بدور علي ايه؟ اكتب رقم موديل الموبايل الابدور عليه
MohamedSayedShoman
احدث المشاراكات
-
2018-04-13 (03:06:07PM) Xiaomi Redmi 5 Plus
جهاز محترم جداً
كنت قلقان عشان شاومي صيني وجديدة من الخامات وكفاءة الجهاز وتكون امكانيات عالية على الفاضي
أول ما مسكت الموبايل مابقتش مصدق جودة الخامة عالية جداً
امكانياته فعلاً عالية جداً بالنسبة لسعره فكمان كون ان خامته جيدة ومش بيحصل فيه تهنيج ولا بيسخن ده فوق الخيال بالنسبالي
الموبايل ده حمار شغل كفاءة البروسيسور والرام عالية جداً
الكاميرا متوسطة
شكله شيك أوي
بطاريته واو بصراحة 4000 يا جماعة
حجمه مثالي
وبردو المفاجأة إنه مش حجم وامكانيات على الفاضي لأ جودة الشاشة وكثافة البيكسل كمان محترمة
فمستحييييييييييييييييييييل تلاقي موبايل في الفئة السعرية دي بالإمكانيات المذهلة دي غير الأناقة وكفاءة التشغيل وجودة الخامات
انصح أي حد يشتريه ومش هيندم بإذن الله
بالمناسبة انا لقيت سعره رفع 200 جنيه مرة واحدة وبقى 3400 بعد ما كان 3200عشان السحب عليه جامد والحمد لله لحقت اشتريه من واحد صاحبي ب 3250
الموبايل معاه شاحن (لا يدعم الشحن السريع) رغم إن الموبايل فيه الخاصية دي
ومعاه جراب شيك
مش معاه هاند فري أو سكرين جارد