بدور علي ايه؟ اكتب رقم موديل الموبايل الابدور عليه
Amrmoh
احدث المشاراكات
-
2015-01-28 (03:21:32PM) Nokia Lumia 730 Dual SIM
انا الجهاز معايا بقالو حوالي شهرين, من مميزاته:
شاشته AMOLED + ميزة ال ClearBlack Display من نوكيا, الميزتين دول مع بعض مخليين الشاشة ألوانها طبيعية جدا و الأسود فيها أحسن من أي شاشة تانية
الكاميرا جودتها فوق متوسطة و سريعة في التقاط الصور, و تقدر تلقط صور HDR بس عن طريق تحديث لبرنامج Lumia Camera و للأسف لسه منزلش التحديث لحد دلوقتي و شكله هينزل مع Windows 10, و طبعا الكاميرا الامامية جودتها جيد لو انت ليك في ال Selfie و الحوارات دي
البطارية بتقعد معايا يومين استخدام متوسط (مع تشغيل ال Battery Saver)
أداء الجهاز سريع و سلس و مهنجش معايا لحد دلوقتي بس لو أنت مشغل ال Battery Saver هيظهرلك ساعات "...Resuming" لما تقلب بين ال Apps
الانترنت سرعته جيدة جدا سواء WiFi أو 3G و لقط الشبكة ممتاز بس ساعات لما الشبكة تفصل بياخد كام دقيقة عشان ترجع تاني.
صوت السماعة الخارجية فوق المتوسط في العلو و الجودة, و بالنسبة لجودة الصوت عن طريق ال Headphones فهي ممتازة بس طبعا مع استخدام سماعة محترمة غير اللي بتيجي مع الجهاز و شوية ظبط لل Equalizer
أما بالنسبة للعيوب:
الجهاز كميته قليلة جدا في السوق و مفيش ليه أي نوع من الاكسسوارات في أي محل (نزلت و سألتله على جراب و سكرينة في عبد العزيز و الدقي و و سط البلد و مكرم عبيد و الجيزة و حتى عند التوكيل "راية" مفيش) فانت يا اما تعيش بيه كده أو تطلبله جراب من بره.
مع تشغيل الألعاب لمدة أكثر من نص ساعة ضهر الجهاز بيبتدي يسخن بس بسيط
نادرا جدا الشاشة بيحصل فيها Flikcering يعني الاضاءة بتزيد لجزء من الثانية و بترجع تاني طبيعية, المشكلة دي مش في الجهاز ده بس, كل مستخدمي اللوميا بيقولوا عندهم المشكلة دي و يقال أنها من السوفت وير و مش عيب Hardware.
برامج الويندوز فون عددها في ازدياد بس مش كل البرامج اللي بتستخدمها في الأندرويد موجودة, ده ممكن يتغير لما الويندوز الجديد ينزل. -
2015-01-28 (08:03:11AM) Nokia Lumia 730 Dual SIM
انزل شوية في التعليقات هتلاقي فيه شرح و تقييمات للجهاز, و مايكروسوفت اكدت انه من ضمن الأجهزة اللي هيوصلها تحديث Windows 10
-
2014-12-24 (10:24:04AM) Nokia Lumia 730 Dual SIM
المفروض لما تحط شريحة الجهاز لوحده بيظبط مع اعدادات الشبكة, انترنت اتصالات شغال معايا عادي مع الجهاز.
و فعلا الجهاز مختفي من السوق, بس أنا لما جبته من راية مأخدتش عرض السماعة ده!
