muhammedashraf93

احدث المشاراكات

• 2013-03-15 (05:59:28AM) Sony Xperia TX

  استاذ kariam : عايز الصراحة ،،، معاك حق في إن السوني أفضل من حيث الكاميرا ـ، لإن سوني لها وخبرة عريقة في مجال التصوير ،،، مع إحترامي لشركة سوني الكبيرة
  لكن كل جهاز أفضل من جهاز في أشياء وأشياء أخري
  أنا عن نفسي بفضل في حالة لو هاجيب جهاز له دعم كبير وواسع للألعاب والصوتيات والمجالات المفتوحة للتطوير زي إضافة الرومات المختلفة المتطورة developer والغير إحترافية ، ودة طبعاً غير سهولة تواجد إكسسوارات الهاتف الخاصة في الاسواق
  أنا في الحالة دي هافضل هواتف سامسونج جالاكسي اس ونيكسس ونوت ، وهي تعتبر إحترافية في المجالات ديه عكس السوني إللي مجالها محدود من ناحية الأشياء ديه وغير طبعاً قلة تواجد إكسسوارات أجهزة سوني في الأسواق المصرية
  
  ولكن بفضل السوني إكسبيريا في حالة لما أكون عايز جهاز أنيق وشكل جذاب ومتانة عالية ، وكاميرات وشاشات تكنولوجيتها عالية ومنافسة بقوة للشركات الأخري
  لكن أنا ضد سوني في قلة الأشياء إللي قلتها سابقاً ، ودة على قد ما بحب أجهزة سوني ، في نفس الوقت بزعل لما بلاقي قلة بأهتمامها في الأسواق المصرية
  هو طبعاً الإحصائيات بتاعت موقع gsmarena بتقول إن شركة سوني هي رقم 1 في هواتفها حتي الأن ( دة كا شركة منتجة للهواتف ) ،، ولكن من ناحية الأجهزة من مختلف الشركات ،، فالإحصائيات خدت هواتف سامسونج إلي رقم 1 ( دة كا أجهزة )
  
  ملاحظة بسيطة : كل حواري دة ( وجهة نظري الشخصية ) نظراً لعدم تسبب أي مشاكل
  وشكراً

---

• 2012-11-01 (09:47:16PM) Samsung S8530 Wave II

  انا عن نفسي لو قيمت الجهاز دة ،، هاقيمه من غير ما حد يزعل
  
  جهااز ليس له معني ،، والدعم به ضعييف جداً و الإهتمام به يكون نادراً
  
  لو حد فكر يشتري الجهاز دة ،، يبقي حفر قبره بأيده
  
  وشكراً

---

• 2011-06-03 Sony Ericsson VIVAz

  أخى lomy آسف على تأخير الرد
  انا حالياً معايا samsung wave ii s8530
  أنصحك ماتجيش جنب السونى إريكسون دلوقتى خالص لأن التليفونات المتوسطة فيها مش حلوة أوى و الأجهزة الفئة العالية غالية جداً و بتبدأ من 3000 جنيه و إنت طالع
  خليك فى السامسونج أو النوكيا بس النوكيا برضه ماتشتريش منها حاجة دلوقتى لأنهم طلعوا خبر إن نوكيا هاتنزل أجهزة فيها ويندوز موبايل 7 و ديه هاتكون جبارة جداً لأن المعالج فيها هايكون ثنائى النواة يعنى المعالج بمعالجين و السرعة فيه مضاعفة مرتين و الذاكرة هاتكون جبارة و حتى الصوت و شكل الأجهزة هاتكون جبارة إن شاء الله
  و الصور فى الرابط دة
  
  عشان دة مش كلامى بس ميعاد التليفون بيقولوا فى سنة 2012 هايبدأوا ينزلوا منه
  بس للمرة التانية مانصحكش بالسونى إريكسون
  شكراً جزيلاً بكل فكر و إحترامى

