بدور علي ايه؟ اكتب رقم موديل الموبايل الابدور عليه
YahyaFathy
احدث المشاراكات
-
2014-09-03 (09:05:47PM) Sony Xperia M2 dual
نزل امبارح في محل الجندي في شارع الهرم أمام فندق أوروبا ب 2100 جنيه...
-
2014-09-03 (09:03:39PM) Sony Xperia M2 dual
يا جماعة، الموبايل نزل السوق. امبارح اشتريته من محل "الجندي" في شارع الهرم أمام فندق أوروبا بـ 2100 جنيه...
-
2014-08-27 (10:36:37AM) Sony Xperia M2 dual
يبدو يا باشا إن المقارنة دي بين Aqua و M2 مش M2 Dual لأن مكتوب إن الـ M2 فيها شريحة واحدة بس. إنما لو كان الفرق الوحيد بين Aqua و M2 Dual هو إن الأكوا ضد الماء والغبار فقط، يبقى هضطر حاليا أجيب M2 Dual، لأني مش جايب التليفون عشان أعوم بيه. أهم شيء عندي السرعة والأداء الكويس بدون تهنيج، وأنا شايف إن الإم تو تصلح للاستخدام ده. ثم إن ميعاد طرح الأكوا في السوق بعيد أوي على حد كلامك... فعلى بركة الله نشوف M2 Dual. :)
-
2014-08-21 (11:55:03AM) Samsung Galaxy S Advance I9070
ما هو ده الرابط اللي كنت نزلت من عليه الـ Gapps واخترت الميكرو فعلا، ولما جيت أشغلها كانت تظهر رسالة خطأ وإخفاق العملية "failed" بعدها. وبعدين صفحة التحميل دي فيها رغي كتير ومش مفهوم. بالمناسبة الكيت كات عندي 4.4.4. أنا خايف بس تكون المشكلة إن الملفات دي تنفع للي لسه على الجيلي بين وهيتحول إلى الكيت كات، إنما اللي على الكيت كات حاليا، فهل يا ترى تنفع نفس الملفات ولا ليها وضع آخر؟ أنا بصراحة زهقت من كتر ريبوت الجهاز. هجرب المرة دي نسخة Mini وأقولكم بالنتيجة. شكرًا شباب! (y)
-
2014-08-18 (05:33:45PM) Samsung Galaxy S Advance I9070
شكرا يا باشا على اقتراح الحل. بس الحل البسيط ده بيكون فعلا هو الحل مع مشاكل عارضة وكتير بنستخدمه، وأنا جربته قبل كده منفعش. بس المشكلة عندي في إن سورس الملفات نفسها مش متطابقة مع بعض من حيث الإصدارات. المهم أنا هجرب أنزل الملفات كلها تاني وأعمل الريبورت من جديد، ولو منفعش يبقى إن شاء الله هنتوكل على الله ونستنى Sony Xperia M2 لما تنزل وخلاص!
-
2014-08-18 (03:29:30PM) Samsung Galaxy S Advance I9070
للعلم يا كبير! أنا بعدها فعلا كنت نزلت ملف الجوجل آبس gapps من نفس المكان، ولما جيت أعمل خطوات الريبوت كانت بتحصل مشكلة في نقطة معينة والعملية لا تكتمل. بس أنا دلوقتي هنزل الملفات التلاتة كلهم من جديد وهحاول أعمل الريبوت من تاني، والله المستعان. وهبقى أبلغك بالنتيجة بإذن الله.
وده رابط الفيديو اللي فيه شرح العملية.
-
2014-08-18 (10:07:20AM) Samsung Galaxy S Advance I9070
نزلته فعلا برنامج Gapps Manager بس لما بتظهر لي قائمة الإصدارات وأختار منها، تظهر رسالة منبثقة على الشاشة بإن التحميل بدأ فعلا، بس بعدها بيتوقف التحميل. ولما بفتح الإشعارات المنسدلة من فوق، بيقول إن عملية التحميل لم تنجح (Download unsuccessful) :/
-
2014-08-17 (01:24:25PM) Samsung Galaxy S Advance I9070
كيفكم شباب!
عندي مشكلة: وهي إن شوفت فيديو بيشرح كيفية التحويل من نظام جيلي بين 4.2 إلى الكيت كات 4.4، وكان في 3 ملفات مضغوطة المفروض إني أحملهم عشان عملية التحويل: وهي ملف للأبديت، وملف لـ CM11 وملف لجوجل أبس gapps. ولكني حملت أول اتنين من نفس المكان، إنما ملف الجوجل آبس حملته من مكان آخر، ويبدو إن إصداره كان مختلف عن ملف الروم. ولذلك لما تمت عميلة التحويل إلى كيت كات، لقيت إن جوجل بلاي مش بيشتغل، وكل شوية تظهر رسالة إن الجوجل بلاي تم إيقافه. بعدها حاولت تنزيل ملف الجوجل آبس من نفس المكان، وفعلا نزل، بس لما جيت أعمل العملية تاني مكنتش بتكتمل ... المهم إني حاليا استغنيت عن الجوجل بلاي، ببرنامج إسمه Blackmart بنزل من عليه بعض التطبيقات، ولكن برضو في تطبيقات لازم تنزل من الجوجل بلاي، ومش عارف أسجل الجيميل بتاعي.
فهل يا ترى في حل عندكم؟
شكرًا سلفًا! :)