taker

احدث المشاراكات

• 2014-03-10 (06:02:53PM) Huawei Ascend Y511

  اخى الغالى drams .. لى استفسار يا باشا ..
  
  لو تفتكر انا كنت كلمتك على ان الموبايل بيخرف فى قراءة تخزين الذاكرة .. وبعد ما ركبت ميمورى 8 جيجا برده بيخرف وقاريـه 42 جيجا ..
  
  انا محتاج منك تقولى اعمل اعادة ضبط مصنع ازاى لأنى حاولت وخوفت ابوظ حاجة لأن الريكفرى فى الاندرويد صعب شوية وبتضغط كذا زرار مع بعض ..
  
  الحاجة التانية .. لو عملت اعادة ضبط مصنع هيمسح البرامج اللى كانت جاية مع الفون زى جوجل كروم وجوجل بلاس والحاجات دى ولا لاء ؟؟

---

• 2014-03-03 (09:36:50PM) Huawei Ascend Y511

  تسلم يا باشا , والله مش عارفين نشكركوا ازاى الاستاذ drams
  والاستاذ waleedsunny
  
  ربنا يكرمكوا ويجازيكوا خير زى ما بتساعدونا

---

• 2014-03-03 (02:58:39AM) Huawei Ascend Y511

  الأخ الغالى استاذ drams
  
  متشكرين جداً يا باشا على معلوماتك الهايلة ومواقع تحميل تطبيقات APK ,
  
  معلومات التخزين انا جبتها من الاعدادات settings اللى فيها البطارية والشحن والشبكة وكل الكلام ده ,
  
  كده فى مشكلة فى الجهاز , ايه الحل

---

• 2014-02-28 (03:13:56AM) Huawei Ascend Y511

  سلام عليكم يا شباب ,,
  
  الموبايل لغايه دلوقتى شغال معايه كويس والحمد لله سريع بس لسه مجربتش العاب ولا نت عليه ,
  
  ادامى دلوقتى مشكلتين : الأولى انى مش عارف ايه البرامج اللى محتاجها الموبايل , يعنى فى برامج مهمة لازم تكون على اى فون اندرويد وبحكم انى جديد فى الاندرويد فمش عارف هحتاج برامج ايه , ياريت حد يجبلى موقع او رابط لأهم البرامج والتطبيقات , الحاجة التانية محتاج البرامج دى احملها الأول على الكومبيوتر ولما فتحت جوجل بلاى لقيته انه مش نافع انى احمل على الجهاز ولازم احمل من الفون وكده هيسحب رصيد كبير من الباقة لفودافون , فـ ازاى اقدر احمل من الكومبيوتر لتطبيقات جوجل بلاى ؟
  
  المشكلة التانية : وانا بفتح ذاكرة التخزين للجهاز اول ما شريته لقيت ارقام غريبة وعجيبة , الذاكرة الكلية مكتوب جنبها 72 جيجا والمتاحة 9 جيجا والمتنوع 31 جيجا ,, الجهاز كده بيخرف ولا ايه ؟ اذا كان المساحة الداخلية كلها 4 جيجا جاب منين الارقام دى كلها ؟؟
  
  وايه الفرق بين ذاكرة تخزين الهاتف ووحدة التخزين الداخلية لأن الاتنين ليهم مساحة على الموبايل وآسف على الاطالة

---

• 2014-02-23 (12:14:21AM) Huawei Ascend Y511

  الحمد لله اشتريت الفون ده انهارده لغايه ما اقتنعت بيه قبل ما اشترى , امكانياته عالية على سعره وان شاء الله ناخدلنا اسبوع بقى كده على رواقـة لغايه ما اجيب نهايته معايه هههههه
  
  واللى حابب يستفسر على أى شئ فى الفون ده انا تحت أمره , واللى يعرف مكان الاسكرين بروتيكتور على الشاشـة من برا يقولى فين مكانها لأنى مش لاقى غير الجراب والاسكرين مع بعض وجزاه الله كل خير ,

---

• 2014-02-23 (12:02:10AM) Huawei G610s

  وعليكم السلام ورحمة الله وبركاته ,
  
  انا اشتريت الموبايل y511 ده انهارده الحمد لله واستقريت عليه , الموبايل سعره فى الهادى وامكانياته اللى سمعت عنها جبارة بالنسبة لسعره , انا كنت محتار زيك وكنت قربت انتحر بس استنيت مراجعة موكاكى ريفيو كاملة عن y511 خاصة الالعاب عشان اقدر احكم كويس بينه وبين الـ610 ,
  
  انا عملت مقارنة بسيطة بين الـ 511 وبين LG optimus L7 P715 وطبعاً الـ ال جى 7 كاميرته 8 ميجا وبروسيسور 1 دوال ورام 768 لقيت ان الـ 511 متفوق عليه بفرق شاسع واسكوره كبير فى موقع AnTuTu جايب حوالى 11000 والـ Lg جايب للأسف 6000 , اتصدمت وانا بشوف الارقام دى وبعدها بساعه كنت رايح وانا مطمن وانا بشترى الـ511 ,
  
