بدور علي ايه؟ اكتب رقم موديل الموبايل الابدور عليه

esamramadan

esamramadan

نوع الموبايل : Microsoft Lumia 640 XL
اخر زيارة:
تاريخ الاشتراك: 2014-02-01
عدد التعليقات: 9
الدولة: مصر

احدث المشاراكات

  • 2014-04-04 (12:19:18AM) Alcatel One Touch Hero

    أولا .. الف مليون مبروك وربنا يبارك لك فيه .... المشكلة الوحيدة فى التليفون ده .. ان التليفون البلوتوث اللى معاه لايعطى خيار الاتصال من شريحة ا او شريحة 2 ولكن يتصل دائما من الشريحة الافتراضية .. او الشريحة اللى انت تحددها .. وليس كالتليفون الكبير السؤال دائما عند الاتصال او ارسال رسالة .. غير كده التليفون شغال معايا حلو جدا بقاله اسبوعين وصوته عالى ونقى وانا شخصيا مستمع بيه جدا والحمد لله .


  • 2014-04-02 (01:57:58PM) Alcatel One Touch Hero

    الكاتيل هيرو من التوكيل (رزق الله ) بسعر 3199 وفى المحالات يتراوح سعره من 2900 الى 3100 حسب المحل واللون المتوفر منه هو الاسود فقط والاكسسوارات اللى فى العلبة هى الشاحن بالكابل الخاص به وبالتوصيل بالكمبيوتر + السماعة الهاند فرى + التليفون البلوتوث الصغير + الجراب الماجيك فيليب .. هى دى الحاجات اللى فى العلبة وبالنسبة لباقى الحاجات التانية فهى عبارة عن اكسسوارات ستباع بمفردها فيما بعد مثل الجراب الشاحن الواير لس والجراب القارئ لملفات pdf والبروجيكتور .. بس مفيش حاجة من دول وصلت مصر لسه ..وبالنسبة للبطارية بتتحمل لمدة يوم واحيانا يوم ونص حسب الاستخدام .. وبالنسبة للشاشة حلوة جدا اما بالنسبة للالعاب فانا مجربتهاش لانى مش من هواة تحميل العاب على الموبايل لكن باستخدمة انترنت ومكالمات فيديو وعادية كتير وسرعته فى النت كويسة وهو معايا بقاله عشرة ايام لحد دلوقت لا سخن ولا هنج وشغال حلو معايا جدا والحمد لله ..


  • 2014-03-30 (01:25:28AM) Alcatel One Touch Hero

    اولا الف مليون مبروك وربنا يبارك لك فيه .. انا اشتريته من اسبوع يوم عيد الام .. وبصراحة فى منتهى الجمال معايا ومفيش مشكلة فى اى حاجة والحمد لله .. هو فيه حاجة واحدة محيرانى وعايزك تجربها .. التليفون بشريحتين ( شريحة 1 وشريحة 2 ) انا مظبطه على المكالمات الصوتيه السؤال دائما ومكالمات الفيديو شريحة 2 عشان هى 3g والبيانات برضه شريحه 2 أما الرسائل عملتها زى المكالمات الصوتية السؤال دائما .. كل ده معناه ايه .. ان لما اجى اعمل مكالمة تظهر رسالة من اى شريحة اعمل الاتصال شريحة 1 ام شريحة 2 .. وبالنسبة للتليفون الصغير مش بيعمل كده .. على طول يعمل المكالمة من شريحة واحد ولما احدد شريحة 2 يعمل منها المكالمة برضه لكن مش بيظهر لى الاختيار زى التليفون الكبير .. ياريت حضرتك تجرب الخاصية دى عشان نعرف هو كده ولا ده عيب عندى او فيه حاجة مش مظبوطة ولك الشكر والاحترام


  • 2014-03-29 (03:08:08PM) Alcatel One Touch Hero

    انا جربت خاصية ال otg واشتريت الوصلة وصلتها بالفلاشة ونقلت من عليها حاجات على الموبايل صور ومزيكا وكتب pdf وكان النقل سريع والحمد لله .. يعنى شغاله حلو جدا


