ahmedmamm

احدث المشاراكات

• 2015-07-24 (12:21:58AM) Nokia Lumia 640 XL Dual sim

  ألف ألف شكر يا أستاذ/ BlackCrow
  ومتأسف للتأخر عن شكر حضرتك .... لسه شايف الرد للأسف دلوقتى حالاً وكتر خيرك يا باشا

---

• 2015-07-01 (04:17:40AM) Nokia Lumia 640 XL Dual sim

  سلام عليكم ....
  لو سمحتم .. إزاى أفتح إنترنت الموبايل ... مع العلم إن شريحة النت على الخط الأول وشريحة النت عباره عن خط نت لوحده يعنى مش إشتراك بباقات الموبايل إنترنت ؟
  ومع العلم إنى دورت فى السيتنج على رمز أيقونة الموبايل داتا ... لم أجدها نهائياً
  وشكراً مقدماً

---

• 2015-03-16 (06:37:46PM) HTC One M8

  أستاذ/ AhmAAAd
  متأسف جداً للتأخير على حضرتك فى الرد
  بالنسبه للنقطه الأولى والخاضه بوضع البوكيت مود Pocket mode
  لو متفعله .. طبعاً هاتشتغل .... حتى لو وحضرتك عامل الـ Ringtone على أقل درجه وبعد ما بتخرج التليفون من الشنطه أو جيبك .. الصوت بيرجع ينخفض لوضعه اللى حضرتك مظبطه عليه العادى ... فى نفس الرنه
  يعنى لو رن ف جيبك مرتين فى الرنه التالته لو كان بره جيبك الصوت ها ينخفض للدرجه اللى انت ظابطه عليها سواء بقى كانت منخفضه جداً أو عاليه جداً .
  ملحوظه ... لو انت بقى مخفض مستوى درجة الصوت للآخر ... يعنى للدرجه اللى بتخلى المؤشر شفاف يعنى كأنك كاتم الصوت ... ف الخاصيه دى مش هاتشتغل ....... مش هايشتغل غير الفايبريشن بس
  ===
  وبالنسبه للنقطه التانيه .... أنا حملت فيديو من النت وذهبت لفولدر الداونلود ونقلته على الكارت عادى
  لأن والله أعلم كده الفايل مانجر اللى جاى مع الجهاز برنامج ممتاز ف إمكانياته زى الـ ES Manager و الـ Astro File
  والله أعلم
  دا على ما فهمت من سؤال حضرتك ,,, وأى فهم خطأ منى ياريت حضرتك توضح لى أكثر
  =====
  وبالنسبه للنقطه التالته .... والله لسه ما غيرت الشريحه التانيه
  =====
  كام ملحوظه .. لذيذه ف الجهاز
  * الماجنيفير أو العدسه المكبره وانت بتكتب .... بتشتغل أوتوماتيك لو لمست الكرسر أو المؤشر
  * النقر ثلاثه مرات متتاليه على أى مكان ف الشاشه بيكبر الشاشه بطريقه واضحه تمكنك من القراءه بوضوح .... كأنها عدسه مكبره ... والميزه هنا .... هى أى مكان فى الشاشه حتى لو ستارة التنبيهات أو لوحة أرقام طلب المكالمات
  * المفتاح الخاص بالإسكرين شوت والموجود فى المختصرات اللى فى ستارة التنبيهات
  * وضع البوكيت مود .......... خيالى :(
  * جراب الدوت فيو ... خراااااافى وممتع للغايه
  * بعد عمل كوبى مباشرة يتم ظهور رمز ال بيست مباشرة دون الحاجه للضغط المطول حتى يظهر
  * لوحة مفاتيح الكتابه ....جميله جداً جداً جداً ... ولا تحتاج لتغييرها فعلاً وبدون مبالغه
  * لوحة أرقام طلب المكالمات بشكلها المميز والأوبشنز اللى فيها من إظهارها وإخفائها وأيضاً التحكم فى حجمها وأيضاً التحكم فى أعمدة قوائمها ( الهيستورى والمكالمات والبيبول و,,,,,, إلخ ) وأيضاً التحكم بترتيبهم أو حتى إخفائهم ...... روعه
  * الكشاف وال 3 درجات تحكم فى إضاءته ... روعه
  * برنامج الأوفيس الكامل والمدفوع اللى جاى مع برامج الجهاز .
  * كل اللى فات ده بيبقى ببرامج من المتجر ... إنما دول جايين مع الجهاز
  كل ده والرام لم يتعدى ال 725 ميجا .... أومال لو ما كانوش حاطين البرامج دى كلها
  ( الفيس بوك & الفايل مانجر & الكشاف الضوئى & البولاريس أوفيس كامل & وتويتر & وسكايب)
  وبرامج كتير والله ومفيده ...... كانت الرام هاتبقى قد إيه ؟
  فعلاً شركه ممتازه
  ====
  ولسه ... جارى ..... تفصيص الموبايل

