بدور علي ايه؟ اكتب رقم موديل الموبايل الابدور عليه
amir
احدث المشاراكات
-
2010-12-27 Nokia N900
مش انا مطلع فيه القطط الفاطسه اهو
لما يتوفر معايا تمنه هشتريه لو لسه موجود ان شاء الله كجهاز تاني بجوار اللي معايا حاليا -
2010-12-26 Nokia N900
يا جماعه بعد اذنكو انا هقول كلمتين لوجه الله
انا اتخنقت من الفتاوي الغلط و الكتير في التعليقات
و بالنسبه لل nokia n 900
الجهاز في عيبين اتنين لا تالت لهم
البطاريه بتقعد فتره بسيطه خالص مع الاستخدام العنيف(ممكن نص يوم) و لو استخدام عاقل يبقي يوم واحد فقط
العيب التاني و الاخطر ان سوكت micro usb connector اللي بيستخدم في الشحن و نقل البيانات بيطلع من مكانه تماما من الجهاز بعد فتره من الاستخدام
حتي لو بتحسس علي السوكت ده, الناس جربو يبردو ودان سلك الميكرو يو اس بي للتغلب علي المشكله دي و برضو عاجلا او اجلا الموضوع ده بيحصل للاسف
و من مباديء ظهوره انك لما توصل الجهاز سواء للشحن او نقل البيانات تلاقيه مش بيستجيب و تقعد تحركه شويه
بعدها بفتره هتلاقي السوكت طالع ليك من الجهاز و مفصول عن البورده تماما
طبعا انا كنت مستني الاقي الجهاز ده في السوق لكن بعد ما عرفت الكلام ده قلت انصح الناس هنا خصوصا ان واضح اللي بيحب يفتي محدش بيقوله حاجه
و اتمني من اداره الموقع تبليغي بكيفيه حذف حسابي هنا لاني تعبت بجد من اللي بقراه كل ما حد في الموقع يحب يقول كلامو يكون كلام عاري من الصحه و لو دخلت اتكلم و ارد الاقي التشنج و التسفيه و التكذيب هم ردود افعال طبيعيه
و مصادري :
و في مواقع عديده اكدت الموضوع ده -
2010-12-12 Nokia E72
سئلت امبارح في كام محل لقيت ان سعره بالضمان 2300 جنيه و للاسف طبعا صيني
-
2010-12-12 Nokia N900
foxtort
يسعدني جدا اهتمامك بالاجابه علي الاسئله (و ان كنت اتمني انك تحاول تكتب عربي علشان انا و الفرانكو ده ملناش تقل علي بعض)
بس متشكر طبعا علي اهتمامك و انا فرحان طبعا ان ممكن نحمل الخرايط علي الجهاز و ساعتها ممكن نحدد موقعنا دون اللجوء للاستعانه بشبكه المحمول (نفس الاسلوب في ال e72 ) فكده تمام الحمد لله
اما بالنسبه لموضوع الاوفيس هل جربت open office بالنسبالي انا بستخدم اللينوكس بس مش محترف قوي لسه
فالبرامج مفتوحه المصدر مش غريبه عليا و انا كنت قريت مؤخرا للاسف ان في مشكله صعبه قوي في الجهاز
السوكت بتاعت الشاحن الميكرو يو اس بي بتتلخلخ مع الاستخدام العادي و بتخرج من مكانها بعد كده تماما
و دي طبعا مصيبه كبيره و الناس اللي عندهم المشكله اكتشفو ان السوكت ملزوق علي الاطار الداخلي و اديني بتابع اخر الاخبار
و للاسف نوكيا صرحت انها فعلا لقت المشكله دي في عدد من الاجهزه و لسه بتدرس المشكله
و الكلام ده بقاله فتره و لغايه النهارده اصحاب الموبيلات الخربانه لما بيروحو توكيلات نوكيا في بلادهم بيكون الرد ان الشركه الام لسه مفيش خبر منها بخصوص الموضوع ده
شيء في منتهي الاحباط طبعا و انا كنت واقف في المحل هاشتري امبارح بس قولت اخد مراجعه اخيره علي الجهاز اونلاين
ياتري ايه اخبار المشكله دي عند ولا ايه؟
انا لقيت الجهاز ب 2650 من غير ضمان و ب 3200 بالضمان
كده شكلي لو هاشتري هاشتري من غير ضمان مادامت نوكيا بتعامل الناس بره كده امال هيعملو ايه في بلدنا العزيزه؟!!
