث وتدقيق اخترك الايفون "ماركه عالميه ، صناعة امريكيه، جوده عاليه وكمان حاجه مضمونه " يعنى هتدفع فلوسك فى حاجه مش هتندم عليها ، بس للأسف انا ندمت لما جبت الايفون وبدأت ادور على البديل ، بس انا عارف ان لو لقيت البديل هندم تانى ، وبعد ما جبت البديل وهو سامسونج جالكسى نوت ندمت اشد الندم ، وانا دلوقى دايخ على بديل البديل ، وبس من خلال ندمى هذا اتعلمت حاجه مهمه جداً وهى انك تحدد انتا عايز ايه مش تفكر فى تعليقات الناس ممكن يكون منهم اللى ندم وطبعاً ده هيخلى رأيه عن الموبايل مش هيرضيك ، انتا اللى لازم تحدد انتا عايز ايه ، هل عايز موبايل كبير فى الشاشة علشان يملا العين ، ولا موبايل بامكانيات عاليه علشان الالعاب ولا موبايل صغير علشان الشيل ، ولا موبايل بكاميرا دقته عاليه علشان التصوير ولا موبايل بطاريته تستحمل اكبر قدر من الاستهلاك ولا ولا ولا ، كله ده انتا بتحدده ، وصدقنى مش هتقدر تلاقى كل المواصفات دى فى موبايل انتا عايزه رخيص على قد الفلوس وده اللى بنسميه اللى ممعهوش ميلزموش ، يعنى من الاخر كده كل شركه بتنزل موبايل لازم يفرق عن جميع اصدارتها الاخيره وعن الاصدارات الاخرى للشركات المنافسه ، انا عارف انى طولت عليكوا ، بس دى نصيحه من اخ ، حدد هدفك وفلوسك فى شئ انتا عارف انك مش هتندم عليه ، وعلشان كده انا حددت هدفى واخترت اغير كل ده مؤقتا وأمشى بموبايل عادى جداً لحد ما احدد انا عايز ايه، اعرف دايما ان التجربه تعلمك دائماً وتزيدك خبره لكن لا تكون هذه الخبره على حساب فلوسك ، خلى دايما اولوياتك فى الشئ الضرورى ليك ومناسب لإمكانياتك . انا خلصت كده ، وعايز اقول حاجه اخيره مش هتلاقى كل اللى انتا محتاجه فى حاجه واحده . ومعلش على الاطاله وشكرا ليكم .........
-----------------------------------------------------------------------------------------------------

2011-08-27 Nokia Oro

ده ممكن يتقدم شبكة في الفرح

2011-08-27 Nokia X7-00

الموبايل ده فوق الوعه
هو غالي شويه
ومش هتلقيه في مصر
اعرف واحد صحبي جابه من الامارات بس عيب فيه عيب عدم وجود كاميرا أمامية للمكالمات المرئية
اعتقد انه احسن من موبايل سامسونج اومنيا اتش دي

2011-08-27 G-TIDE G1

هو ده موبايل اصلاً
انا بحسبه حاجه من طائفة الاسفنجيات
انا لا ادفع فيه 3 مليم

2011-08-27 Samsung i8910 Omnia HD

هذا الموبايل رائع لك يا خساره الحلو ما بيكملش
بعد ما عالجت شركت نوكيا هواتفها البدائية المجسمة مثل 6600 وانتا طالع من سوفت وير خطير وهو ان اشارات البطارية عند تبديل اللغة الي العربية يتم عكس هذه الاشارات ، إلا ان سامسونج قررت ان تعيد ما عفي عنه الزمان في السوفت وير البدائي واصبحت تترك ورائها اخطاء صغيرة فاضحة خاصة في الجوالات العالية زي موبايل امنيا ، وغير ان كمان الموبايل ده هتلاقي فيه صوت الاسبيكر ضعيييف جدا مقارنه بحجم هذا الموبايل الفخم وسعره المرتفع ، لأ وخد دي كمان إن الأزرار الثلاثة في الأسفل بدون اضاءة .
قد لا تعتقد ان دي تعتبر مشكلات كبيره لكنني قد ادفع الكثير من المال علشان اخد حاجه السوفت بتاعها عايز معالجه اكثر من هذا
واللي يستخدمة يشوف اكتر من كده

2011-08-27 Samsung F480

هذا الموبايل تعاملت معاه وهو ما شاء الله سريع
واعتقد انه الافضل في عائلات السامسونج من حيث
السعر ، وهو يحتوي علي كاميرا 5 ميجا بكسل يعني من الاخر موبايل لامم نفسه ورخيص بس انا مش متأكد من سعره 900 جنيه ، اعتقد انه هيعدي الألف