  • 2014-03-29 (12:40:57PM) Alcatel One Touch Hero

    انا عندى استفسار بعد اذنك .. الموبايل البلوتوث الصغير .. ليه لما اجى اعمل منه اتصال مش بيظهر لى اختيار الشريحة اللى اتكلم منها زى الموبايل الكبير وبيتصل على طول من شريحة 2 مباشرة .. يا ترى دى عيب فنى ولا هو اصلا كده


  • 2014-03-29 (12:48:27AM) Alcatel One Touch Hero

    فيه حاجة لاحظتها فى موبايل الكاتيل هيرو .. المعروف انه بخطين .. وانا مأكتف خصائص الاتصال على كلمة السؤال دائما عشان يبقى ليه الحرية فى انى اتصل من شريحة واحد او شريحة 2 .. لكن الغريب ان الجهاز الملحق (البلوتوث) ليس به الخاصية دى فهو دائما يتصل من شريحة 2 فقط وليس ببه اختيار الشريحة التى اريد الاتصال منها ولكنه يستقبل على الاثنين عادى .. ومش عارف الطريقة اللى اعالج بها الموضوع ده .. وهل هو كده ولا دى مشكله فردية .. يا ريت لو حد معاه الموبايل ده يقول لى عشان انا لسه فى فترى الضمان (14 ) وفاضل 6 يوم على انتهاء الفترة ( فترة تغيير الموبايل )


  • 2014-03-25 (12:42:14PM) Alcatel One Touch Hero

    الحمد لله ... اشتريت موبايل الكاتيل هيرو يوم الجمعة 21 مارس 2014 والعلبة بتاعة الموبايل موجود فيها الشاحن والكابل يو اس بى والهاند فرى والجراب والتليفون البلوتوث الصغير ...بالاضافة الى القلم اللى داخل التليفون .... وبصراحة الموبايل تحفة وانا شغال بيه كويس جدا سواء اوفيس او قراء ملفات PDF او سكرايب نوت .. بخلاف الفيس بوك وتويتر وصوته حلو جدا ومن ناحية الالعاب انا مجربتهاش لانى مش بحب الالعاب على الموبايل اصلا .. لكن تقييمى الشخصى للموبايل عاجبنى جدا خاصة وان كان معايا الكاتيل سكريب ايزى قبل كده ويوجد فرق ضخم جدا فى الشغل ما بين الاثنين .. وبالنسبة للكاميرا حلوة جدا ... والقلم سهل جدا فى الاستخدام احسن من قلم سكريب ايزى بكتير ... والجراب يظهر علامة سماعة التليفون فى حال وجود مكالمة ويظهر ايضا علامة الرسالة فى حالة وجود رسالة وكذا الموسيقى و رسائل الفيس بوك .. يعنى من الاخر موبايل فى منتهى الجمال .. ده رأى انا الشخصى فيه حسب الاستعمال من يوم الجمعة الى اليوم الثلاثاء 25/3/2014 والبطارية بتقعد معايا يوم كامل من 8 صباحا حتى الواحدة مساء .. فيس بوك وتويتر ويوتيوب احيانا ومكالمات كتير يوميا ..


  • 2014-03-14 (05:00:20PM) Alcatel One Touch Hero

    الكاتيل هيرو نزل فى المخازن عند رزق الله وخلال يومين او تلاثة هينزل فى المحلات وسعره 3200 بس محدش فى رزق الله يعرف مشتملات الكرتونة .. انا اتصلت بيهم وأكدوا الكلام ده وبالنسبة للى معاه كارت فيزا البنك الاهلى المصرى ممكن يشتريه بالفيزا وتتقسط على سنة من غير فوائد


  • 2014-02-01 (11:43:40PM) Alcatel One Touch Scribe Easy

    انا معايا موبايل الكاتيل سكريب ايزى وعايز اسأل سؤال .. هل يمكن زيادة الرام فى التوكيل من 512 الى واحد جيجا