بدور علي ايه؟ اكتب رقم موديل الموبايل الابدور عليه
legend91
احدث المشاراكات
-
2015-06-01 (02:18:16AM) Huawei Honor 3X G750
اوعى تتعامل مع شركه #هواوى او مركز صيانه #دلتا
انا اشتريت موبايل هواوى G750 بتاريخ 11-12-2014
وبعدها بشهر اكتشفت ان كل لما الموبايل يسخن سماعه (Speaker) و (earpiece) بتوش
وديت الموبايل لمركز صيانه دلتا والموبايل فضل معاهم 15 يوم وبعدها لما روحت استلمته قالولى غيرنالك ال (back cover )
بعدها بـ اسبوعين اكتشفت نفس العيب تانى بس بحكم ظروف شغلى معرفتش اودى الموبايل على طول وأول لما فضيت وديت الموبايل وطلبت اقابل رئيس الفرع وحكتله ان دى تانى مره وقالى ههتم بالموضوع
وفى نفس الوقت اتصلت بـ (Huawei Device Egypt ) وعملت شكوى وطلبوا منى رقم الايصال عشان يبعتوا فنى من الشركه يشوف الموبايل
بعدها ب 15 يوم اتصلت اسأل الموبايل خلص ولا لأ قالولى خلص يافندم وغيرنا البطاريه فروحت استلم استلمت قالولى غيرنا الـ (Mother board )بتاعه الموبايل فأزاى تتغير من غير مايقولولى المهم قلت ماشى اهم حاجه يشتغل
المهم روحت وجيت اشحن الموبايل لقيت الموبايل مش راضى يشحن عشان هما بوظوا الـ (socket charger ) وكل لما اوصله بالشاحن بيلمس
قمت بعت شكوى من خلال موقع هواوى واتصلت تانى بـ (Huawei Device Egypt ) وعملت الشكولى بعدها على طول عشان ميقولوش انه سوء استخدام وقعدوا يعتذروا وقالولى من حقك مادام الموبايل دخل مرتين بنفس العطل انه يتبدل بواحد جديد وكلمت مسئول الصيانه هناك اسمه (احمد نبيل) وقالى حضرتك تودى الموبايل تانى لدلتا عشان نعاين الموبايل ونعمل شكوى للاداره مع العلم انى كنت عملت شكوى اول لما اكتشفت ان الـ (socket charger ) بايظ ومحدش رد لحد دلوقتى.
المهم وديت الموبايل النهارده بتاريخ 28-5-2015 وقابلت مدير خدمه العملاء (وائل علام) واللى اكتشفت مش انه مدير الفرع طلع مدير خدمه العملاء وبيقولى مفيش تبديل موبايلات احنا هنا صيانه بس ملناش دعوه عايز تبدل الموبايل بواحد جديد خلى هواوى هى اللى تقولنا.
قلتله انتم بوظتوا الموبايل قالى احنا مبوظناش حاجه عايز تسب الموبايل نصلحه سيبه لو مش عايز خليه معاك لحد ما هواوى ترد عليك.
وانا ماشى واحد من الفرع قالى خد اجراءاتك كلها ياباشا وعلى فكره مفيش حد بيجى من هواوى ومفيش حد بيسأل على الموبايل و هواوى اخرها بس بتأكدلنا اذا كان الموبايل داخل الضمان او ل وهما مش هيبدلولوك الموبايل لانه كده هيبقى خساره ليهم
انا هاخد اجراءاتى وهعمل بلاغ فى حمايه المستهلك وجهاز الاتصالات وهعمل بلاغ فى القسم
حابب احذركم مادام شركه هواوى مش بتحترم عملائها وبتتعامل مع مراكز صيانه (بئر سلم) يبقى يستحسن ماتتعملوش معاهم نهائى -
2015-02-17 (10:50:49PM) Huawei Honor 3X G750
ال g750 معايا بقاله شهر ونص وهو كأدائ كويس بس فيه مشكله حصلت معايا فى السماعات بتاعته ووديته الضمان وغيروها والمشكله لسه موجوده فهرجعه تانى
المهم انا انصح حضرتك ب G7 Huawei برضه خامات الموبايل احسن واداء زى G750 ويمكن افضل عشان هو snapdragon -
2015-01-25 (08:36:24PM) Huawei Honor 3X G750
نا جبت الموبايل من اقل من شهر وكان شغال تمام مفيهوش اى مشكله بس للاسف الموبايل فى الضمان دلوقتى عشان لما الموبايل بيسخن بيقى فى صوت خروشه فى السماعه الخارجيه ولما بلبس ال handset بسمع الخروشه برضه
