بدور علي ايه؟ اكتب رقم موديل الموبايل الابدور عليه

Independence

Independence

نوع الموبايل : Nokia 2690
اخر زيارة:
تاريخ الاشتراك: 2014-05-23
عدد التعليقات: 46
الدولة: مصر

احدث المشاراكات

  • 2014-09-11 (01:52:00PM) HTC Desire 816

    يا جدعان انا نزلت التحديث المنيل بنيله الاخير ده .... اول اسبوع الموبايل متغيرش فيه حاجه بس بعد اول اسبوع لقيت الموبايل اتقلب حاله بقيت اشحنه وهو مقفول بعد فتره شحن كبيره افتحه الاقيه 1% و الجهاز يقعد شغال اليوم كله كانه 100% غير كده انه عمل حركه معايا اني كنت مشغل اغنيه وجيت اتصل بواحد لقيت الاغنيه لسه شغاله حتي بعد مارد كانت لسه شغاله بس دي متتكررتش تاني
    انا عرفت ان مشكله البطاريه ف كل الموبايلات اللي نزلت التحديث الجديد و قريتانى لازم اعمل استعاده ضبط المصنع بس انا مش عارف اعمله ازاي و ايه اللي هيضيع من على الموبايل
    اسف على الاطاله بس ياريت الرد السريع


  • 2014-08-13 (01:42:48PM) HTC Desire 816

    بس ايه علاقه الخلفيات المتحركه باللي حصل ده


  • 2014-08-13 (01:41:51PM) HTC Desire 816

    منزلتش اي حاجه ولا اي لانشر ياريت حد يفيدني.... هو حاليا شغال كويس جدا ومبيهنجش خالص


  • 2014-08-13 (12:08:58PM) HTC Desire 816

    انارجبت الموبايل من شهر و الحمد لله ادائه رائع جدا لكن حصلت معايا مشكله امبارح اني انا كنت بتكلم ف الموبايل ودخلت الشقه سبته علي الترابيزه من غير مايتخبط او يقع ولا يجراله اي حاجه لاني محافظ عليه جدا جدا المهم جيت ادوس علي زر الباور علشان افتح الشاشه لقيت مفيش اي استجابه و الشاشه بقت سودا حطيته ع الشاحن يديني صوت الشحن وبرضه الشاشه سودا خليت حد يرن عليا صوت جرس و فايبريشن و الشاشه مش بتنور.... سبته شويه و بعدين واحد صاحبي قاللي دوس علي زر الباور مع زر تعليه الصوت فتره طويله وفعلا الجهاز عمل ريستارت والشاشه نورت الحمد لله بس انا معرفش ايه اللي حصل ده هل ده عيب ولا تهنيج ولا لازم اروح التوكيل ارجو الافاده يا جماعه مع العلم انه بعد ماشتغل مهنجش ولا حاجه ورجع زي الاول ارجوكم افيدوني


  • 2014-08-02 (05:40:01PM) HTC Desire 816

    يا جماعه انا شاري الموبايل من شهر تقريبا و الجهاز ماشاء الله جميل جدا بس فيه استفسار عندي لما اشغل الموبايل داتا كذا مره ماترضاش تشتغل و ادخل علي السيتنج يكتبلي disconnected because service is unavailable و مايشتغلش تاني الا لما اعمل ريستارت للجهاز ياتري ده عيب ف الجهاز ولا عيب شبكه
    ارجو الافاده بسرعه لانها حصلت كذا مره
    واسف للاطاله


  • 2014-07-19 (02:15:51PM) HTC Desire 816

    الصراحه الفون معايا و ماشاء الله تحفه ف كل حاجه .......... اساسا انا لفيت الدنيا على ماجبته لانه اساسا مش متوفر ف السوق خصوصا ف الصعيد وغير كده انه واخد اعلى مبيعات ف الربع الاول من 2014


  • 2014-07-16 (03:44:15PM) HTC Desire 816

    اعمل ازاي التحديث ده لو سمحت


  • 2014-07-16 (03:28:37PM) HTC Desire 816

    نصيحه اوعي تقصي الشريحه انا قصيتها و قلت اوفر الفلوس الحمار اللى قصها قصها غلط و كان هيبوظ مكان السوكيت انت دافع 3 الاف جنيه ماتجيش ف دي و توفر اشتريها جاهزة احسن وحافظ ع الجهاز العده ماشاء الله تحفه


  • 2014-07-10 (03:55:23AM) HTC Desire 816

    دلوقت يا جماعه انا خبزتي ف السمارت فونز قليله اوي انا مش عارف انقل الاغاني و الفيديوهات لموبايلي مع العلم اني مش مركب كارت ميموري عايز اعرف انقلهم ازاي و الاقيهم فين ع الموبايل وشكرا


  • 2014-07-10 (03:55:23AM) HTC Desire 816

    دلوقت يا جماعه انا خبزتي ف السمارت فونز قليله اوي انا مش عارف انقل الاغاني و الفيديوهات لموبايلي مع العلم اني مش مركب كارت ميموري عايز اعرف انقلهم ازاي و الاقيهم فين ع الموبايل وشكرا