---

• 2011-05-23 Samsung S8500 Wave

  أهلاً و سهلاً بك يا patti
  حلك عندى و سهل جداً بس يريد تركيز حتى تكون الخطوات صحيحة التنفيذ
  تابعنى
  1 - أدخل على لوحة الأرقام keypad
  2- أكتب الرقم دة
  #197328640#*
  3 - هاتلاقى شوية كلام مترقم من 1 إلى 8 ، أختار [6] Video
  4- ثم [5] Display Setting
  5- أجعل رقم واحد و أتنين على ON
  [1] mDNIe Tuning Mode [OFF] >>> [ON] ON
  [2] mDNIe HW Mode [OFF] >>> [ON] ON
  بعد أن تتأكد أن الأتنين إللى فوق فقط معمولين على ON دوس على زر أغلاق المكالمة و أقفل الشاشة و شغلها من زر قفل اللمس و شغلها تانى و مبروك عليك و أعطينى رأيك
  بالنسبة لموضوع الضمان طلام ما حضرتك أشتريته من محل مش هايكتبوا ميعاد إنتهاء الضمان و تاريخ شراء الجهاز
  الكلام دة بيحصل لما بتشترى الجهاز من التوكيل ذات نفسه
  يعنى متقلقش الجهاز بتاع حضرتك الرقم المسلسل متسجل على قاعدة بيانات التوكيل و عارفين إن الجهاز دة أنت شاريه من محل فا نظام المحل مش زى نظام التوكيل
  ساعت ما تشترى من التوكيل هو بيحددلك موعد على الضمان فترة شراء الجهاز و بعدين الإنتهاء
  لكن المحل فين و فين لما الجهاز حد يشتريه يعنى المحل بيشتروه منه أى الموبايل فى أى وقت
  بس على حسب علمى مش عارف هو المحل بيكتب على الضمان الفترات ولا لأ
  أنت ممكن تسأل المكان إللى حضرتك أشتريت منه الجهاز بتاع حضرتك و هو هايقولك كل حاجة عن الضمان إللى مش محدد هاينتهى أمتى
  أتمنى إنى أكون أفدتك و ساعدتك
  شكراً جزيلاً لك بكل فخر و إحترامى
  تحياتى لك و للجميع

---

• 2011-05-23 Samsung S8500 Wave

  ألف شكر ليك أنت يا 3andalip أنت تعبك راحة و بركة أكثر من روعة إن أحنا قدرنا نساعدك و تبقى راضى و مرتاح و كله تمام مليون فى المية
  هو فعلاً الجهاز الويف 2 ماشاء الله عليه جميل جداً و ألف مليون مبروج على الجهاز الجميل و ربنا يبارك لك فيه و تبقى مبسوط بيه دائماً و أدعى الله أن يوفقك و يباركلك فيه حتى يبقى معك دائماً
  على فكرة ماتحطش فى بالك ان حجمه كبير كمان شهر او شهرين ايدك هتاخد عليه و هاتعرف تمسكوه و تبقى ايدك خدت على وضع مسك الجهاز بطريقة مريحة و بعدها إن شاء الله مش هاتحس أنه كبير ولا حاجة
  ألف مبروك مرة ثانية
  بالنسبة لموضوع الجى بى اس فى الويف 2 فا أنا على حسب علمى إنك تدخل على موقع الشركة المنتجة للبرنامج و هى كالآتى : هذا هو الموقع الرسمى للبرنامج و هذا سوف يساعدك اكثر فى البحث عن الخريطة المصرية للجهاز
  و اتمنى أنى اكون قدرت أساعدك بس لو دخلت على الموقع و مالاقيتش الخريطة فا انا دليتك على الموقع فقط عشان تشوف الدنيا ماشية ازاى و هاتعمل أيه و أيه إللى ليك و إللى عليك
  هذه على حسب علمى و على قد ما عرفت عن البرنامج دة نظراً لأنى معرفش فيه أوى و الحقيقة أنا مستخدمتوش حتى
  بالنسبة لتخصيص الصور على الأسماء فا أنا هاجرب و أقولك بس معتقدش إن لازم يبقى بالأنجليزى فقط
  أدخل و إتأكد من الإعدادات بتاعت اللغة
  1 - أدخل على القائمة و أختار Settings
  2 - ثم General
  3- ثم Keyboard Language
  4 - حدد على اللغة الإنجليزية و العربية معاً
  ممكن تكون المشكلة ديه سببها اللغة أنت مختار لغة واحدة بس و لكن ماينفعش كدة الجهاز هايبقى ماشى على لغة واحدة بس فا أعمل الخطوات ديه عشان الدنيا تمشى معاك مفيهاش مشاكل ما بين اللغتين
  و أتمنى أن أكون ساعدتك و تكون مستمتع و مرتاح و راضى
  إذاً لديك أى إستفسارات أحنا معك أخى
  أنا متابع على فكرة فا متقلقش أكتب أى حاجة تيجى على بالك و أنا معاك فيها
  شكراً جزيلاً بكل فخر و إخلاص و مع كل إحترامى و تحياتى لك و للجميع
  

