RUICOSTA

احدث المشاراكات

• 2015-10-05 (10:15:04PM) Huawei P8

  الحمد الله بعد طول تفكير ومقارنات بين الموبايلات الحديثة فى السوق . معجب بشركة هواوي ومنتجاتها وقررت اخوض تجربة جديدة مختلفة شوية بعد سنين فى السامسونج
  وقررت اخيرا واشتريت P8 من حوالى 3 ايام . وبصراحة مبدئيا الجهاز تحفة من جميع الجوانب .. وانتظروا مني تقييم مفصل بعد اسبوع مثلا اكون فهمت واختبرت الموبايل بالتفصيل
  شكرا :)

---

• 2014-04-01 (09:56:43AM) Samsung Galaxy S4 mini I9190

  ايه يا شباب مفيش أى اخبار عن تحديث الجهاز للـ KitKat ?
  مؤكد ولا لأ وميعاد نزوله امتى احنا بدءنا اهو شهر 4

---

• 2014-03-15 (04:53:20AM) Samsung Galaxy S4 mini I9190

  ان شاء الله وتسلم يا صديقي
  مع العلم ان نظام الاندرويد بعد التحديث لم يتغير زى ما هو 4.2.2
  لكن أداء البطارية اتغير للأفضل بشكل ملحوظ . وده اللى خلانى اكتب ملاحظتى دى فى تعليق جديد لعل الناس تستفيد أو الاقي أى تفسير
  
  ومنتظرين الكيت كات :)

---

• 2014-03-15 (03:03:26AM) Samsung Galaxy S4 mini I9190

  السلام عليكم جميعا
  من حوالي 4 أيام جالى Update على الفون . وكنت فاتح أجلت التحديث لحد ما روحت الشغل وفتحت من الواي فاي هناك وحملت التحديث ومساحته تقريبا كانت 48 ميجا . وافقت وسيبته يحدث مع نفسه وبعد ما خلص قلبت شوية فى الموبايل مالقتش الا ملفين جداد ظهروا بعد التحديث وهما تطبيقين . واحد اسمه Drive عبارة عن مثلث ملون والتانى اسمه Play Games عبارة عن دراع بلاس ستيشن لونه أخضر .
  لكن الغريب واللى لاحظته فى الموبايل بشكل عام ان أداء البطارية بقى غريب جدا وأقوى من المعتاد بكتير . لدرجة انى ممكن أنام حوالى 8 ساعات أصحى ألاقيها نقصت 5 % بس!!!
  أقضى اليوم فى الشغل ومع الإستخدام أجى ماشي ألاقي الشحن نقص حاجات بسيطة جدا لا تقارن بقبل كدة إطلاقا .
  حد عنده أى تفسير

---

• 2014-02-19 (02:45:06AM) Samsung Galaxy S4 mini I9190

  انا مش هصدق غير لما ألاقي التحديث ع الموبايل :D

---

• 2014-02-18 (01:36:31AM) Samsung Galaxy Note Pro 12.2 LTE

  اللى يخلينى أجيب تابلت زى ده سعره مش هيقل عن 5000 جنيه . طب مانا أجيب بيهم لاب ماركة ملوش حل بإمكانيات محترمة جدا .
  بس إختلاف الأذواق بقى وإحتياجات كل فرد :)

---

• 2014-02-17 (05:23:11AM) Samsung Galaxy S4 mini I9190

  دى أراااااااااااء اراااء :D
  حضرتك لو الموبايل مضايقك انا ممكن أبيعه او أرميه مش فارقة ههههههههههه

---

• 2014-02-17 (05:16:43AM) Samsung Galaxy S4 mini I9190

  زى ما قالك الأستاذ zman2yahob بالظبط . انا اتفق معاه تماما فى رأيه
  وانا شارى الجهاز بضمان دولى وبقالو معايا تقريبا شهر ونص , وفرت فى سعره حوالى 350 جنيه وجبتله سكرين حماية للشاشة وجراب عشان اقدر أحافظ عليه قدر الإمكان
  
  ومبروك مقدما ايا كان إختيارك :)

---

• 2014-02-17 (05:10:22AM) Samsung Galaxy S4 mini I9190

  اهلا بيك فى العائلة :D
  جهاز جميل وشيك وحجمه مناسب جدا وسعره متوافق مع إمكانياته . والـ S3 برضك جهاز ممتاز ويكفى سمعته وسط المستخدمين وانه على ما أعتقد أخد جايزة أفضل موبايل فى العالم عام 2012
  
