Mema007

احدث المشاراكات

• 2015-12-27 (12:56:07AM) Samsung Galaxy Note 5

  السلام عليكم .. شكرا علي المقارنة الوافية دي .. انا كنت مقررة اشتري نوت 4 نظرا لعيوب ال 5 في نظري وهيا البطاريه الغير قابله للازاله وعدم امكانيه تركيب كارت ميموري ..
  لكن بعد هذه المقارنه فكرت في النوت 5 مممم بس مش عارفه حاسه ان المبلغ كبير انه يتدفع وبعدين يحجمني في حاجه زي العيبين دول اللي نفسي اعرف سامسونج حطتهم ليه ..
  الان بقي هل العيبين دول عادي ممكن الواحد يتغاضي عنهم خاصه البطاريه غير قابله للازاله يعني لو حصل مشكله ما ومحتاجه اشيل البطاريه واحطها زي ما بنعمل احيانا .. في الحاله دي مش هعرف وهضطر اروح للصيانه بتاعتهم او سوفت جديد مثلا ..
  ممكن اتغاضي عن العيبين دول واشتري النوت 5 والا بلاش واخليني في النوت 4؟

---

• 2012-03-28 (01:32:47AM) Samsung S5330 Wave533

  اللي حضرتك قلته في موبايلك عكس اللي عندي تقريبا..اولا البطاريه لو كملت يوم يبقي الحمدلله وخير وبركه ده لازم كل يوم بالليل يتشحن ومش بتاعي انا بس لا وبتاع صاحبتي كمان....ثانيا السينسور كان غبي جدا فتره وبعدها طنشته خالص...ثالثا البلوتوث بتاعه كذا مره ميرضاش ينقل حاجه من اي جهاز تاني ولا يستقبل مع ان نفس الحاجه اجرب انقلها بين موبايلين تانيين بتتنقل عادي
  الاهم بقي انه وهو بيشحن من اسبوعين كده جيت اشوفه لقيت الزراير مش شغاله يعني مفيش منيو وكمان مش راضي يشحن..وديته التوكيل في المنصوره ولسه جايباه النهارده من غير مايتصلح ليه لان الاستاذ قال ان البورده لقيوا عليها سائل يعني وقع في المياه طبعا هو لا وقع ولا حاجه واني افهمه ان الموبايل جايباهولهم شغال لحد ماقفل خالص ودول مافيش المهم قالي ده كده سوء استخدام وتغيير البورده ب 80% من تمن الجهاز يعني كأني بشتري جهاز جديد
  بصراحه انا كده فهمت انهم لقيوا المشكله غاليه فقالوا يدبسوها في العميل بحجه سوء الاستخدام وعشان كده انا هتصل بحمايه المستهلك بكره باذن الله وهبلغ عنهم ..
  يعني كفايه ان الواحد كان مستحمل مساوئ الموبايل عشان مميزاته والواي فاي اللي فيه
  بس توبه اني اشتري سامسونج تاني

---

• 2011-12-12 (11:19:35PM) Samsung S5330 Wave533

  السلام عليكم..ممكن لو حد عارف في الموبايل يقولي ازاي اشيل ابليكيشن مسطباه عالجهاز وتاني حاجه انا رست الجهاز بس لقيت كل حاجه زي ماهيا كل اللي عمله انه خلي خلفيه الشاشه بيضاء ومش عارفه اغيرها ولا حتي احط ثيمز.

---

• 2011-01-12 LG BL40 New Chocolate

  @MetaEb
  شكرا جزيلا علي الرد..لو فيه اي ملحوظات تانيه عن الموبايل حبيت تضيفها في اي وقت فاريت تفيدنا بيها ويبقي جزاك الله خيرا.

---

• 2011-01-11 LG BL40 New Chocolate

  
  @MetaEb
  شكرا علي الرد..بما انك استعملت الموبايل ممكن تقولي علي العيوب اللي لاحظتها فيه فعلا وكمان ياريت لو تقول اشتريته منين عشان مش لاقياه عندي خالص.

---

• 2011-01-10 LG BL40 New Chocolate

  السلام عليكم..ممكن اللي اشتري الموبايل ده يا جماعه يقولنا رأيه فيه ايه بالظبط وخصوصا تصوير الفيديو والبطاريه لاني قريت في الريفيوهات بتاعته ان دول اضعف حاجه فيه وعايزه اتاكد من الموضوع ده لاني ناويه اشتريه ان شاء الله.

---