---

• 2011-05-22 Samsung S8500 Wave

  بص حضرتك الضمان مش هايفرق كتيير طلام ما الجهاز بالضمان غالى جداً و اغلى من إللى من غير ضمان ب 1000 جنيه
  مفيش قدامك غير حلين
  يا تجيب الويف 1 إللى من غير ضمان يا إما تجيب الويف 2 و بضمان أصل الجهازين زى بعض مفيش فرق إن دة كبير و دة صغير
  و غير كدة إنك من غير ضمان بعد الشر لو جهازك حصله شئ هاتوديه أى مركز صيانة أو توكيل معتمد يصلحهولك و مش هايخده منك غير ثمن الصيانة
  لكن الضمان مش هاتدفع حاجة خالص فى الصيانة
  لو جبت إللى من غير ضمان عليك إنك تتأكد من شئ واحد فقط يأكدلك إن الجهاز دة زى الفل إنك تشوف علبة الجهاز و إنت بتشتريه و تبص على سلامة العلية و تبص على الاهم من العلبة إللى هى إستيكر الأمان إللى على العلبة لو مقفول و متقطعش يبقى الجهاز دة الحمد لله زى الفل و لو لاقيت الاستيكر مش تمام يبقى تدور على غيره يعنى شغل دماغك و إنت بتشتريه
  طلام ما الإستيكر دة موجود بسلامته يبقى الجهاز دة ماتلمسش غير من أيد المصنعين
  والله مش هاتفرق كتيير من إللى بضمان و إللى من غير ضمان
  لو مش عاوز اللى بضمان خلاص هات الويف 2 و صدقنى الجهاز دة معايا هو جميل جداً ماشاء الله عليه
  ريح بالك عشان ماتلفش و تدور و دماغك تتشتت و تفكيرك يبوظ و تبقى متردد يعنى أحسبها بالعقل لو ماينفعش دة يبقى فى دة ( لو مفيش ويف 1 يبقى فى ويف 2 )
  أولاً مبروك مقدماً على شرائك للهاتف الجميل و ربنا يباركلك فيه و يدوم معاك على طول و تبقى مرتاحله و مفيهوش مشاكل بأذن الله تعالى
  بس فكر بالهدوء التام و بعدين أشترى و متبقاش متردد
  الله يوفقك و لو عندك أى إستفسارات أحنا معاك
  جزالك الله خير

---

• 2011-05-20 Samsung S8500 Wave

  ربنا يخليك و يجعلك من اهل الجنة بأذن الله
  بالنسبة لكبر حجم الويف 2 متقلقش بمجرد إنك لما تتعود عليه متخفش مش هاتحس بكبره خالص إن شاء الله
  الجهازين زى بعض تماماً فى كل حاجة ماعدا الشاشة أكبر
  بس لازم جهازك يكون معاه ضمان عشان تصلحه من غير فلوس و تبقى أنت مرتاح و مطمأن نفسياً و لو جبته من التوكيل يبقى الله أكبر عليك معاك ضمان كامل
  تجيبه من عندهم يبقى إنت كدة أسمك أشتريت الجهاز من التوكيل مش من محلات تجارية
  هايبقى درجة أولى و كورى الصنع لأن خلى بالك لو جبته من أى محل أحتمال يكون صينى فا خلى بالك من الجزئية ديه عشان الصينى فى السامسونج مش حلو أوى هايبوظ بسرعة فى الأجهزة ذات فئة عالية
  خليك دايماً لما تشترى حاجة تعمر معاك تكون حديثة و جديدة لسة
  مع إن الويف 2 لسة جديد مبقالوش 6 شهور أو أقل و الويف 1 بقاله سنة و شوية لكن مش هاتفرق و أهم شئ إن الجهاز إللى تجيبه لازم تكون مستريحله عشان يعمر معاك كتيير و متحتجش تغيره
  لو فى أى إستفسارات بخصوص أى حاجة نحن معك أخى
  شكراً جزيلاً مع إحترامى لك و للجميع

