apco

احدث المشاراكات

• 2014-01-18 (05:18:56PM) Samsung Galaxy S III I9300

  لا يا باشا , موبيلك من السعودية يبقى ينزلو التحديث لما ينزل تحديث السعودية
  مش مهم انت فين دلوقتي المهم سيريال الجهاز تبع انهي دولة
  وان شاء الله خير

---

• 2012-06-10 (11:14:22AM) Sony Ericsson Xperia ray

  شغال تمام ومش بيبطئ ولا بيهنج بس بتحس بفرق بسيط لما تشغل برامج كتير

---

• 2012-06-10 (10:53:53AM) Sony Ericsson Xperia ray

  على حسب استعمالك !
  بس بصراحة الراس احسن من الإيس بكتير عشان جربت الاتنين والميزة الوحيدة في الإيس ان شاشته اكبر في المساحة ولكن الراي الريسوليوشن أعلى بكتير .

---

• 2012-06-10 (10:48:20AM) Sony Ericsson Xperia ray

  برامج الشات والسكايب أيوة .
  المكالمات الهاتفية لا للأسف .

---

• 2009-10-17 Nokia 5800 XpressMusic

  السلام عليكم
  مع احترامي الشديد لكل الي بيسأل على الجهاز دا حلو ولا لأ
  أولاً : مفيش جهاز مفيش فيه عيوب لكن الجهاز دا معايا وان مش شايف فيه عيوب تصنيع لكن فيه عيوب انتاج بمعنى ان المفروض الكاميرا بتاعته كانت تكون 5 ميجا بيكسل علشان تناسب امكانيات الجهاز مش 3 ميجا بيكسل بس
  ثانياً : صوته كويس وعالي ونقي لكن مش عالي زي الأجهزة الصيني ولو عاوز جهاز صوتوا عالي يبقى مفيش اعلى من الصيني
  ثالثاً : الجي بي آر إس حاجة كويسة وموجودة فيه وشغالة تمام
  رابعاً : موضوع الشحن الي بيخلص بسرعة دا مش صحيح لأن الشحن بيعتمد على الامكانيات الي بنستعملها
  مثال : جهازي لما باستخدم الكاميرا كتير في يوم واتفرج على الي صورته واسمع اغاني والعب أي العاب .. البطارية بتكمل يومين بالعافية
  لكن لما اكون مشغول جامد عندي في الشغل وعلى قد مكالمة كل ساعة ومنبه الصبح .. البطارية بتوصل اربع أيام !
  وأعتقد دا عادي جداً
  خامساً : موضوع الناس الي بتبيع أجهزتها دا طبيعي لأن كده كده في ناس بتحب تغير أجهزتها على طول وكمان في ناس مش متعودة على موضوع الشاشة التتش وعاوزة النظام التقليدي بتاع الأزرار ودا حقهم لكن مش معنى كده ان نظام التتش وحش او فيه مشاكل بالعكس لأن كل الشركات حاليا بتتجه نفس الاتجاه دا والدليل كل أجهزة ساسونج الجديدة
  سادساً : أخيراً .. بصراحة الجهاز دا تحفة وجميل جداً وسعره مناسب لامكانياته لكن مش كل الناس هتحبه او تعرف تتعامل معاه بسبب موضوع الشاشة التتش
  وفي ناس كتير كانت الشاشة بتبوظ منهم نتيجة الضغط الثقيل على الشاشة
  ومعتقدش ان دا عيب جهاز !
  وشكرا

---

• 2009-08-23 Nokia 5630 XpressMusic

  الأخ Taher506
  هو الجهاز دا فيه ngage ولا لأ ؟؟
  وكل عام وانتم بخير

---

• 2009-07-06 Nokia 5800 XpressMusic

  أنا بأتكلم على حد علمي
  مفيش 5800 فنلندي خالص في السعودية وبالأخص في الرياض
  وعلى حد علمي برضه الفنلندي الموجود في المحلات هي انتاج قديم يعني من أول شهر فبراير وقبل كده ودي كانت فيها عيوب في السوفت وير بتاع الجهاز ولازم يتعملها تحديث
  والله أعلم

---

• 2009-06-20 Nokia 5800 XpressMusic

  أيوة
  النوكيا المصنوع في الصين أصلي ومفيش فيه مشاكل على حد تجربتي
  وعلى حد علمي مصنع نوكيا الي في فنلندا نايم اليومين دول جامد علشان الأزمة الإقتصادية الموجودة حالياً
  بس خد بالك في فرق جامد بين الموبايلات الصيني الموجودة في السوق وموبايلات النوكيا المصنوعة في الصين
  لو انت ببتكلم بصفة خاصة على ال 5800 فهو لسة مطلعش تقليد صيني له حالياً

---

• 2009-06-19 Nokia 5530 XpressMusic

  دا نسخة مصغرة من ال 5800 حسب موقع نوكيا
  (compact version of the 5800XM)
  هو أحدث من ال 5800 لكن امكانياته أقل وسعره هيكون أقل بكتير من ال5800 لأن سعره حوالي 270 دولار

---

• 2009-06-19 Nokia 5800 XpressMusic

  انا جبت الموبايل صيني علشان مش لاقي فنلندي خالص
  وبصراحة مالوش حل !!! جامد جدا
  ونصيحة للأخوة الي بيدوروا على الفنلندي : مش هتلاقي وهتدوخ وفي الآخر مفيش فرق بين الاتنين خالص
  بالعكس
  الفنلندي منه كان بينزل أول الموديل ما نزل وكان فيه عيوب كتيرة ولازم تعمل update software
  لكن الصيني نازل بالسوفتوير الجديد ومفيش فيه أي مشاكل خالص

---

• 2009-06-07 Nokia 5800 XpressMusic

  ممكن سؤال للأخوة الكرام وخصوصاً ديزل :
  انا معايا ال IMEI بتاع الجهاز بس مش عارف أدخل فين في موقع نوكيا علشان أعرف مكان الصنع
  ممكن حد يشرح الطريقة ؟؟
  شكراً

---