و بالنسبة للاكسسوارت ففعلا مش موجوده فاللأسف اضطرريت اطلبله جراب من أمازون. -
2014-12-04 (07:06:56PM) Nokia Lumia 730 Dual SIM
الجهاز لما كان موجود في راية كان ب 2099 و العلبة فيها شاحن و سماعة بس و مفيش وصلة USB و ممعهوش غير ظهر واحد
-
2014-11-28 (11:21:03PM) Nokia Lumia 730 Dual SIM
لو في حد لقى للجهاز ده جراب Flip أو سيليكون أو أي نوع ياريت يقوللنا جاب منين عشان مفيش في أي حته
-
2014-11-14 (08:38:19PM) Nokia Lumia 730 Dual SIM
أنصح اللي بيفكروا يجيبوا الجهاز يستنوا أسبوع أو اتنين على ما ينزل ليه جراب لأن مش موجود ليه دلوقتي في أي مكان (و لا في عبد العزيز) و للأسف الجهاز اللي معايا ابتدى ال Back Cover تظهر عليه خربشات بسيطة بعد أسبوع من استخدامه. بس بغض النظر عن كده الجهاز كويس قوي.
النظام: أنا محول من Android ل Windows Phone و لحد دلوقتي شايف أنه نظام ناضج يقدر يستبدل ال Android و بالنسبة لمشكلة ال Apps فانا كل البرامج اللي بستخدمها لقيتها موجودة في ال Store.
الأداء: في رأيي أسرع من ال Android و و اجهته سريعة و مشكلة ال Resuming مبتحصلش. جربت عليه Temple Run 2 و شغالة بدون مشاكل.
الشاشة: انا صراحة مجربتش أي تليفون كان فيه شاشة OLED قبل كده, بس ألوانها جميلة و خاصة الأسود طبيعي جدا عشان ال ClearBlack Tech.
البطارية: قعدت معايا 2.5 يوم استخدام انترنت و مكالمات بسيط/متوسط مع تشغيل app ال Battery Saver (مع العلم بس أنه ساعات تشغيل ال Battery Saver ممكن يخللي برامج تقفل لوحدها و أنت شغال عليها بس نادر جدا لما بتحصل)
الشبكة و الواي فاي: الشبكة جيدة جدا و الواي فاي بيلقط بسرعة و قوي لدرجة أنه في معظم الأوقات لو فيه Laptop جنبه بيخلليه يفصل عن الراوتر.
الكاميرا: أكتر حاجة لاحظتها في الكاميرا سرعتها في التصوير, صورها أكتر من جيدة بس لما تاخد صورة في الكاميرا الأمامية بتطلع معكوسة زي المراية و فيه مستخدمين آخرين للجهاز لاحظوا الموضوع و يقال أنها مشكلة في ال Camera App و مش مشكلة في الجهاز نفسه.
الصوت: كالعادة السماعات المرفقة مش بجودة عالية بس مع سماعة نضيفة و شوية ظبط لل Equalizer صوته بيبقى نقي جدااا, مجربتش السماعة الخارجية في الموسيقى بس لما تيجي مكالمة بتبقى مسموعة, ده غير أن الصوت في المكالمة عميق و واضح أكتر من معظم الأجهزة اللي اللي جربتها.
فيه ميزات تانية لسه مجربتهاش زي NFC بس عامة الجهاز ككل خطوة جديدة من نوكيا/مايكروسوفت لأن معظم الأجهزة اللي نزلت قبل كدة كانت اما مواصفاتها بسيطة أو مواصفات عالية بس سعرها مرتفع (باستثناء ال 625 و ال 1320) بس بالنسبة لل 730 عملوا توازن بين السعر و المواصفات و ده اللي كنت مستنيه من نوكيا عشان أحول ل Windows Phone -
2014-11-10 (06:37:22PM) Nokia Lumia 730 Dual SIM
الجهاز نزل في راية ب 2099 جنيه, و معايا بقالوا 3 أيام و مقابلتنيش مشكلة فيه لحد دلوقتي
-
2014-11-04 (08:44:58PM) Nokia Lumia 730 Dual SIM
ياريت لو في حد اشتراه يقول جابه منين لأنه منزلش راية ولا i2 و خلص من محل العفاريت اللي في الجيزة.