---

• 2011-05-20 Samsung S8530 Wave II

  جزاكى الله كل خير يا أختى العزيزة roseeee
  هو فعلاً الويف 2 كبير أوى كا حجم أحياناً بيكوت عيب لبعض المستخدمين لكن
  مع الوقت بمجرد إن حضرتك تتعودى عليه مش هاتحسى بحجم كبر الجهاز
  
  بالنسبة لعيوب الجهازين
  الويف 2 عيوبه بسيطة جداً و تافهة و حلولها ممكن تتحل فى قعدة مبرمجين سامسونج و تنتهى ليلة العيوب فى الجهاز دة
  العيب الأول : نظام البادا قليل برامجه و الدعم بتاعه بطئ شوية يعنى نصه متأخر و نصه متقدم لأن التحديثات بتاعته بتنزل كل فترة حوالى شهرين أو أكتر الله أعلم
  العيب التانى إن فتحة كارت الذاكرة من تحت البطارية و ليست بجانب الهاتف لكن فى ناس بتحب الكروت الذاكرة إللى تحت البطارية و فى ناس بتفضل إنها تكون بجانب الهاتف حتى يكون سهل إزالته
  هذه هى العيوب الكبرى
  العيوب الصغرى إللى بعض الناس كانوا يتمنوها فى الويف 2
  إن يكون الكاميرا لها غطاء حماية يفتح و يقفل
  
  شاشته كانت تكون زى تقنية شاشة الجهاز الويف 1 السوبر أموليد Super AMOLED بس مش هاتفرق لأن السوبر كلير برضه جيدة مثل شاشات LCD بس أضاءة أعلى و ألوان أفضل
  
  هذه هى عيوب الويف 2 كاملة كبرى و صغرى
  هو الحمد لله رب العالمين عيوبه مش كتييرة اوى و مش هاتفرق مع أى حد
  
  لكن الجالاكسى بقة فيه عيوب مش كبيرة أوى بس ديه مش هاتفرق كتيير لأن الجهاز نازل مقصود من الشركة المنتجة هى إللى عاوزة الجهاز دة كدة لكن العيوب إللى بيعبها المستخدم هى كالآتى :
  
  أولاً : صوته واطى شوية
  ثانياً : شاشته TFT مش تقنية أحدث من ذلك
  ثالثاً : تصوير الفيديو جودته سيئة لكن مع تحديث الجهاز عبر المستخدم يكون أفضل بس أصبح برضه عيب لأن الواحد هايشترى الجهاز بجودة الفيديو سيئة و بعدين يحدثها هوة
  رابعاً : لا يدعم تشغيل ملفات الفيديو بجودة عالية Divx و Xvid و MKV و AVI
  خامساً : لا يوجد به زر المختصر المخصص للكاميرا
  سادساً : لا يدعم برنامج تشغيل المقطوعات الموسيقية أو الفيديو عبر متصفح الأنترنت Adobe Flash Player و دة مهم جداً لكل مستخدم أنترنت عبر الجوال
  سابعاً : مكبر صوت الهاتف بظهر الهاتف أو من خلف الهاتف و دة يعتبر عيب بسيط فى الصوت لأن الجهاز لو على ظهره صوته هايتكتم
  
  بس كدة هى دى عيوب الجهازين لكن الجهازين جبارين و جيل جديد
  بس الأفضل من ناحية الإمكانيات و الشكل و الجهاز كاكل ماعدا البرامج هو الويف 2
  الجالاكسى يفوق الويف 2 فقط من ناحية نظام التشغيل أندرويد لأنه دعمه أكبر و برامجه متوافرة بشكل رهيب عن الويف 2
  أيضاً الويف 2 له برامج كثيرة بس أغلبها مالهاش لازمة و البرامج المهمة إللى كل الناس بتحتاجها مش موجودة كتير
  
