بدور علي ايه؟ اكتب رقم موديل الموبايل الابدور عليه
freeman11
احدث المشاراكات
-
2014-10-15 (03:00:08AM) Alcatel One Touch Hero
السلام عليكم، لو سمحتم يا جماعة انا كنت عايز اشتري الجهاز ده مستعمل في اسكندرية، الاقيه فين؟ وشكراً
-
2014-10-11 (06:08:11PM) Huawei Ascend P6
domiat حضرتك سهل جداً حتدخل على موقع اسمه huawei news لو عملت بحث على جوجل حتلاقيه ان شاء الله، حتلاقي نسخ الكيت كات كلها عليه، كل اللي حتعمله حتنفذ اللي هو كاتبه، اللي غالباً بيكون انك تنزل ملف الابديت اللي بيبقى اسمه Update.app وتحطه على ميمورد كارد ميقلش عن 2 جيجا في فولدر اسمه dload وبعدين تدخل على الاعدادات وبعدين التحديث وبعد كده تعمل local update، وهو حيتعرف على الملف وحيبدأ في تسطيب النسخة وبعد ما يخلص اعمل factory reset ومبارك عليك الكيت كات.
بس خلي بالك لازم تبقى عارف النسخة اللي على الجهاز رقمها كام عشان تمشي الخطوات صح، وبرضه لازم تبقى عارف اذا كان جهاز النسخة الانترناشيونال ولا النسخة الصيني، لو جهاز حضرتك P6-U06 دي تبقى النسخة العالمية، اما لو كانت P6-U00 تبقى النسخة الصيني.
هو أحدث نسخة نزلت وبصراحة هي مستقرة ورائعة جداً هي ال B513، وبالتوفيق ان شاء الله. -
2014-10-11 (05:59:36PM) Huawei Ascend P6
merobig مش محتاجة حيادية الجهازين مختلفين تماماً تقريباً في كل حاجة ماعدا الرامات، طبعاً ال 3x أفضل في المواصفات الا إن ال P6 بيتميز عنه في نحافته الرهيبة وشاشته عليها حماية جوريلا جلاس وكمان ان بينزله كيت كات، وال 3x نزله كيت كات للنسخة الصيني بس.
-
2014-10-11 (05:52:59PM) LG G2
السلام عليكم، يا جماعة عايز اشتري LG G2 من اسكندرية بس يكون مستعمل ألاقيه فين بسعر كويس؟ جزاكم الله خير.
-
2014-10-05 (10:26:06PM) Huawei Ascend P6
أرفع جهاز في العالم لحد دلوقتي يا جماعة سمكه بالظبط 6.18 مم، الجهاز بقاله معايا أكتر من 8 شهور وكان معايا قبله الS4 وجربت من ال S4 النسخة الثري جي والفور جي، والاتنين مكملوش معايا أسبوعين بسبب السخونة واستهلاك البطارية، وبعده جبت الهواوي ال P6، ما شاء الله أكتر جهاز قعد معايا واقتنعت بيه بعد النوت 2.
أنصح اللي مجربش الجهاز ده يجربه وبجد مش حيندم ان شاء الله وخاصة مع الكيت كات، الجهاز شيك جداً وقيم جداً، وأي استفسار عنه أو عن التحديثات بتاعته أنا موجود ان شاء الله. -
2014-10-05 (10:17:27PM) Huawei Ascend P6
حضرتك بالتأكيد تقصد الهواوي ال G6 مش ال P6.
-
2014-10-05 (10:15:40PM) Huawei Ascend P6
السلام عليكم، الحقيقة أنا الجهاز بقاله معايا أكتر من 8 شهور وما شاء الله عليه زي الفل، كان فيه فعلاً مشاكل من فترة طويلة بس اتعالجت في التحديثات اللي نزلت، وحالياً جهازي عليه الكيت كات وفعلاً فرق كتير على الجهاز خاصة في شكل ال UI بالإضافة لأداء الأجهاز ككل.