بدور علي ايه؟ اكتب رقم موديل الموبايل الابدور عليه
monynabil
احدث المشاراكات
-
2015-08-13 (03:57:45PM) Samsung Galaxy E7
الموبيل معايا من شهر 2 لحد دلوقتى مظهرش في ولا عيب مع العلم انى 24 ساعه مسكاه واي فاي ونت طول اليوم ومش بيسخن الحمد لله بالنسبه للشحن بشحنو مره واحده بس فى اليوم ولو مستعملتهوش نت ممكن يفضل معايا يومين وكام ساعه كمان بس لما تيجي تشحنو حطه على الشاحن متشيلهوش غير لما يوصل ل 100% وبعد ما يتشحن كامل سيبه فى الشاحن نص ساعه كمان البطاريه مش هتنقص غير بطئ اوي يعنى 1% كل ربع ساعه مثلا ده لو بتستعمل الموبيل انمالو مش بتستخدمه هيفضل زي ما هو 100% لحد ما تستخدمه بجد موبيل ممتاز جداااااا انصحك بيه
-
2015-03-29 (10:57:17PM) Samsung Galaxy E7
الصوت عالي ونقي ويتسمع فى اى حته كنت فى مناسبه وسمعته عادى ^_^
-
2015-03-29 (10:55:52PM) Samsung Galaxy E7
لا على فكره الموبيل معايا بقاله شهر ونص وشغال تمام جدا ومفهوش عيوب لحد دلوقتى الحمد لله شوف اكيد العيب فى الموب اللى معاك بقي
-
2015-02-28 (04:31:22PM) Samsung Galaxy E7
متقلقش من السخونيه انا 24 ساعه نت والعاب واغاني وتصوير ومش بيسخن والبطاريه مش بتفصل لموبيل ممتاز جدا بجد :)
-
2015-02-28 (04:27:47PM) Samsung Galaxy E7
البطارية مفيش منها خوف نهائي البطاريه بشحنها بليل بتفضل لحد تانى يوم بليل برضو يعنى 24 ساعه نت والعاب واغاني وكل حاجه ومش بتفصل :)
بالنسبه للكاميرا نقيه جدااا سواء كانت خلفيه او اماميه بس الفلاش انت اللى بتتحكم فى مش حسب الضوء اللى انت فيه يعنى انت اللى بتشغله وانت اللى بتفصله بمزاجك -
2015-02-25 (06:44:07PM) Samsung Galaxy E7
لا للاسف لسه منزلوش بس اكيد على الاسبواع الجاي يكونو نزلو بس اسكرينة النوت تو بتتركب على الجهاز عادى جدا انا ركبتها مؤقت لحد ما حاجات الموب يننزل اهم حاجه انك تحمي الشاشه والجراب لما ينزل باذن الله ده بالنسبه لاسكندرية لو انت من كايرو ممكن يكونو نزلو فى المحلات المشهوره عندكم ببيع الموبيلات
-
2015-02-25 (05:10:25PM) Samsung Galaxy E7
صوت الموبيل عالي جدا والله والرانين عاليه وطبعا انت بتحط نغمه غير نغمات الموب نفسه بتكون اعلي حتى لو الموب محطوط على اى حاجه الصوت بيبقي مش مكتوم ومتقلقش من الضوضاء انا كنت فى مناسبه وسمعت الموب عادى جدا
-
2015-02-25 (03:51:40PM) Samsung Galaxy E7
صوت الجهاز عالي ونقي جدا وحتي لو حطاه على حاجه السماعه بتبقى عاليه مش مكتومه واناجبته ب 2700
-
2015-02-25 (03:43:15PM) Samsung Galaxy E7
لا ياما تركب خط وكارت ميمورى ياما خطين من غير كارت ميمورى وبعدين انت مش هتحتاج لميمورى لان الجهاز مساحته كبيره
-
2015-02-25 (03:41:09PM) Samsung Galaxy E7
بص هو اكيد كل ما تتاخر كل ما سعره ينزل بس صعب فى شهرين ينزل 700 جنيه مره واحده وخصوصا ان الجهاز امكانياته عاليه جدا وبالتوفيق :)
-
2015-02-25 (03:38:10PM) Samsung Galaxy E7
بص انا مش هقدر اتكلم عن ال e5 لانى مجربتهوش انا معايا ال e7 البطاريه جميله جداااااا بشحنها مره بتفضل معايا لتانى يوم وبكون فاتحه نت والعاب كمان السخونيه الجهاز مش بيسخن خالص الحمد لله الكاميرا نقيه جدااا خلفيه واماميه بس الفلاش انت اللى بتتحكم فى مش حسب ضوء المكان مفيش حاجه اسمها تهنيج الجهاز سريع جدا ماشاء الله علي سعر ال e7 امكانياته كبيره على سعره وربنا يوفقك بالاحسن :)
-
2015-02-20 (03:08:48PM) Samsung Galaxy E7
الموب جميل جدا بالنسبه لسعره واحسن من موبيلات كتير فى نفس السعر امكانيات عاليه كاميرا تحفه جدا اماميه وخلفيه وسريع جدا مش زى السامسونج القديم مفيش حاجه اسمها الموب يهنج البطاريه تحفه ماشاء الله مسكاه اكتر من 8 ساعات نت واغاني وتحميل ومفصلش ومش بيسخن زى باقي الموبيلات بيشحن فى حوالي ساعتين يعنى ممتاز جدااا السماعه عاليه والصوت ناقي جدا محدش يصدق ان السماعه واطيه زى ما بيقولو الشاشه جميله جدا والوانها تحفه الكيبورد مريج جدا فى الكتابه وفي خصوصيه لاى حاجه عاوز تخفيها من غير تنزيل برنامج مساحه كبيره جدا بلاك ليست مش محتاج برنامج بجد امكانياته عاليه على سعره انصح بيه لاى حد عاوز يجيب موبيل بالسعر ده :)
-
2014-06-24 (09:30:49PM) Samsung Galaxy Mega 6.3 I9200
zman2yahob شكرا جدا على الرد وباذن الله هجيب الميجا :)
-
2014-06-24 (02:11:19AM) Samsung Galaxy Mega 6.3 I9200
يا جماعه لو سمحتم انا محتاره اشترى الجهاز ده ولا اشترى galaxy tab3 8.0 smt311 وعاوزه اعرف انهى احسن وانهى فى مميزات اكتر ياريت حد يساعدنى لانى بجد محتاره بنهم الاتنين وارجو الرد السريع :)
-
2014-06-24 (02:06:43AM) Samsung Galaxy Tab 3 8.0 SM-T311
يا جماعه لو سمحتم انا عاوزه اشترى التاب ده بس بقارن بينه وبين جلاكسي ميجا 6.3 عاوزه اعرف انهى احسن وعاوزه اعرف ايه نظام البطاريه فى التاب ده والكاميرا بتاعته حلوه ولا لا لانى اكتر حاجه خايفه منها الكاميرا وكمان لو سمحتم عاوزه استفسر عن موضوع الموت المفاجى لاجهزة السامسونج ده ايه الموت المفاجى ده لانى اول مره اسمع عنه فى الكومنتات لو سمحتم حد يرد وشكرا :)