مش عارف ايه السبب وكنت ناوى اتغاضى عن المشكله بس خفت يكون ليها ضرر سلبى على الجهاز بعد كده -
2014-12-26 (03:21:58PM) Huawei Honor 3X G750
انا الحمدلله اشتريت الموبايل من اكتر من 15 يوم
الموبايل الحمدلله امكانياته مناسبه تماما ويمكن اكتر شويه من اللى محتاجه ومكنتش متوقع كده
ال interface بتاع الموبايل جميل وسلس جدا
الشاشه الوانها ممتازه ومش حاسس فيها حاجه
الكاميرا اقل ما يقال عنها انها تحفه الخلفيه والاماميه وبشاهده ناس اصحابى استخدموها كمان
الموبايل سريع كمان رغم انى لم اختبره فى العاب تقيله ومنزلتش عليه حاجات كتير بس مهنجش معايا من ساعه لما جبته عير مره واحده واضطريت اشيل البطاريه واركبها
كمان بالنسبه لمشكله الصوت اللى الناس بتتكلم عليها احب اقول بس ان الصوت عالى جدااااااا يا جماعه واحيانا بوطى الصوت عشان لو حد جنبى ميسمعش الطرف التانى
الموبايل جاى معاه تطبيقات google كلها وعليه phone manager اللى فيه power saving & Clean storage ودى حاجه جميله اوى
اخيرا احب اقول هواوى هتاخد مكان عالى اوى فى السوق الفتره الجايه -
2014-12-15 (04:49:04AM) Huawei Honor 3X G750
الكاميرا هنجت معايا مره واديتنى شاشه لونها اخضر واضطريت اشيل البطاريه مره قبل كده
انا لسه جايب الموبايل من 3 ايام -
2014-12-02 (12:04:48AM) Samsung GALAXY SIII Neo+ I9300I
انا لما قارنت بينهم لينوفو اقوى فى الرامات عشان 2G بس المساحه الداخليه 16 زى بعض
هو فعلا الفرق فى ميدياتيك
بس لينوفو اكبر شاشه وشوفتله كذا فيديو بس خايف من نقطه الدعم بتاعه وموضوع الضمان
تنصحنى بأيه فى حدود 2500 ؟؟ -
2014-11-30 (01:52:41AM) Lenovo S860
ال 16 كافيه بالنسبالى
بس هو الجهاز معاك بقاله قد ايه ؟
وفى اى مشاكل بتواجهك؟
ومعلش اخر سؤال هو ضمان الموبايل ايه ؟ -
2014-11-24 (02:57:57AM) Samsung GALAXY SIII Neo+ I9300I
محتار بجد اجيب انهى موبايل
انا خايف من لينوفو لانه مش مع حد وخايف اجيب واندم
انا اتفرحت على فيديوها للينوفو فى GsmArena هو كويس بس انا خايف من موضوع الضمان هنا ومفيش اكسسوارات
بس كأداء هل لينوفو يعتمد عليه ولا الفرق بينه وبين S3 NEO مش كبير واخلينى فى Samsung ?? -
2014-11-24 (02:38:20AM) Lenovo S860
بصراحه مش مطمن ل lenovo معرفش حد جابه فمش عارف يستحق المجازفه ولا اجيب Galaxy s3 neo أضمن ؟
محتـــــــــــاج افادتكم -
2014-11-24 (02:33:36AM) Huawei Honor 3X G750
انا اتصلت بكذا محل وكل لما اسأل يقولى لأ مفيش 16
وانا بصراحه مش عايز اجيب كارت ميمورى مع ان فى ناس متخصصين نصحونى اجيب San Disk Class 10 من الانواع النضيفه بس انا عايز الذاكره الداخليه 16 عشان اريح واضمن فى المستقبل
ده غير انى مش مطمن ل Lenovo -
2014-11-23 (03:37:46AM) Huawei Honor 3X G750
لو سمحت كنت عايز اعرف اجيب النسخه 16G منين ؟
ولو موبايل حضرتك 8G جايبله كارت ميمورى؟
وهل الكارت متقل الموبايل ؟ -
2014-11-23 (03:33:50AM) Huawei Honor 3X G750
لو سمحت انا كنت عايز اعرف فى النسخه 16G فى مصر ؟ ولو موجود بيتباع فين؟
وهل كارت الميمورى بيعمل مشاكل مع الجهاز وبيتقله ؟
لان فى ناس نصحتنى وقالتلى لو هتنزل APPS كتير اشترى حاجه تكون 16G
لان لو مفيش 16 هجيب lenovo s860
Huawei G750