  بص يا باشا انا مش هقدر افيدك غير لما تشوف المراجعتين دول , واحدة لـ 511 والتانية لـ 610
  
  
  
  
  
  انا بصراحة وهتكلم عن نفسى >> انا شايف ان فرق الامكانيات بين الاتنين ميستاهلشى الفرق فى السعر اللى هـو 1500 - 900 = 600 جنيه , وكل ده عشان كاميرا زيادة بفلاش ورامات أعلى وبروسيسور أعلى ملهمشى أى فايدة لأن الـ 511 بشهآدة كل الناس اسرع , حتى الفرق فى الكاميرا مش كبير والله بس طبعاً لو فى ضوء النهار والشمس لكن فعلا الـ 610 احسن عشان الفلاش فى وضع الليل ,
  
  يعنى الزيادة عشان الكاميرا , انا شايف ان فرق الامكانيات قليلة جداً على فرق السعر وانت وراحتك برده ,
  
  شوف انت عايز الفون عشان ايه ؟ لو الكاميرا يبقى هات 610 , لو مش فارق معاك الكاميرا زيى يبقى هات 511 والفرق بسيط جداً والله بين الاتنين ميستاهلشى 600 جنيه ,

---

• 2014-02-21 (02:08:20AM) Huawei G610s

  والله يا استاذ وليد متشكرين جداً على تعبك معانا وجزاك الله كل خير , بصراحة مقارنة فى الصميم وجابت من الآخر ,
  
  لكن احب أقولك وبكل صراحة انى احترت اكتر من الأول , لكن بالنسبة لنقطة الخلفية السودا فى 511 , فـ دى فعلاً حاجة من ضمن الحاجات اللى عاجبانى فى الموبايل ومدية شكل جميل جداً للفون , وممكن تبقى نقطة تافهة او هايفة لأى حد بس بالنسبالى عجبتنى جداً لما شوفته ع اليوتيوب ,
  
  كلامك بصراحة عن 610 طـلّع وبيـّن عيوب هايفة المفروض متكونشى موجودة فى فون بالامكانيات دى زى الصوت الواطى وخيارات قائمة الاسماء ومفيش تخصيص نغمة للمتصل ,
  
  يعنى للأسف برده الناس دى مش أغبية على أد الـ 1500 جنيه بتاخد امكانيات على أدها مبتاخدشى حاجة كاملة , بصراحة والشهادة لله انا عرفت ليه دلوقتى موبايلات زى سامسونج جالاكسى ونوكيا لوميا معدية 3000 و 4000 جنيه , انت بتشترى الفون مبيكونشى فيه غلطة زى الكتاب ما بيقول وطبعاً اكيد فى عيوب بس ممكن عيب او اتنين وبتبقى عيوب مقبولة زى سخونية الجهاز والبطارية بتخلص مثلاً , لكن الباقى بتبقى حاجة ممتازة ,
  
  انا بعد ما قريت عن الموبايلين دول فى خلال اليومين دول اقدر أقول باستثناء الكاميرا الموبايلين زى بعض ومفيش أى فرق غير فروق بسيطة جداً حتى مع الرامات الأعلى والبروسيسور يظل الـ 511 أسرع من الـ 610 ودى حاجة مش مصدقها لكن كل الناس قالت نفس كلامك وعلى صفحة موكاكى ريفيو ان الـ 511 سريع جداً ومش بيهنج , يبقى الرام والبروسيسور ملهمشى أى لازمة فى الـ 610 ,
  شاشة 610 كبيرة , وبرده شاشـة 511 كبيرة ومعقولة جداً ونفس حجم الكاتل اكس بوب , وحجم الاكس بوب مع زميلى كبيرة وحلوة زى حجم الإس 3 ,
  
  تتبقى البطارية : 2150 - 1730 = 420 مللى أمبير , مع البروسيسور الأعلى اللى محتاج جهد وقوة أكبر والرامات الأعلى والـ 0.5 بوصة الزيادة للـ 610 , يبقى 420 فرق مش كبير يعنى البطارية تعتبر هى هى ومفيش فرق كبير لصالح الـ 610 واغلب اللى جرب 511 قالوا البطارية بتقعد يومين فى المتوسط ويوم ونص لو هالكها ,
  
  يبقى فرق الـ 600 جنيه واضح وظاهر فى الكاميرا فقط , وممكن بعض الالعاب الاتش دى واللى محتاجة جرافيك عالى فقط , غير كده مفيش أى فرق انا شايفه بين الاتنين ,
  
  لكن ليا سؤال لحضرتك تانى ؟ , انت بتقول الـ 511 مينفعشى تغير الثيم والخلفية !! , لكن اظن ان ببرنامج GO Launcher ممكن نغير اللانشر بتاع الموبايل ولا انت ايه رأيك ؟؟

