بدور علي ايه؟ اكتب رقم موديل الموبايل الابدور عليه
midokhorshed
احدث المشاراكات
-
2016-09-04 (04:58:32PM) Samsung Galaxy J7 2016
انا معايا نوت3 فور جي بس زهقت منه لانه وقف عند اصدار 5 لوليبوب ومبقاش فيه تحديثات غير رومات معدلة ومشاكلها كتير للاسف وبفكر اجيب الجي 7 2016 لان وصله تحديث مارشميلو وكل اللي مسكه بيشكر في الموبايل وفي اصدار الاندرويد 6 ,,, انتوا ايه رأيكم؟
-
2015-03-11 (09:36:52PM) Samsung Note 3 n9005
السلام عليكم اخي: بخصوص شراء المستعمل مانصحكش اطلاقا ولكن لو مصمم في طرق كتير ممكن من خلالها تعرف اذا كان الموب اصلي ولا هاي كوبي ,,, ركز معايا
اي موب بييجي بسيريال نامبر اسمه imei مكون من 15 رقم وده بيكون تحت البطارية او ممكن تجيبه من كود *#06# نجمة شباك زيرو نجمة شباك وتدخل على موقع
وتكتب فيه الرقم اللي ظهرلك لو طلعلك الجهاز نوت3 فور جي يبقى اصلى ولو طلع خلاف كده يبقى هاي كوبي ,,, وبالنسبة لاختلاف الاسعار فده بيرجع لحالة الجهاز ممكن تلاقي موب نوت3 عامل 2500ج بس مليان خرابيش او الباغة فيها ختوش او اي حاجة بايظة تقلل من سعره ,, وطبعا لو هاتشتري الموب بدون كارتونة وعشان تضمن ان الموب مش مسروق خليه يعملك مبايعة بورقة فيها امضته ونوع الجهاز المباع بالتاريخ ورقم بطاقته وعنوان منزله
-
2015-01-22 (06:53:01AM) Samsung Galaxy Note 3
على حسب ما سمعت ان التحديث هايوصل هوائي في الربع الاول من 2015 يعني شهر 2 او 3 بالكتير ان شاء الله
-
2014-08-06 (11:00:19PM) Samsung Galaxy Grand Neo
لالالا خالص لان الشاشتين زي بعض TFT capacitive 16 مليون لون وبالنسبة للوضوع الشاشتين 800*480 مافيش فرق غير حجم الشاشة في الجراند 5 بوصة زي ما قولت لحضرتك
-
2014-08-06 (05:48:22AM) Samsung Galaxy Grand Neo
سلام عليكم اخي: مبدئيا الجراند نيو افضل من الاس دوس تو من حيث المعالج والرام والذاكرة الداخلية وحجم الشاشة ,, فلا مقارنة بينهم على الاطلاق ,,, حضرتك ذكرت عدد البيكسلز في الاس دوس2 اكبر من الجراند فده راجع لان شاشة الاس دوس2 اصغر من الجراند فبالتالي عدد البيكسلز في البوصة هايبقى اكبر لان الاس دوس 4 بوصة فقط عكس الجراند نيو 5 بوصة ,,, واخيرا السوفت فالاتنين يعملوا بنظام اندرويد جيلي بين 4.2.2 ,,, ارجوا اني اكون افدتك
-
2014-03-21 (06:43:39AM) Samsung Galaxy Grand I9082
الموب معايا ومافهوش مشكلة واداءه كويس
-
2014-03-21 (06:40:55AM) Samsung Galaxy Grand I9082
السلام عليكم اخ ابرهيم: الجراند دوس اغلى من الوين بحوالي 280ج او 320ج + ان الوين اعلى في البروسيسور من الجراند حسب علمي لان بروسيسور وين رباعي والجراند ثنائي والعكس في الكاميرا فكاميرا الجراند اعلى من الوين وبتصور فيديو فول اتش دي 1080p وحجم الشاشة في الجراند اكبر من الوين بحوالي 0.4 بوصة ,,, انتظر اراء باقي الاعضاء
-