  أهم حاجة تطمنى و مستريحة و حضرتك بتشترى الجهاز بأذن الله و طبعاً دة ان شاء الله هايكون من إختيارك بس قبل ما تشترى واحد من الجهازين دوول أدخلى على اليوتيوب و شوفى الجهاز دة و دة
  عشان تتأكدى و تثقى ف الجهاز إللى هاتشتريه بأذن الله
  أيضاً لو فى أى إستفسارات كلنا معكى أطمنى
  أسعدنى التفاعل معكى
  شكراً جزيلاً

---

• 2011-05-20 Sony Ericsson VIVAz

  أستاذ lomy يعنى أيه تصحيح رأي ؟
  أنا بقول تجربتى الشخصية لأن الجهاز دة كان معايا و بعته بعد شهر أنا مش هاضحك عليك و أقولك دة جميل و حلو أوى و أقولك أشتريه و بعدين تيجى تندم و تحس إنك هاتعيط إنك أشتريته زى ما أنا عملت بالظبط ساعت ما جبته
  والله أنا جبت الجهاز دة روحت البيت حاسيت إنى عاوز أعيط و أضرب نفسى من الحيطة إللى أنا لبست فيها يعنى معلش كنت هاتجنن
  إنت لو الجهاز عاجبك خلاص أشتريه طلام ما هو عجبك إنت شخصياً كل واحد و ذوقه بس أنا كنت فاكر إن الأعضاء إللى هنا بتاخد رأى تعليقات الأعضاء و بعدين تقرر تشترى أيه عشان ماتجبش حاجة و بعدين تندم عليها
  عموماً أنا آسف لو أى كلمة ضايقتك فى التعليق إللى حضرتك قرأته
  كلمتى الأخيرة لو عاوز جهاز للتصوير فقط يبقى الفيفاز و لو عاوز وسائل الترفيه الجبارة يبقى أوعى تفكر فى الجهاز دة
  الأختيار قدامك أنت حر
  بالنسبة للجهازين الفيفاز و الاكسبيريا X10 برو
  الأفضلية ترجع لل X10 Pro لأن الفيفاز نظامه قديم و كئيب و مفيهوش شئ يشدك و الاكسبيريا لسة جديد ونظامه أندرويد و له دعم كبير جداً و غير أن شكلة جميل و له كيبورد كاملة و أحتمال صوته أعلى بكتير من الفيفاز الله أعلم
  بس الفيفاز صوته واطى جداً حتى لو حطيت رنة صوتها عالى برضه صوته واطى جداً لأبعد ما يمكن
  لو فى أى إستفسارات أحنا كلنا معاك متقلقش بس ماتجيبش حاجة ترجع تندم عليها
  شكراً لك أخى العزيز

---

• 2011-05-19 Samsung S8530 Wave II

  أهلاً و سهلاً بيكى roseeee
  بالنسبة لإستفسارك للويف 2 و الجالاكسى Ace
  الويف 2 بيحمل شاشة من نوع جديد إسمه Super Cleat LCD
  و الجالاكسى Ace بيحمل شاشة قديمة من نوع TFT العادية زى إللى فى أى موبايل قديم
  
  الويف 2 من حيث البروسيسور ( المعالج ) بقوة 1 جيجا هيرتز و هذا يعتبر أقوى فى معالجة و تشغيل البيانات و يعتبر النظام سريع و مميز لمن يريد السرعة و الدقة
  و الجالاكسى المعالج بتاعه بقوة 800 ميجا هيرتز و هذه تعتبر جيدة جداً بس مش هاتكون فى مستوى ال 1 جيجا هيرتز بس هى جيدة أيضاً و ليست سيئة
  و الأتنين فيهم معالج ألعاب عالى و جيد جداً حيث يقوم بذلك معالجة الجرافيكس و الألعاب بسرعة و دقة و جرافيكس جيدة
  
