بدور علي ايه؟ اكتب رقم موديل الموبايل الابدور عليه
mastermindcairo
احدث المشاراكات
-
2011-06-16 Huawei U8230
لو سمحتم يا شباب اللي اشتري الجهاز ده يقولنا شهادة الضمان اللي بتيجي في العلبة مكتوب فيها الوكيل فين و تليفونه؟؟ و حاجة تانية سوءال بكرره تاني عن صوت المكالمة بالذات في الاماكن الدوشة يتسمع كويس و لا اوطي من النوكيا و الاجهزة اللي معظمنا متعود عليها؟؟ و شكرا.
-
2011-06-12 Huawei U8230
انا كنت قريت في ريفيو اجنبي ان المتصفح لا يدعم الفلاش فيديو فيمكن يا بطرس اصدار المتصفح في الجهاز اللي اتصالات منزلاه احدث شوية و بالنسبة للبطارية اللي بتسخن ده طبيعي و عشان تطمن يستحسن تفصله بعد ما يخلص شحن علي طول و متنساهوش في الشاحن.
بالنسبة للاخوة اللي بيقولوا ملاقوش هواوي في فودافون ده بسبب ان فودافون بتنزل هواوي باسم اخر لانه بيكون vodafone branded و اخر موديل نزلته كان اسمه vodafone 845 اللي هو huawei 8120 و سعره كان 499 جنيه و مفتوح علي ال3 شبكات عشان كده اتخطف بسرعة من السوق.
للاسف معظم الناس اللي جربت الu8230 بتقول انه صوته واطي جدا يا اما في الرنات او في صوت المكالمة او في الاتنين و دي نقطة ضعف قاتلة لانه المفروض انه غرضه الاساسي انه تليفون!. -
2011-06-11 Huawei U8230
علي فكرة يا بطرس : انا عرفت ليه اليوتيوب مش شغال في الجهاز ده عشان المتصفح لا يدعمmacromedia flash.
-
2011-06-09 Huawei U8230
penoleno88
انا بتكلم علي لما بنكون طافيين الجهاز و مخرجين الشريحة منه و مش حطينها في اي جهاز اخر ازاي بيعرفوا!!
بالنسبة للrooting طبعا الشفرة بتروح بس المشكلة في انه كده غالبا ضمان الجهاز حيروح و كمان الrom اللي حتلاقيه قليل لما بيكون متوافق مع هاردوير الجهاز و يكون فيه عربي بالكامل(رسائل و تصفح و قائمة). -
2011-06-09 Huawei U8230
تمام يا بطرس و عشان تتاكد اكتر ان العربي في التصفح شغال كويس ابقي جرب اي منتدي عربي و بالنسبة لليوتيوب في موقع youtube.com/mobile جرب بيه كده يمكن ينفع.
نفسي حد يفهمني ازاي السيستم بتاع شركة الموبايل بيعرف ان الشريحة اتشالت من الجهاز و بيقوم لاغي ال50 جنيه رصيد بتوع الشهر اللي الشريحة اتشالت فيه؟؟ :) -
2011-06-08 Huawei U8230
طيب هل صوت المكالمة نفسها واطي؟ يعني الطرف الاخر صوته عالي يتسمع في الدوشة و لا صوت نقي فقط؟ و ما مدي قوة الvibration عشان لو كان قوي و في خاصية ring+vibrate ده حيعوض انخفاض صوت الرنات.
-
2011-06-08 Huawei U8230
نسيت اسالك يا بطرس مقلتليش صوت الرنات و صوت المكالمة نفسها يتسمع في الدوشة و الشارع و لا واطي؟ و هل فيه full arabic support يعني رسايل و تصفح مواقع عربي و قائمة كمان؟ و هل فيه تخصيص نغمة رنين لكل متصل؟؟
-
2011-06-08 Huawei U8230
بطرس خللي بالك بالنسبة للبطارية المفروض او الصح تشحنها اول 3 مرات كل مرة 14 ساعة مثلا عشان دي 1500 مللي امبير و في ال3 مرات دول متشحنوش غير لما يديك انذار low battery و بكده تضمن انك تاخد افضل اداء للبطارية و بعد كده ابقي حطه يكمل شحن براحتك عادي.
بالنسبة للبرامج و الالعاب و التطبيقات اكيد معظمنا من اللي بيدخلوا علي myegy.com عارفين انه نزل انهارده مجموعة رهيبة للاندريود.