2013-12-26 (09:22:51AM) Samsung Galaxy Grand I9082
اخ شريف حضرتك بعد ما حدثت الجهاز فرمته؟ لو مافرمتوش لازم تفرمته من الريكفري مود لان من غير عمل فورمات هاتقبلك مشاكل كتير لو عايز شرح رد عليا
-
2013-12-25 (11:45:15AM) Samsung Galaxy Grand I9082
كان بيحصل معايا كده واكتشفت انه بسبب برنامجين هما مسجل المكالمات وبرنامج عرض صورة المتصل مسحتهم واختفت من عندي المشكلة بس ده كان في نسخة 4.1.2 بعد ما حدثت الجهاز بالروم السعودي 4.2.2 جربت احط برنامج عرض صورة المتصل اختفت المشكلة وده لاني حدثت الروم الخاص بالجهاز لو حضرتك لسة على الروم 4.1.2 انصحك تمسح البرنامجين لو كانوا عندك ووافيني بالنتايج وان شاء الله خير
-
2013-12-25 (10:26:24AM) Samsung Galaxy Grand I9082
نصيحة بلاش الجراند لابنتك لان الجراند حجمه كبير 5 بوصة وهايصعب عليها التحكم واحكام مسكها للموبايل نظرا لصغر سنها وبالتالي نسبة وقوع الموبايل من اديها كبيرة والسامسونج عموما ليس بالموبايل المتين عليك وعلى الاكسبيريا لان خاماته قوية ويستحمل وابعد عن الاحجام الكبير لابنتك نصيحة وانتظر باقي اراء الاعضاء الكرام تحياتي لحضرتك
-
2013-12-25 (10:15:03AM) Samsung Galaxy Grand I9082
ممكن تحدثه انا حدثته من 4.1.2 الى 4.2.2 عن طريق برنامج الاودين وروم الجراند اللي نازل للسعودية اعمل بحث هتلاقي شرح تحديث الجراند عن طريق برنامج الاودين
-
2013-12-01 (09:37:22PM) Samsung Galaxy Grand I9082
السلام عليكم: في خلال يومين ان شاء الله هانزل اجيب الجراند ضمان دولي بس قلقان من حوار الصناعة اذا كانت فتنامي او صيني ولقيت اراء كتير وكلها عكس بعضها بس انا ملاحظ ان الفتنامي ارخص وسمعت انه موجه الى العالم التالت بصناعة رديئة ياترى ايه صحة الكلام ده؟ عايز رد الخبراء في المسألة دي ارجوكم وجزاكم الله كل خير
-
2013-11-26 (10:49:48AM) Samsung Galaxy Grand I9082
Ducati نورتني وشرفتني بمرورك والف مليون تحية لرمز الصمود رابعة انا هاخد بنصيحتك واشتري بضمان دولي ان شاء الله والافضل فعلا تجيب جهاز انت اول واحد تلمسه احسن ما تجيب جهاز فيه عيوب انا كنت فاكر الجهاز جديد بضمان دولي اغلى من كده بس اكيد هاجيبه جديد لو ده سعره 2150ج وشكرا لحضرتك :)
-
2013-11-26 (03:52:04AM) Samsung Galaxy Grand I9082
الف شكر لرد حضرتك السريع بس للاسف الهاي كوبي تقليده اصبح طبق الاصل في كل الشئ حتى في علامة الدوس وفتح وغلق شعار سامسونج بصراحة انا محتار يا استاذ taook وخايف ادفع 2100ج في الارض ... الموبايل ده لاقيته معروض للبيع فهل حضرتك تقدر تقولي اصلي ام لا من خلال اللينك ده
-
2013-11-26 (01:32:23AM) Samsung Galaxy Grand I9082
نويت اشتري جراند مستعمل ان شاء الله بس ازاي اتأكد ان الجهاز اصلي مش هاي كوبي؟ هل الضمان وحده يؤكد ان الموبايل اصلي ولا في اختلافات اخرى ارجوا الرد وجزاكم الله كل خير