و لو اني قلقان ادفع مبلغ زي ده في جهاز الشركه رمت طوبه تحديثه و ان كنت واثق بخبرتي في اللينوكس ان مجتمع البرامج مفتوحه المصدر مش هيتهاون في تحديث الجهاز ده غير التطبيقات المختلفه و المتنوعه الموجوده حاليا
ياريت ترد علي اسئلتي و تديني نصيحه لوجه الله لو احسن اشتري ال e72 و خلاص لغايه ما نوكيا تعقل و تعمل حاجه حلوه
بس انا مستغرب اني لقيت ال e72 ب 2300 بالضمان مع ان بقاله فتره و المفروض سعره ينزل شويه و طبعا للاسف ال e72 المتاح صيني اما بالنسبه لل n900 فهو كوري
و سؤال كمان انت الفيرموير عندك 1.2 ولا 1.3 ؟
و اخبار تصفح المواقع العربي ايه و الكتابه باللغه العربيه ايه برضو؟ -
2010-12-12 Nokia 6700 slide
thunderofdew
انا مخدتش بالي انك بتطلب المساعده
مشكلتك زي ما هو واضح سوفتوير
لو معاك ضمان وديه التوكيل و هما هينزلو سوفت جديد و هيكون احدث و اثبت بكتير عن اللي معاك
===
لو مش معاك ضمان او بتحب الكومبيوتر و اللغه الانجليزيه عندك تمام يبقي قوم انت بالواجب من البيت و خلاص الموضوع مش صعب لو ليك في الحاجات دي -
2010-12-12 Nokia N900
انا لسه سائل علي الموبيل و الاسعار كالتالي
2650 من غير ضمان
3200 بالضمان
برجاء من اداره الموقع كخدمه اضافيه للاعضاء و كنوع من انواع الافاده للساده اصحاب المحلات المشتركين بالموقع, اضافه اسماء و عناوين المحلات و اسعارهم و تحديثها كلما دعت الحاجه
================
و بالنسبه للاعضاء من مالكي الجهاز ياريت الله يكرمكم تشاركونا شويه
انا عندي شويه اسئله
هل الجي بي اس لازم يستخدم الشبكه ولا ممكن انزل الخرايط بس و بعد كده الجي بي اس يبقي تحت تصرفي دون الحاجه لشبكه المحمول؟
اخبار البطاريه ايه بالظبط و هل ممكن تكمل يوم باستخدام متوسط من حيث الانترنت و مشاهده فيلم و حوالي ساعه من المكالمات؟
انا شفت بطاريه 2400 ميللي امبير للجهاز و بتيجي مع ضهر اكبر حجما من الاصلي و بتركب عادي بس بتخلي حجمه اكبر شويه حد يعرف عنها حاجه من حيث توافرها في سوقنا و سعرها؟
هل الكتابه علي الكيبورد سهله التعود لأن وضعيه زرار المسافه و ترتيب الزراير في 3 صفوف شيء مش سهل بالنسبه لواحد كان بيستخدم e72
ياتري هل توافرت برامج اوفيس للجهاز؟ -
2010-12-12 Nokia 6700 slide
moto
اتمني ان الصفحه دي تفضل مفيده للاعضاء و انا منهم و الزوار كمان
انا اتعودت لما اكون في مكان احاول اخليه احسن و لو مقدرتش فعلي الاقل لا اسيء ليه
انا مش عايز ادخل معاك في جدال و خلاف لا انت ولا اي حد, الموضوع اصلا مش مستاهل
انا كان معايا الموبيل و علي هذا الاساس اتكلمت
و لو الموضوع بوقت التحدث فخد بالك ان نوعيه الشبكه بتفرق مش قصدي طبعا موبينيل او فودافون ولا 2 جي ولا 3 جي كمان بس قوه الشبكه بتاعت شركه المحمول لأن استمرار البحث عن برج ارسال بيخلي الموبيل يفقد جزء كبير من طاقته
و بغض النظر عن اي حاجه
يا سيدي الفاضل كلامي خطأ يحتمل الصواب و كلامك صواب يحتمل الخطأ
و لو لسه كلامي مضايقك فياريت تقبل اسفي
اخوك امير -
2010-12-12 Nokia 6700 slide
moto
اتمني انك لما تحكم عن موبيل يكون حكمك موضوعي اكتر من كده مش بالعافيه هي ولا حاجه
عندك 2 من مالكي الجهاز و قالو رأئيهم -
2010-12-12 Nokia 6700 slide
اخيرا الحمد لله ظهر مالكي الموبيل
كلامك صح يا bero مظبوط بس انا مع المكالمات دي كنت بدخل علي النت مع شويه جي بي اس