  أستاذ zman2yahob يسمع منك ربنا وينزلنا تحديث 4.4 Kitkat

---

• 2014-02-16 (05:58:21AM) Samsung Galaxy S4 mini I9190

  الأخوة اللي بيقارنوا ومحتارين بين S4 mini والـ S3
  انا كنت فى نفس الحيرة وفضلت فترة أقارن بين الجهازين قبل ما اشترى وبعد تفكير طويل قررت واشتريت S4 mini عن إقتناع شخصي مش لأفضلية بين الجهاز فى الإمكانيات .
  وأحب أوضحلكم انى والله يوميا ماسك الجهازين كل واحد فى إيد :D لأن واحد زميلى فى الشغل معاه الـ S3 . ومن وجهة نظرى احب أوضحلكم نقاط التفوق لكل جهاز فى الآتى :
  
  S3 يتفوق فى ( 1- الشاشة : نظرا لأن حجمها اكبر من الـ S4 mini بنص بوصة وكمان كثافة الألوان فيها أعلى وأوضح . 2- ذاكرة الهاتف : لأنها 16 جيجا مقابل 8 جيجا فى الـ S4 mini وده حسب اختيارك لأن الموبايلين بيركبلهم كارت ميموري لحد 64 جيجا . 3- الصوت فى النغمة أعلى نسبيا عن الـ 4 mini )
  
  S4 mini يتفوق فى ( 1- أحدث فى التصنيع من S3 بسنة تقريبا فى السوق . 2- نظام الأندرويد اللى عليه نسخة أحدث من S3 وان كانت التحديثات بتلغى الفروق فى النقطة دي مستقبلا . 3- مساحة الرام 1.5 جيجا مقابل 1 جيجا فقط فى S3 مهمة . 4- الكاميرا أفضل نسبيا بفرق مش كبير نظرا لبعض الخصائص والمميزات الجديدة المنقولة من S4 العادي . 5- سرعة ملحوظة فى الأداء العام لأن البرسسيور 1.7 GHz ثنائى النواه مقابل 1.4 فى S3 لكنه أقوى لأنه رباعى النواه )
  
  بإختصار الجهازين جُمال جدا وسعرهم متقارب وفى النهاية إختيارك الشخصي هو اللي هيحدد لأنك انت اللي هتمسك الجهاز وتستخدمه

---

• 2014-02-16 (05:03:19AM) Samsung Galaxy S4 mini I9190

  معلومات مهمة جدا ومفيدة
  جزاك الله خير

---

• 2014-02-06 (06:23:30AM) Samsung Galaxy S4 mini I9190

  عن تجربة أنصحك بالـ S4 mini جهاز جميل وتمنه فيه

---

• 2014-02-06 (06:16:05AM) Samsung Galaxy S4 mini I9190

  بص يا صديقي عشان هتسمع كل شوية رأي يغير أفكارك ويبدل قرارك
  لو هتقارن بين الجهازين فا بإختصار كل المواصفات ترجح كفة الـ nexus 4 ورقميا بيتفوق على الـS4 mini إلا الكاميرا بكل تأكيد التفوق فيها لصالح الـ S4 mini بدون شك .
  
  ملحوظة أخيرة مهمة جدا : الإكسسوارات فى السوق للجهازين يعتبر إكتساح لصالح الـ S4 mini . ودى نقطة هتتعبك لو جدااا هتجيب الـ nexus 4 ، وكذلك حتة الصيانة والسعر لو قررت تبيع بالتأكيد لصالح الـ S4 mini وده كله لإختلاف الإسم فى السوق بين Samsung و LG

---

• 2014-02-06 (06:03:24AM) Samsung Galaxy S4 mini I9190

  لو حدودك فى السعر 3000 جنيه أو أقل يبقى أنصحك بالـ S4 mini

---

• 2014-02-06 (06:01:00AM) Samsung Galaxy S4 mini I9190

  فعلا دى حقيقة . مستوى صوت الجهاز يعتبر العيب الوحيد فيه
  وأنا برجح السبب ان السماعة الخارجية الموجودة فى أسفل ظهر الجهاز ضعيفة وجودتها قليلة ومش متناسبة إطلاقا مع إمكانيات الجهاز ومميازته الجميله فى باقى المواصفات

---