  الأثنين قابلون الذاكرة الخارجية لحد أقصى 32 جيجابايت
  لكن الويف 2 به ذاكرة داخلية 2 جيجا بايت و الجالاكسى Ace به 158 ميجابايت
  و لم يأتى مع الويف 2 كارت ذاكرة إضافى فى علبة الهاتف
  لكن الجالاكسى يأتى معه كارت ذاكرة بسعة 2 جيجابايت
  
  الويف 2 صوته عالى و جيد
  ربما الجالاكسى Ace علمت و سمعت إن صوته واطى شوية
  
  الويف 2 يدعم تشغيل صيغ الفيديو العالية الجودة HD 720p
  لكن الجالاكسى Ace لا يدعم هذه الخاصية نظراً لقلة المعالج عن الحد الادنى 1 جيجا هيرتز حتى يقوم الجهاز معالجتها بسرعة و دقة و بدون تقطيع
  
  الويف 2 بيصور بخاصية HD 720p عالية الجودة و السرعة
  و الجالاكسى ace يصور بصيغة قديمة و رديئة الجودة لكن متوافر له تحديث لتحسين جودة أداء التصوير و صوت التصوير
  
  الويف 2 يحمل بلوتوث إصدار 3
  ربما الجالاكسى Ace يحمل إصدار بلوتوث 2.1
  إصدار 3 أسرع فى نقل البيانات من ال 2.1
  
  نظام التشغيل للويف 2 هو نظام جديد جداً ( Bada )
  و الجالاكسى نظام Android
  نظام ال Android أفضل من ال Bada فى الدعم و البرامج المتوافرة له بشكل عظيم جداً عن البادا
  لكن البادا أيضاً ليست سيئة و لكن عيبها قلة البرامج المرادة
  
  الأتنين يحملون شاشة إدخال باللمس من نوع سعوى Capacitive متعدد اللمس و هذه تعتمد على الأستاتيكا فى الأصبع و هو يستجيب بأصابع اليد فقط و لن يستجيب بقلم أو شئ حاد و هذه تعتبر أفضل من نوع شاشة اللمس المقاومة Resistive التى تعتمد أى شئ حاد أو قلم أو الأصبع لإدخال الأوامر للجهاز
  
  بشكل عام عن الجهازين الويف 2 أفضل من الجالاكسى Ace بقوة من ناحية الإمكانيات طبعاً و المتانة للويف 2 ووسائل الترفيه للويف 2 أولاً ثم الجالاكسى Ace ثانياً
  شاشة الويف 2 أفضل بكثير عن الجالاكسى
  إمكانيات الويف 2 أفضل من الجالاكسى Ace
  الجهاز كا كل أفضل من الجالاكسى Ace لكن الجالاكسى Ace يفوق الويف فى نظام التشغيل من ناحية الدعم الجبار و البرامج المتوافرة له بشكل جبار عن الويف 2
  أنا رأيي الشخصى لكى إشترى الويف 2 شاشتة أفضل و أمتع و إمكانيات جبارة و نظام أسرع وشكل أنيق و دعمه فى ملفات الفيديو أكتر لتشغيل الأفلام
  
  لكن لو حضرتك بتحبى البرامج و الألعاب و كدة يبقى الجالاكسى Ace
  
  أسعدنى مساعدتك و إذاً لديكى أى إستفسارات أخرى نحن هنا للمساعدة
  شكراً لكى و أتمنى لكى التوفيق و السعادة دائماً