  • 2014-07-09 (04:54:23AM) HTC Desire 816

    طيب انا لما قعدت بيه ف التكييف و هريته شغل الحراره نزلت بقت ٣٦ يعني ده بسبب الجو انا مش فاهم


  • 2014-07-09 (03:28:22AM) HTC Desire 816

    يا جماعه الجهاز بيسخن بطريقه فظيعه انا شغلت الكاميرا 5 دقايق لقيته وصل 41
    ايه درجه الحراره الطبيعيه و هل ده طبيعي مع اي لعبه خفيفه يروح مولع نار كده
    افيدوني ارجوكم


  • 2014-07-09 (02:25:43AM) HTC Desire 816

    انا استلمت الموبايل يا جماعه من بي تك من يومين
    مبدئيا الموبايل شكله شيييييك جدا لدلاجه اذهلتني الصراحه اشيك من موبايلات سامسونج كتير شفتها خصوصا ال رمادي بتاعه و اسمه على الكرتونه dark grey
    نتكلم في حاجه حاجه ف الموبايل
    1 - نقاء الشاشه حلو جدااااااااااااا بشكل رائع و علشان الشاشه كبيره بتحس فعلا بنقاء الشاشه بالرغم من ان الريزوليوشن بتاعها قليل بس فعلا تحفه و اللى معاه الجهاز هيحسها ف الاللعاب

    2- صوت الموبايل جبار علشان فيه internal ampilifiers و نقي جدا بس مش عالى قوي يعني لو ظابط منبه يصحيك لكن ف الزحمه ممكن متسمعوش

    3- سرعه التليفون حلوة جدا ف النت و الواي فاي و التهنيج انساه و ان هنج بيبقي لثوانى و بيرجع طبيعي يعني انسي التهنيج
    4- الكاميرا فعلا ماشاء الله تحفه بجد بس محتاج ان و انت بتصور متهزش ايدك تاخد انضف صوره ممكنه بس محتاج اضائه كويسه و فيه ناس بتتكلم على ان الصوره بعد التقاطها بتغمق ده لان الموبايل بيبقي شغال بكل طاقته ف الكاميرا و بعد ماتاخد الصوره الطاقه دي بتقل لكن انت لو معلى اضائه الشاشه مش هتحس بالكلام ده نهائي و طبعا الكاميرا الاماميه تحفه بجد نضيفه بالاضافه ان الاوبشن بتاع الكاميرا كتير جدا على عكس الاكسبريا zr كاميرا بتاعته تقرف فعلاو الاوبشن بتاعها حاجه هبله كده متحسش انها كاميرا بتاعه سوني
    5 - بالنسبه للبطاريه فهي من وجهه نظري انها مش كويسه اوي ولا وحشه اوي بمعني انها بتسحب جامد يعني تحاول تقلل اضائه اشاشه على قد ماتقدر علشان هي لو 100% بعد استخدام خمس دقايق هتلاقيها 99 % يعني بتقل بسرعه ماتفتكرش انها هتقعد 100% فتره كبيره وده اللى بيحصل معايا يمكن علشان الموبايل لسه جديد و متشحنش كتير و لانى كمان ماحطيتوش 8 ساعات ع الشاحن ف اول شحنه زي الناس ماقالت
    6 -الموضوع فعلا اللى لفت نظري هي السخونه الرهيبه للجهاز يعني انا لو بالعب لعبه خفيفه مش اسفلت 8 ولا حاجه يعني زي صب واي كده الاقي الحرارة وصلت 40 و ساعات 41 و الموبايل فعلا سخن ف ايدي و باضطر اقفل اللعبه لكن مع التصفح الاقيها عاديه يعني 38 بالكتير
    7 - الكيبود مش بتعم العربي فانت محتاج تنزل swift keypad علشان تعرف تكتب عربي

    انا محتاج مشورتكو يا جماعه الموبايل بيسخن جدا بمجرد ما العب لعبه 10 دقايق او ربع ساعه الاقيه ولع بجد يوصل 41 مثلا و العاب خفيفه مش تقيله
    و انصحوني بالنسبه لشحن البطاريه ده طبيعي انها تنقص كده و اشحنها لمده كام ساعه ف الاول
    و اسف للاطاله


  • 2014-07-01 (03:53:35AM) HTC Desire 816

    الف مبروك الجهاز يا باشا
    بس بما ان عند حضرتك خبره ف حوار الموبايلات ايه اللي انت شايفه ف الموبايل ده كويس و ايه اللى يميزة عن غيره مع اعتبار ان العيوب اللي الناس اشتكت مها هي
    1 - البطاريه ضعيفه
    2- الكاميرا مش بكفائه 13 ميجابكسل و اخرها 8 بس
    3- موضوع نقل الملفات
    4- الويتنج
    5- الشاشه اقل من 5.5 بوصه
    هل الكلام ده صحيح مع العلم ان دي شكاوي ناس على منتديات اخري
    برجاء الافاده


  • 2014-06-28 (01:03:19AM) HTC Desire 816

    الموبايل معروض ضمن افضل 14 هاتف نقال لعام 2014 ف المهرض الدولى وده اللينك
    اضغط هنا لزيارة الرابط