farahat502

احدث المشاراكات

• 2015-06-05 (01:17:28PM) Sony Xperia T2 Ultra dual

  تحديث Lollipop نزل يا جماعه انا عملت update امبارح بس مقدرش احكم عليه بسرعه لما اتعود عليه هقدر احكم , بس كل اللي اقدر اقوله انه الجهاز اختلف بشكل جزري بعد ال Lollipop هو اللي محتاجه مساحه فارغه علي ذاكرة الجهاز 1200 ميجا او اكتر و طبعا شحن البطاريه يكون اكتر من 50% و بالتوفيق انشاء الله

---

• 2014-08-04 (03:23:28PM) Sony Xperia T2 Ultra dual

  طبعا بيسمح بنقل كل البرامج على الميمورى

---

• 2014-07-27 (01:14:30PM) Sony Xperia T2 Ultra dual

  من يومين الجهاز نزله تحديث رسمى من سونى android 4.4.2 Kitkat و تم التحديث و ما شاء الله جميل جدا

---

• 2014-07-27 (01:11:10PM) Sony Xperia T2 Ultra dual

  من يومين الجهاز نزله تحديث رسمى من سونى android 4.4.2 Kitkat و تم التحديث و ما شاء الله جميل جدا

---

• 2014-06-25 (05:03:05PM) Sony Xperia T2 Ultra dual

  قييمى للجهاز طبعا من وجهة نظرى دى آراء :
  اولآ المميزات
  1-التصميم : ممتاز و شيك جدا من اروع و ابسط التصميمات اللى شوفتها ( لما تشوفه فى الحقيقه غير الصور )
  2-الأداء : جيد جدا و مش بطئ بالنسبه 1 GB RAM كنت قلقان منها و البروسيسور Quad-core 1.4 GHz بس الأداء سريع و جيد جدا
  3- الشاشه على الرغم من انها 720 x 1280 pixels بس رائعه بجد ماشاء الله
  4- البطاريه ماشاء الله بتقعد يومين و نصف او 3 ايام مع الأستخدام فوق المتوسط رابع اقوى بطاريه على مستوى العالم و ده اللينك
  5- الكاميرا مكنتش حاسسها الأول الا بعد تظبيط ال setting بتاعها بجد حاجه رائعه
  6- ميزة الخطين بالنسبالى مهمه جدا , انا حاسس ان الموبايل نازل متفصل على احتياجاتى
  ثانيا العيوب
  1- حجم المب صعب تتعامل فى كل الوظائف بأيد واحده كبير شويه
  2- خامة الظهر سيئه جدا و بتبصم يعنى وصمه عار على SONY
  3- و انت بتتكلم لازم تظبط السماعه على ودنك لأن حجمه كبير عشان تسمع بوضوح و كذلك اللى بكلمه بيقولى الصوت بعيد احيانا بسبب ان المايك بيبقى بعيد عن الوجه ده بحكم الحجم الكبير بتاع الجهاز .
  بالنسبه لل 4G انا مجربتهاش و متهمنيش مدام بقدر اوصل للنت عن طريق Data connect او WiFi , سريع فى كلا الحالتين
  و اخيرا انا مبسوط بالموبايل و هحاول اتلافى العيوب اللى اهمها لو كانت نزلت حتى لو سعره على شويه ان خامته تكون افضل من كده بالنسبه للظهر و يكون unscratched و يا سلام لو waterproof يبقى كده مفيش و لا قبله و لا بعده بس مفيش حاجه كامله ( الكمال لله وحده )
  و كل سنه و انتم طيبين و اتمنى اكون اضفت شئ للزملاء, شكرا

---

• 2014-05-08 (12:22:11PM) Sony Xperia T2 Ultra dual

  آسف يا جماعه بقالى كام يوم مبدخلش ع الموقع , الحمد لله لقيت الأسكرينه بتاعته من يومين فى شارع العطار بعد عناء شديد لأن الموبايل جديد و لسه مفيش حاجه نزلتله و لا الجراب و لا اى حاجه , المهم جبتها ضد البصمه بالتركيب 30 ج , اكبر مستورد هناك اسمه حماده الأمير ده فى شارع الزهريه اللى موازى للعطار لسه منزلش حاجته قالى بعد يومين تلاقى عندى جراب ظهر فقط و الأسبوع القادم انشاء الله تلاقى الأسكرينه , انا تقييمى للجهاز سريعا طبعا من وجهة نظرى دى آراء :
  اولآ المميزات
  1-التصميم : ممتاز و شيك جدا
  2-الأداء : جيد جدا و مش بطئ بالنسبه 1 GB RAM كنت قلقان منها و البروسيسور Quad-core 1.4 GHz بس الأداء سريع و جيد جدا
  3- الشاشه على الرغم من انها 720 x 1280 pixels بس رائعه بجد ماشاء الله
  4- البطاريه ماشاء الله بتقعد يومين و نصف او 3 ايام مع الأستخدام فوق المتوسط
  5- الكاميرا مش زى ما قرأت عليه و شفت فيها اوبشن كتير و ده الحلو بس تقييمى ليها مستواها اقل من 13 يعنى ممكن تحس انها 10 او 8 mp كمان
  ثانيا العيوب
  1- حجم المب صعب تتعامل فى كل الوظائف بأيد واحده كبير شويه
  2- خامة الظهر سيئه جدا يعنى انا بحط الموبايل ع المكتب استخدام لمدة 10 ايام و بالرغم من كده اتخدشت و بتبصم يعنى وصمه عار على SONY
  3- و انت بتتكلم لازم تظبط السماعه على ودنك لأن حجمه كبير عشان تسمع بوضوح و كذلك اللى بكلمه بيقولى الصوت بعيد بسبب ان المايك بيبقى بعيد عن الوجه ده بحكم الحجم الكبير بتاع الجهاز .
  بالنسبه لل 4G انا مجربتهاش و متهمنيش مدام بقدر اوصل للنت عن طريق Data connect او WiFi , سريع فى كلا الحالتين
  و اخيرا انا مبسوط بالموبايل و هحاول اتلافى العيوب بأنى اجيبله جراب , و اشكر أ / heshamhany على توضيحه للزملاء لأنى لفيت كل مكان ملقيتش حاجه انشاء الله تتوافر كل اكسسواراته ابتداء من الأسبوع القادم بإذن الله تعالى .

---

• 2014-05-06 (05:38:11PM) Sony Xperia T2 Ultra dual

  اخوانى , لوحد يعرف الأسكرينه الاقيها ببتباع فين يا ريت يرد عليا , انا سألت فى اماكن كتيير حتى فى شارع العطارين و كله بيقولى لسه الأسبوع اللى جاى بس انا خايف يتخدش منى و لو ممكن اوفق عليه اسكرينه ايه اللى تمشى عليه و شكرا

---