---

• 2011-05-19 Samsung S8500 Wave

  أخى el3andalip
  
  هو الويف 1 مش موجود فى سيليكت موبايل ؟
  سيليكت موبايل دة توكيل معتمد و موثوق فيه بس الحقيقة أنا بقولك رأيي الناس بشكل عام و لكن أنا ماشتريتش حاجة منه قبل كدة لأنى أنا فى القاهرة و سيليكت موبايل فى الأسكندرية
  رأيي الناس بتقول على سيليكت إنه كويس أحسن شئ فيه إنه بضمان و أرخص من أى توكيل معتمد آخر
  بالنسبة للجهاز الويف 2 فهو زى الويف 1 بالظبط مفيش أى فرق غير الشاشة بتاعته السوبر أموليد
  و على فكرة السوبر كلير شبه السوبر أموليد بالظبط أنا معايا الويف 2 و مسكت الويف 1 لاقيت الفرق مش كبير شوية الفرق فى الويف 1 عن ال 2 إنه اسطع و ألوانه أكتر من الويف 2 و الأتنين ضوئهم تحت الشمس جيد جداً و ممكن تخلى شاشة الويف 2 زى ألوان الويف 1 زاهية و ساطعة زى الويف 1 عن طريق دخول شئ فى نظام الجهاز و تفعله من off ل on
  أنا كنت على فكرة هاجيب الويف 1 لكن الجهاز قدم عن الويف 2 و مالوش توكيلات معتمدة كتير و غير كدة أصلاً أنا مثلى مثلك مالقيتهوش فى أى توكيل و غير إن الويف 2 هو إللى موجود بنشرة عن الويف 1 بكتير و إحتمال على الصيف تكون دفعات الويف 1 كلها خيلصت بس إلحق نفسك و إن شاء الله هاتلاقى الويف 1 جديد و بضمان بس أهم حاجة ماتقعدش تتفرج
  بس من رأيي لو مالاقيتش ويف 1 هات الويف 2 أفضلك برضه عشان ماتقعدش تلف و تدور و الأتنين زى بعض برضه و والله مش هاتضحك عليك و أخليك تخش يمين فى شمال و تلاقى نفسك توهت والله الأتنين بيحملوه إمكانيات بعض
  و شوف برضه إللى يعجبك و يريحك إنت شخصياً و أشتريه

---

• 2011-05-08 Samsung i8910 Omnia HD

  الموبايل دة جميل جداً بصراحة و صوته عالى جداً عامل زى ال Dj
  بس إللى خلانى ما أشتريهوش إنه مش موجود فى السوق و نظام التشغيل بتاعه قديم و مش عاحبنى

---

• 2011-05-08 Apple iPhone 4

  الجهاز جميل جداً بس فيه عيوب كتيير و مجننانى العيوب ديه بصراحة
  
  فى ناس بيقولوا إن البلوتوث عشان أبعت حاجة لازم برنامج إسمه celeste
  من المفترض إن البلوتوث عشان يبعت يبقى شئ أساسى لو عاوز أبعت حاجة من غير أى برنامج
  
  صوته منخفض شوية بس حلو مش وحش
  
  بيتخدش من الظهر و من قدام مش بيتخدش و المفروض الأتنين معاً
  
  مفيهوش فتحة ذاكرة إضافية عشان نحط فيها كروت الذاكرة
  
  فتحة شريحة الخط من نوع Micro SIM اللى هى الشريحة الصغيرة ديه شغلانة كبيرة لازم تروح بالشريحة العادية إللى معاك على أقرب فروع فودافون أو فروع اتصالات عشان يقصلك الشريحة بماكينة مخصصة لذلك من الأكبر للأصغر و عشان تركبها تانى للأكبر لازم تجيب حاجة إسمها Micro SIM Adapter حاجة زى الشريحة الكبيرة بتحط فيها للشريحة الصغيرة عشان تكبرها تانى و تركبها فى أى موبايل عادى
  
  مفيهوش الدعم الكامل فى المالتميديا مش بيدعم تشغيل Divx و Xvid و أفلام ال MKV
  
  سعره غالى جداً بالنسبة لموبايل جهاز محمول يعنى مش ملاحظين الحتة ديه
  هاتتكلم فى موبايل ب 5500 جنيه
  هاتفتح multimedia ب 5500 جنيه
  هاتخش على النت ب 5500 جنيه
  طب ما نجيب أى جهاز يشبهلوه و أفضل كمان
  فيه مثلاً أجهزة بتنافسه بشدة زى جيل السامسونج ويف
  Wave S8500
  Wave II S8530
  Galaxy S i9000
  Galaxy II i9100
  كل الأجهزة ديه أحسن منه بمليون مرة ديه وجهة نظرى الشخصية و أكيد برضه وجهة نظر أى حد لأن فى ناس كتيير بتقول كدة
  و على حسب أذواق المستخدمين
  فى ناس بتفضل الأيفون عن السامسونج و فى ناس بتفضل السامسونج عن الأيفون من حيث الإستخدام و الشكل
  
