بدور علي ايه؟ اكتب رقم موديل الموبايل الابدور عليه
GentleMan22
احدث المشاراكات
-
2016-02-21 (04:19:17AM) Huawei Honor GR5
أختي الكريمة عشان نكون منطقيين الفئة السعرية اللي حضرتك بتتكلمي عنها وهي حد أقصي2500 جنيه صعب شوية تلاقي فيها موبايل بيتمتع بدقة عالية أووووي حسب وصف حضرتك حسب معلوماتي أعلي كاميرا حاليآ هي كاميرا سوني Z5 ودي بتصور صور بدقة 4k ودي أعلي تقنية توصلوا ليها حتي اللآن ولكن هذا الهاتف من الفئة السعرية العالية جدآ يفوق ضعف ميزانية حضرتك بأكثر من الضعف تقريبآ عامل 6000 جنيه فحضرتك ماعندكيش غير خيارين أما إن حضرتك تكملي علي المبلغ اللي مع حضرتك وطبعآ الفرق هيكون كبير وتشتري هاتف سوني Z5 أو إن حضرتك تسلمي بالأمر الواقع وتحاولي تدوري علي هاتف أداء الكاميرا فيه فوق المتوسط من موديلات السوني لأن أغلب الشركات زي سامسونج وهواوي بتعتمد في هواتفها علي كاميرات من تصميم شركة سوني لأنها من الشركات الرائدة في صناعة الكاميرات وفي أقتراح شخصي مني إنك تبدأي تفكري فى هاتف هواوي Mate 8 النسخة ال 32 جيجا وده سعره 420 حاليآ كاميرته سوني بدقة 16 ميجا بيكسل بفلاشين حار وبارد يارب أكون قدرت أفيدك علي قدر معلوماتي البسيطة
-
2016-02-20 (03:16:20AM) Huawei Honor 5X
الجهاز ده لسه مانزلش مصر وواضح إنه مش هينزل بس هو موجود بأسم تاني GR5 وسعره إنهارده 2050 وفى محلات تانية بتبيعه ب 2100 طبعآ أنا بتكلم عن سعر هواوي GR5
-
2016-02-18 (10:08:37PM) Huawei Mate 8
ربنا يكرمك أخي Melshafei75 ومبروك عليك الموبايل ربنا يباركلك فيه يارب شكرآ لذوقك
-
2016-02-18 (10:05:39PM) Huawei Mate 8
ما أعتقدش فى ظل صعود الدولار بشكل غير طبيعي إن سعره هينخفض بالعكس من المتوقع أرتفاع سعره علي الأقل حتي يستقر سعر الدولار
-
2016-02-17 (08:45:20PM) Huawei Mate 8
لو لسه ما أشترتيش هاتي mate 8 وأنتي مغمضة هاتف أسطورة صدقيني مش هتندمي نهائيآ
-
2016-02-16 (10:06:41PM) Huawei Mate 8
لو لسه ما أشترتش هات mate 8 وأنت مغمض هاتف أسطورة صدقني مش هتندم
-
2016-02-16 (10:02:40PM) Huawei Mate 8
بصراحة ياجماعة mate 8 من وجهة نظري المتواضعة أقوي جهاز حاليآ بلا منافس أو منازع يتفوق علي النوت 5 وعلي السوني زد 5 بريميم في حاجات كتير جدآ وده مش كلامي لوحدي ده رأي أتفق عليه جميع خبراء التقنية في مجال المحمول حول العالم وشاهدت بنفسي مقارنات بين الميت 8 والنوت5 والسوني زد بريميم وتفوق عليهم الميت 8 فعليآ
-
2016-02-16 (09:58:31PM) Huawei Mate 8
أولآ الحمدلله والشكر لله ربنا وفقني إمبارح وأشتريت Mate 8 باللون اللي تعبت عقبال مالاقيته Space Gray
النسخة ال 32 جيجا مبدئيآ ياجماعة الموبايل ده أسطورة بجد هواوي أبدعت بمعني الكلمة في تصميم هذا الموبايل حقيقي خرافة من أول التصميم وخامات التصنيع والإمكانيات سريع بسرعة الصاروخ مفيش تهنيج تمامآ صوت نقي جدآ وعالي جدآ جدآ جدآ وكأنك معاك ستريو صوت بجد هاتف خرافي كنت بتابع ريفيوهات هذا الموبايل وحديث خبراء التقنية عنه ومتشوق ليوم نزوله الأسواق وبصراحة تعبت لغاية مالاقيت اللون اللي أنا بحبه عشان لون راقي جدآ جدآ بالرغم من إن الذهبي منه متوافر بس أنا بصراحة بحس إنه لون وحش مش عارف الناس هتتجن عليه علي إيه علي كل حال أنا لسه في خالة أختبار للهاتف لو حد محتاج أي أستفسار ممكن أفيده فيه يتواصل معايا علي الرقم ده وأنا تحت أمركم 01111190720 وأخيرآ ياجماعة الهاتف بطاريت قوي لأبعد ممكن حد يتصور وكمان أصدار المارشيميلو اللي نازل به الموبايل ده في خاصية أسمها Dos بتعمل علي خفض معدل أستهلاك البطارية والمحافظة علي نسبة الشحن الموجودة بالهاتف بصراحة أنا منبهر بالموبايل ده حاجه تفوق الوصف بالرغم من إني كنت ماسك هواوي G7 إلا إني حسيت برضه بفرق رهيب فى الإمكانيات وأنا تحت أمركم فى أي أستفسار