---

• 2015-03-13 (08:42:00AM) HTC One M8

  الله يبارك فى حضرتك يا أستاذ / ,,, sqorpion76
  متشكر جداً لرد حضرتك ... وعملت زى ما حضرتك قولتلى ف الضبط التلقائى وبالفعل ظبطت حكاية تفتيح وتغميق الشاشه بشكل عشوائى ويضايق
  أما بالنسبه لكتم الصوت مره واحده عملتها زى ما حضرتك قولت بس للأسف برضه بتكتم صوت الرنه وبالذات لو أنا ماسك الموبايل وبتحرك بيه ... آلاقى رنه بسيطه أوى وبعدين الصوت يتكتم ... لولا إنى خدت بالى من كده بالصدفه ... المشكله إنى لو ما أخدتش بالى .. هاتفوت عليا مكالمات .. ف مش عارف هل يوجد برنامج لإلغائها ؟؟؟
  وبالنسبه للتحديث ... كل ما أشوف هل يوجد تحديث ... يقولى إنت على آخر تحديث .... ف رأى حضرتك إيه ... هل بينزل يدوى مش هوائى ؟ وإزاى أنزله يدوى ؟
  ومتشكر أوى لسيادتك يا باشا

---

• 2015-03-10 (05:23:26PM) HTC One M8

  الله يبارك فى حضرتك يا أستاذ/ أحمد
  أول حاجه أنا لسه راجع من الشغل وبدأت أفصص الموبايل حته حته ... هههههه
  ف أول حاجه عملتها إستعادة ضبط المصنع ... لأنى لاقيت حاجات كتيره بتهنج ... زى مثلاً الـ double tap
  و الـ Pocket mode
  وبعد إستعادة ضبط المصنع ... لم يتغير شىء ... هل علشان مركب كفر الدوت فيو ... ولا عيب تصنيع ولا كنت لعبت فى ضبط المعايره .... الله أعلم
  وكمان موضوع إن الصوت بيتكتم مع قلب الموبايل على وجهه مش لاقيلها حل
  ====
  أما سؤال حضرتك الثانى ... أنا لسه شارى التليفون ما كملتش 24 ساعه وكمان مش عايز أركب كارت ميمورى قديم أو كلاس 4 .... ده لو أنا فاهم سؤال حضرتك التانى صح
  أما لو حضرتك تقصد إنى أنقل البرامج والتطبيقات من الذاكره الداخليه للذاكره الخارجيه ... والله لسه ما جربتش .... وبإذن الله هاسطب كام برنامج وهاقول لحضرتك
  ====
  أما سؤال حضرتك الثالث ... ف والله أنا مش حاطط شريحتين لأنى لسه هاقص الشريحه التانيه
  وبإذن الله لو ركبتها ... هاقول لحضرتك