  فى الحالة ديه ممكن ننصح بالسامسونج بدل الأيفون دة
  شكراً

---

• 2011-05-08 Samsung Galaxy 551

  الشاشات من حيث الترتيب :
  
  1- Super AMOLED Plus
  2-Super AMOLED
  3-Super Clear LCD
  4- LED-backlit LCD display
  
  هذه أفضل الشاشات فى العالم

---

• 2011-05-07 Sony Ericsson VIVAz

  الجهاز دة مانصحش بيه أبداً لكل واحد عاوز يشتريه
  الجهاز دة فى الصوت يعتبر أفل الأجهزة صوت كاجودة و علو و نفاء يعنى وائع على الآخر
  صوته ضعيف جداً
  
  طبعاً نظام التشغيل الغنى عن التعريف سمبيان و هو نظام قدم و مابقاش يعجب حد دلوقتى حتى مستخدمينه كرهوه لأنه كئيب و مفيهوش حاجة جديدة دة حتى وصلوا لنوكيا ان 8 و برضه زى ما هوة
  
  اللمس بتاعه سيئ جداً و يجيب للواحد جنان
  
  مالهوش برامج خالص و مفيهوش دعم من الشركة عشان البرامج و التحديثات
  
  الجهاز جسمه مصنوع من البلاستيك و جسم ناعم على الآخر و غير مريج تحس إنك ماسك صابونة عمالة تتزحلق ، حمل الجهاز غير مريح على الأيد
  
  مفيهوش كاميرا أمامية
  
  ولا فيه ذاكرة داخلية
  
  ولا فيه صوت ستريو ولا حتى أيكولايزر
  
  ولا فيه جهاز إستشعارى لضوء الفلاش الأوتوماتيكى
  
  مفيش غظاء على الكاميرا لحماية العدسة من الخدوش
  
  مدعم لتشغيل فيديو بصيغة RM و للآسف مش بيشغلها مش عارف ليه ممكن يكون عيب تصنيع
  
  المميزات :
  
  كاميرا 8 ميجا بيكسل قوية جداً
  تصوير ( High Definition ) بوضوح تام لغاية 720p ( Pixels ) 1280 x 720
  الضبط التلقائى للبؤرة ( تركيز الكاميرا على الأشياء الدقيقة مثل الوردة أو الميدالية أو أوراق الأشجار هذه كلها صغيرة و يمكن تصويرها بوضوح )
  
  شكله جيد و مناسب
  
  معالج بقوة 720 ميجاهيرتز
  
  مدمج معه كارت بطاقة ذاكرة بسعة 8 جيجا بايت و يمكن تغيبرها لحد أقصى 16 جيجا بايت
  
  له زرارين على الجانب الأيمن للجهاز أحدهم للتصوير الثابت و الثانى مخصص لتصوير الفيديو
  
  فيه wireless lan و (GPS ( Global Navigation System
  
  يعنى جهاز عادى خالص دون الوسط و يمكن تقييمه بجهاز مناسب للتصوير و غير مناسب للترفيه
  على فكرة الجهاز دة تحربتى الشخصية لأنه كان معايا و جبته من شهر نوفمبر السابق 2010 و إعترضت عليه بعد 5 أيام من شرائه و كنت عاوز أغيره إن شالله حتى بنوكيا القديم 3310
  بعت الجهاز الشهر إللى بعديه و الحمد لله بعدها إرتحت و رجعت لأصلى
  والله الجهاز دة كان مكرهنى فى كل الموبايلات و مكفرنى فى عيشتى
  قبل ما اشتريه كنت هاموت و أجيبوا مش عارف ليه و الظاهر إنى عملت حدثة وحشة أوى
  آسف لو كلامى ضايقكم بس ديه وجهة نظرى الشخصية فقط و ليست أى أفكار أخرى
  في غير الحهاز دة أحسن منه بملايين المراحل
  شكراً جزيلاً مع كامل إحترامى و بكل تحياتى

---

اعلانات المستعمل