بس اجمالا البطاريه بتاعه الموبيل تحفه و ياريت الاعضاء يتحرو الدقه و هما بيتكلمو عن اي جهاز هنا في الموقع لأن دي امانه و ناس كتير بتدفع فلوسها و تشتري علي حسب الكلام المكتوب فياريت بس نراعي ان كلامنا يكون علي حق
و شكرا للجميع -
2010-12-10 Nokia 6700 slide
رد علي تعليق moto
الموبيل قعد معايا حوالي شهرين اجمالي مكالمات صادره و وارده 56 ساعه يعني قدرت اجرب البطاريه كويس و من خلال تجربتي البطاريه بتاعت الموبيل في منتهي الروعه و بتقعد مع الاستهلاك في المكالمات يومين بالتمام و الكمال بس لو بتتكلم مكالمات عنيفه زي حالاتي فممكن تكفيك مستريح يوم كامل و متنساش ان متوسط استهلاكي كان حوالي ساعتين تقريبا كل يوم
انا شايفها كويسه و مش ضعيفه خالص و لو كانت البطاريه 1500 مللي امبير زي ال e 63-e71-e72 كان وضعها اختلف تماما و كانت دخلت في 3 ايام مستريح بس المهم انه في خلال اليوم و مع الاستخدام البطاريه بتسد كويس و انا كان معايا nokia 6500 slide قبل كده و احب اوضح ان مقاس البطاريه في الجهازين مع انه واحد الا ان استهلاك البطاريه في nokia 6700 slide ممتاز و متفوق جدا جدا عن ال 6500 slide -
2010-12-09 Nokia C6
يا جماعه الخير بعد اذنكو ممكن بالراحه شويه كده
اولا: احنا في موقع موبيلات و في صفحه موبيل معين يبقي نتكلم عليه فقط و مش لازم التفاخر و الاستعلاء علي الناس
ثانيا: عيب قوي لما الاعضاء اللي معاهم الموبيل مش مهتمين علي توضيح تجارب استخدام الموبيل بصوره واضحه و دقيقه
==================
بخصوص الموبيل ده
عائله ال نوكيا c دي من الفئات الاقتصاديه بمعني انهم بيجيبو تصميم سابق و يعيدو استخدامه مع حذف مكونات و خصائص لتقليل سعر الجهاز
و في حاله الموبيل ده مفيهوش عدسات كارل زييس مثلا و ده طبيعي شيء مفهوم
---------
لو هنقارن الموبيل ده تكون المقارنه مع ال nokia n97 mini & nokia n97
لأن ببساطه الموبيل ده نسخه منهم بالذات الميني
---------
انا شخصيا بقارن ما بينه و بين النوكيا n97 mini و لو ان مواقع التقييم شبه اجمعت انه بطيء و بيهنج لكن محدش جاب سيره الصوت الواطي (و اتمني من الاعضاء الافاضل عدم مقارنه الموبيلات الماركات بصفائح القمامه الصيني لأنهم بيحطو سماعات تجيب ضرر رهيب علي الاذن و الناس بتفرح بس بالصوت العالي علي حساب صحتهم)
-
2010-12-09 Nokia 6700 slide
طيب انا جيت اعمل تقرير مشاركه سيئه علشان اطلب حذفها لقيت ان مش متاح اكتب في التقرير
ارجو من اداره الموقع حذف تعليقي المخالف و شكرا -
2010-12-07 Samsung S8500 Wave
ياريت الناس اللي معاها الموبيل ده تقولنا عملو ايه بعد انتهاء فتره ال30 يوم المجانيه لبرنامج روت66
-
2010-12-06 Nokia 6700 slide
هند اسف مضطر اسئل سؤال شخصي
هو اختك اللي معاها الموبيل ******؟
لو فعلا كده يبقي انتي عرفتي انا مين بالظبط ياريت لو كده تقولي
العضو amir
نرجوا عدم استخدام خدمة التعليقات بشكل غير مناسب لقوانين الموقع
ادارة الموقع
-
2010-12-04 Nokia 1202
السلام عليكم و رحمه الله و بركاته
طبعا انا مبسوط جدا من الخدمه اللي بتقدموها للناس من خلال توفير اخر اسعار الموبيل و دي خدمه بيستفاد منها ناس كتير فشكرا ليكم
اما بخصوص العرض الخاص بالهدايا لمن يقدم افضل مساعده للزوار فدي فكره حلوه لكن مازال في الامكان القيام بتنفيذ خدمه اكثر احترافيه و علي مستوي عالي من الجوده بحيث انه يضمن للموقع انتشار اقوي و قوه في المحتوي
لو فعلا اداره الموقع هنا مهتمه بالكلام اللي بقوله اتمني ارسال نمره موبيل اقدر اخاطب بيها مسئولي الموقع بصفه شخصيه