---

• 2015-03-10 (06:06:53AM) HTC One M8

  آسف ,,, الموديل اللى إشتريته إسمه htc one m8 dual sim

---

• 2015-03-10 (05:33:59AM) HTC One M8

  سلام عليكم ...
  بفضل الله .. إشتريت جهاز htc one dual sim النهارده من Be Tec بالضمان
  وياريت الإخوه الأفاضل من يحب نصحى وإرشادى لهذا الجهاز ... أكون شاكر جداً جداً جداً لفضله على
  ====
  من ملاحظاتى للإستعمال المبدئى للجهاز :-
  ـ 1 ـ البطاريه .. لا تستنزف بسرعه
  ـ 2 ـ الشاشه .. ألوانها مش زى جهازى السابق وهو .. سامسونج إس 3
  وطبعاً مش زى النوت 3 .....
  فهل هذا طبيعى ؟ أم يوجد إعدادات فى الجهاز .. تظبط الألوان والوضوح ؟
  ـ 3 ـ الضوت .. روعه وكمان فوق الوصف
  ـ 4 ـ خاصية كتم صوت الجرس عند قلب التليفون على وشه ... للأسف لا يوجد لها خيار إنى ألغيها
  فهل هذا طبيعى ؟
  ـ 5 ـ الجهاز .. صناعه تايوانى ... وليس صينى ... هل هذا علشان شريحتين ولا علشان من Be Tec ؟
  ـ 6 ـ نسخة الأندرويد ... 4.4.4 دون أى تدخل منى بالتحديث من النت لأن نسخته على GSM Arena
  هى النسخه رقم 4.4.3 فهل يوجد تحديث آخر ؟ وإذا وجد هل أقبل التحديث ؟
  لإنى أسمع إن التحديث ممكن يضر حاجه ف التليفون ...
  وكمان أسمع إن أحسن حاجه هيا النسخه اللى نازل بيها الجهاز من المنشأ .
  ـ 7 ـ ياريت الله يبارك فيكم اللى يحب يفيدنى ويفيد غيرى يتفضل ينصحنا
  ولكم جزيل الشكر

---

• 2015-02-12 (03:30:53AM) Samsung Galaxy Note 4

  ألف مبروك يا أستاذ/ على
  التليفون الجديد وشه حلو
  هههههههه

---

• 2015-02-07 (04:42:17AM) Samsung Galaxy S4 I9505

  أستاذ/ semsemSiR
  ربنا يبارك فى حضرتك ... وألف شكر على نصائحك القيمه
  جزاك الله خيراً

---

• 2015-02-04 (03:53:21PM) Samsung Galaxy Note 4

  ألف ألف مبروك يا أستاذ/على
  وربنا يبارك لحضرتك فى التليفون

---

• 2015-02-04 (02:51:51AM) Samsung Galaxy Note 4

  متشكرين جداً يا أستاذ/ AliAfify
  لمتابعة حضرتك الكريمه وإفادتنا
  وواضح إن النسخه دى ممتازه
  ألف ألف شكر لحضرتك
  وبإذن الله متابعين مع حضرتك

---

• 2015-02-04 (02:41:28AM) Samsung Galaxy S4 I9505

  ألف ألف شكر لحضرتك يا أستاذ/ semsemSiR

---

• 2015-02-04 (02:39:07AM) Samsung Galaxy S4 I9505

  متشكر جداً لحضرتك يا أستاذ/ semsemSiR
  هل يبقى كده الإس 4 الـ 9500 أفضل .... زى كده الإس 3 الـ 9300 أفضل
  وكمان برضو زى أى موديل فى السامسونج أفضل من الـ neo من نفس الموديل
  هل نظرتى كده مظبوطه يا أستاذ/ semsem ؟
  وسامحنى .... سؤال كمان .. هو بدون ضمان يعنى ضمان دولى ؟؟؟
  وألف ألف شكر لسيادتك

---

• 2015-02-02 (02:24:47AM) Samsung Galaxy Note 4

  ياريت يا أستاذ/ AliAfify ,,,
  لو حضرتك عرفت أو توصلت لمعلومه عن مكان بيع النسخه دى من النوت 4
  ياريت تقولنا ... وجزاك الله خيراً

---

• 2015-01-25 (10:14:45PM) Samsung Galaxy S4 I9505

  لو تكرمتم ...
  ياريت حد يفيدنى .. معروض عليا تليفون مقفول ومتبرشم
  ورقم موديله هو Samsung Galaxy S4 I9515 Lte 16 Giga Black Edition
  وهو من على النت وأنا متخوف من إنه يكون فيه حاجه غلط
  فهل لو الموبايل متبرشم فعلاً يبقى كده تمام ... ولا ممكن يكون فيه تلاعب
  وياريت أعرف سعره هايكون فى حدود كام ... لأن صاجب التليفون قالى آخر سعر هو 2750 وماقدرشى أخفض أكتر من كده ... فهل كده غالى ؟؟؟
  وياريت لو حد يقدر يفيدنى فى أى إحتياطات فى الشراء من النت خاصة وإنى هاقابله فى مدينة 6 أكتوبر لأنه رفض نهائى المقابله عند ميدان الجيزه أو الرمايه .
  ياريت حد يفيدنى وشاكر جداً لحضراتكم

---