---

• 2014-02-20 (09:52:04PM) Huawei G610s

  waleedsunny والله مش عارفين نشكرك ازاى على المعلومات الهايلة دى , ربنا يجازيك خير
  
  ممكن آخر سؤال تقولى ايه عيوب y511 وخصوصاً البطارية ,
  
  انا كنت ناوى امبارح على 610 , مش عارف ليه غيرت رأيى انهارده على 511 , والله حاجة تحير الواحد قرب ينتحر , كل ما يعجبنى حاجة بغير رأيى ومش عارف ارسى على حاجة ,
  
  الـ 610
  1- شكله مش عاجبنى
  2- واجهة المستخدم بتاعته مضايقانى
  3- فرق السعر الـ 600 جنيه بين 511 و 610 يعتبر فرق كبير اكبر من الفرق فى الامكانيات بين 511 و 610 بل بالعكس , شايف 511 متفوق عليه فى حاجات زى النظام وانه اسرع وواجهة مستخدم شوفتها بنفسى اسهل واحلى ع اليوتيوب , وصوته انقى واعلى من 610 لكن مشكلته الكاميرا , والكاميرا كويسة بالنهار مش وحشة للدرجة , بس انا بسأل على البطارية

---

• 2014-02-20 (04:52:54PM) Huawei G610s

  طيب يا باشا انت كده حيرتنى اكتر بعد ما استقريت على واحد من الاتنين يا 610 او 511 , وكده بقى فى كمان الـ 700 ,
  
  ياريت تقولى ايه افضل واحد من التلاتة واختار ايه لأن انا كده احترت , والـ 700 ده مش موجود فى مصر ولو نزل هينزل امتى وسعره كام مصرى ؟
  
  انا عايز فون للنت والبطارية بتاعته تكون قوية شوية , 511 انا سمعت انه كان فى مشاكل فى السوفت بتاعه فى اللغة العربية فى الفيس بوك وسعره 850 يخوف شوية عشان قليل وبطاريته مش قوية ,
  
  حضرتك كمان بتقول سوفتوير 511 أسرع ازاى والفيرجن واحد 4.2 , وراماته والبروسيسور اقل من 610 ؟
  
  آخر حاجة نستنى الـ 700 لما ينزل ولا ده مش هينزل اصلاً ؟
  ومعلش على الإطالة

---

• 2014-02-20 (01:46:48AM) Huawei G610s

  waleedsunny
  
  بعد اذنك يا باشا ياريت تقولنا يعنى ايه خاصية Otg

---

• 2014-02-19 (05:59:08PM) Huawei G610s

  يعنى ايه يا باشا مش عارف يشوف الفلاش ميمورى ؟
  
  يعنى لما بتوصله بكابل اليو اس بى للكومبيوتر , الكومبيوتر مش بيقراه ؟
  
  ولا قصدك الفون نفسه مش قارى الفلاش اللى انت مركبهوله لما بتدخل على الفلاش ؟
  
  وياريت الناس اللى هنا تقدر تفيدك فى النقطة دى

---

• 2014-02-19 (05:50:30PM) Huawei G610s

  Star1 صح يا باشا

---

• 2014-02-19 (05:49:15PM) Huawei G610s

  mostafahassib , لو كنت قولتلى كنت قولتلك بلاش الافوكاتوا اسعاره غالية والمعاملة لحد ما سيئة , والفون انا سألت عليه بـ 1475 فى محل اسمه سلامة فى قصر النيل قبل ما اعرف انه فى موبايل شوب بـ 1500 ,
  
  ميزة موبايل شوب انه بيديك حق انك ترجع الفون فى خلال 14 يوم من تاريخ شرائه لو فى مشكلة حصلت فيه وتاخد واحد جديد , والفرق بين 1500 و 1475 = 25 جنيه مش كتير بس ضامن انى ارجع الفون لا قدر الله لو حصله حاجة ,
  
  بالنسبة للاسكرينة انا عرفت ان الفون اصلاً بييجى معاه اسكرينة هدية فى العلبة , اما الجراب فممكن مشتريش لانى مش بحب الجرابات ,
  
  هسأل فى موبايل شوب وأشـوف

---

• 2014-02-19 (01:45:10PM) Huawei G610s

  تسلم يا باشا على ردك ,, والف الف مبروك ع الفون الجديد , انا نازل اشتريه انهارده , ياريت تقولى انت جبته منين وبكام ولونه ايه , وجبتله اكسسوارات ايه ومنين ,
  
  موضوع الشاحن أى حد يقدر يفيدك ويفيدنى لأنى مش عارف للاسف

---

• 2014-02-19 (03:13:07AM) Huawei Ascend Y511

  وبالنسبة للفون ده Ascend Y511 , عيوبه ومشاكله ايه والتهنيج والبطارية ؟

---