انا اللي نفسي اعرفه حكاية انه الشريحة اللي بينزل عليها عرض ال 50 جنيه رصيد لو اتشالت من الجهاز تخسر العرض بتاع الشهر اللي انت فيه ازاي؟ يعني طالما الواحد بيشيل الشريحة و الجهاز مطفي ايه اللي بيحصل يخلي السيستم بتاع الشبكة يعرف ان الشريحة اتشالت؟ -
2011-06-08 Huawei U8230
ميدو باشا : انا و الله ماليش اي غرض غير اني اولا اساعد و بدون اي مقابل و لا حلاوة ههههه و ثانيا اني لما الشفرة حتتفك حروح دوغري اشتريلي واحد بس بعد ما اطمن ان التوكيل عنده بطاريته الاصلية حاليا و بسعر معقول عشان حشتري بطارية احتياطي لانه الجهاز power hungry حسب كلام اللي جربوه.
انا بجد جاهز لتجربة فك الشفرة و من غير مقابل و من غير ما المس التليفون بس يكون قدام عيني و ده طلبي الوحيد:) -
2011-06-08 Huawei U8230
بطرس باشا : الف مبروك عليك و قولنا بقي البلوتوث سماعة بس و لا نقل ملفات عادي و اداء البطارية عامل ايه؟ و هل فيه تخصيص نغمة رنين لكل متصل و هل صوت رناته يتسمع في الشارع و الدوشة و هل نفسك تفك شفرته عشان نجرب بقي؟ :)
-
2011-06-08 Huawei U8230
ميدو باشا : باذن الله في امل كبير نفك شفرته طالما اللي جرب يحط شريحة غير اتصالات بتطلعله رسالة network unlock pin بشرط انه ميحاولش يدخل اي كود عشان ميحصلش lock و يبقي الفك اصعب. كل اللي محتاجينه التليفون و من غير ما نلمسه يعني و هو في ايد صاحبه عشان ميخفش ان حد يبوظله التليفون و لا حاجة :)
-
2011-06-07 Huawei U8230
استاذ بطرس انا فاهم كلامك و هو منطقي طبعا لكن انت عارف انه امر وارد انه البطارية تبوظ بعد شهور قليلة و هنا بتبان قوة التوكيل في وجود قطع غيار للمنتج من عدمه و منها البطارية طبعا و لا يخفي عليك انه في power users حيحبوا يشتروا بطارية اضافية و تبقي مشحونة من وقت للتاني و جاهزة يبدلوها في اي طاريء و انا اتوقع ان الوكيل سواء كان شركة الاهلي للتجارة و التوزيع اللي اول مرة اسمع عنها او شركة الدلتا الاتنين حيقولوا للاسف لسا معندناش بطارية التليفون لوحدها و هنا تكمن المشكلة لان في ناس بتحب تليفون معين و بترتاح فيه و مش بتغيره غير كل 3 سنين مثلا.
انا نفسي في حد جدع يكون اشتري التليفون يقولنا البلوتوث نقل ملفات و لا سماعة بس في الموديل ده و يقولنا بدقة الرسالة اللي بتظهر لما بيدخل شريحة غير اتصالات عشان بجد شفرته في امل كبير جدا في فكها و انا جاهز و احنا بانتظار الشخص الجدع اللي اشتراه :) -
2011-06-07 Huawei U8230
يا جماعة انا شايف ناس اشترت التليفون ده و حاطين عينة صورة متصورة بيه و ليا طلب عند اي حد اشتري التليفون ده انه يقولنا لما ييجي يدخل شريحة فودافون او موبينيل ايه الرسالة اللي بتظهر عنده بالظبط؟ يعني enter network unlock code/pin و لا رسالة اخري فيها كلمة reset key ؟ ..... لو الرسالة الاولي انا ان شاء الله احتمال كبير ممكن اخلي التليفون يشتغل مع الشبكتين التانيين و ده لوجه الله مش اكثر.
الشيء التاني محدش سال نفسه توكيل التليفون ده اللي عنده ضمانه عنده بطاريته و لا لا؟ يعني لو باظت البطارية لا قدر الله هل موجودة عند الوكيل ام لا و كم سعرها؟ طبعا سبب السوءال ان كلنا متعودين علي نوكيا و مهما طال استخدامنا لموديل معين بنلاقيله بطارية لو باظت انما هواوي لسه مش منتشرة اوي اللا فقط في مجال اليو اس بي موديم و دي مش محتاجة اي قطع غيار و كلها ب99 جنيه و اسف للاطالة.