بدور علي ايه؟ اكتب رقم موديل الموبايل الابدور عليه
mohamed66
احدث المشاراكات
-
2017-09-08 (05:05:23PM) Xiaomi Mi Max 2
من فضلكم يا جماعه لو حد من حضراتكم اشتري وجرب الموبايل ده يقولنا رأيه فيه أيه لو سمحتوا .. وهل فيه فرق واضح وملحوظ بينه وبين المي ماكس 1… من حيث الصوت والأداء والبطاريه،والشحن السريع .. نتمني حد يفيدنا بتقرير عنه ولحضراتكم جزيل الشكر
-
2017-08-27 (07:13:20PM) Xiaomi Mi Max 2
من فضلكم يا جماعه لو حد من حضراتكم اشتري وجرب الموبايل ده يقولنا رأيه فيه أيه لو سمحتوا .. وهل فيه فرق واضح وملحوظ بينه وبين المي ماكس 1… من حيث الصوت والأداء والبطاريه،والشحن السريع .. نتمني حد يفيدنا بتقرير عنه ولحضراتكم جزيل الشكر
-
2017-05-14 (11:37:04PM) Samsung Galaxy C9 Pro
حضرتك مشكلة الجهاز ده إنوا منزلش في التوكيلات رسميا فبالتالي مش هتلاقي ليه اكسسوارات ولو لا سمع الله حصل فيه حاجه مش هاتعرغي تصلحيه لأن مالهوش قطع غيار في مصر أنا شخصيا كان نفسي ينزل رسمي في التوكيل كنت اشتريته مباشرة ولكن انا اتصلت بالشناوي قالو لي ضمان دولي سألت علي الاكسسوارات مفيش .. يبقي طبيعي جدا الاختيار هايكون s7 edge وده جهاز محترم جدا… أرجوا أن أكون أفدت حضرتك ..
-
2017-04-01 (01:15:44PM) Samsung Galaxy S8
أيه التهريج ده من سامسونج شاشه 5.8 إنش وبطاريه 3000 ملي امبير الزاي ده ده انا بعت النوت 5 بعد شراءه بخمس ايام علشان بطاريته حتي لو بيدعم الشحن السريع انا مش هامشي في مشاويرى بالشاحن في جيبي .
-
2017-02-28 (12:12:40AM) Samsung Galaxy A7 - 2017
أشكرك جدا علي الاهتمام والرد
-
2017-02-26 (12:03:48PM) Samsung Galaxy A7 - 2017
حضرتك بالنسبة للصوت اعلي من a7 2016 ولا نفس الصوت اعني النغمات وسماع الفيديوا ... الخ
اتمني ترد عليا لأن ده يهمني جدا أنا معايا a7 2016 شاريه من حوالي شهر ونصف وعرضه للبيع علي سوق المستعمل في الموقع ده وبفكر اشتري يا a7 2017 أو هواوي ميت 9 -
2017-02-14 (08:13:55PM) Samsung Galaxy A7 - 2016
انا كل ما بعمل البصمة وبتتكون 100% وبكتب الرقم السري المطلوب وبأفل الموبايل ولما باجي افتح بالبصمه بيقولي ادخل الرقم السري لحين ضبط الحمايه من فضلكم حد يقولي افعلها الزاي
-
2016-08-31 (05:19:01PM) Huawei P9 Plus
أشكرك جدا أستاذ tony 195 علي ردك أنا فعلا من عشاق هواوي بدأت بالجي 7 والميت 7 ram 3g والميت 8 رام 4ج وفعلا اشتريت البي 9 بلاس من واحد صاحبي استعمله 4 أيام وبعته انا كمان بعد استخدام 4 أيام الحقيقه موبايل تحفه بجد ومن أفضل ما انتجت هواوي كأمكانيات وحجم ولكن الشيئ الوحيد اللي ازعجني منه وخلاني بعته هي تعليق في اسهم الانتقال اسفل الشاشه عيب أزعجني جدا لدرجة إني لغيت اسهم أو زر الانتقال وكنت بشتغل بالزر العائم فهل يا تري دا عيب في المديل ككل وللا عيب في الموبايل اللي كان معايا أرجوا الرد
-
2016-08-04 (07:04:31PM) Samsung Galaxy Note 7
هو الجهاز تحفه فعلا بس تمنه مبالغ فيه وعلي موقع رايه شوب بيقولوا سعره هايتراوح من 11الف : 12 الف جنيه واعتقد إن كده قليلون اللي هايشتروه .
-
2016-07-17 (10:25:03PM) Samsung Galaxy J7 2016
الألوان جولد واسود وابيض انا اللي معايا جولد أفتح من الجولد بالجس 7 القديم لكن مسألتش علي الألوان التانيه موجوده ولا لأ
-
2016-07-15 (02:19:17PM) Huawei P9 Plus
من فضلكم يا جماعه أنا معجب جدا بالموبايل ده وكنت عايز اعرف الوان الشاشه زي السوبر أموليد بتاع السامسونج ولا لأ .. والصوت أحباره أيه عالي وللا متوسط والكاميرات فعلا رائعة وللا عاديه ..الباقي أنا عارفه .. بس أرجو تلرد عن تجربه .. أنا عارف إن محدش هايرد علي .. بس قولت أحاول وانا ونصيبي
-
2016-07-14 (06:07:22PM) Samsung Galaxy J7 2016
شوف يا أستاذ valnm 1000
الفرق بين ال j7 العادي وال j7 2016 بينحصر في الآتي
أولا ماتيريال الموبايل الجديد اللي هو 2016 أقوي وأفضل من القديم .
السوفت وير بتاع الجديد مرشيملوا وفيه ميزات أفضل من القديم .
الجديد الرامات أعلي والبورسيسر أقوي والبطاريه أقوي طبعا من القديم ودي مهمه جدا .
حجم الجديد اقل كام ملي في الطول .
أما عن السخونه فأنا هاري الموبايل نت لأن أستخدام النت كله بالنسبه لي من الموبايل ومع ذلك السخونه عاديه جدا جدا إنما القديم كان معايا قبل ده وكان بيسخن جدا .
بالنسبه لسرعة النت وقوة الشبكه انا شايف الجديد افضل من القديم .
السرعه والأداء الجديد أفضل طبعا وده من خلال استخدامي .
أرجوا أن أكون أفادتك .. -
2016-07-12 (05:19:06PM) Huawei P9 Plus
الموبايل موجود في مصر في التوكيلات من آخر شهر 6 رايه وموبايل شوب وآي تو بسعر 6899 جنيه مصري .
الموبايل تحفه طبعا وشوفي حضرتك فرق السعر هايبقي كام ولكي الإختيار -
2016-07-12 (01:45:04PM) Samsung Galaxy J7 2016
الله يبارك في حضرتك ..
للأسف الزراير اللي تحت مش بتنور وكنت أتمني يكون فيه لمبة إشعارات برده للأسف مش موجوده وكمان ما فيهوش بوصلة ولا أخذ لقطة شاشه بسحب اليد . -
2016-07-11 (03:02:03PM) Samsung Galaxy J7 2016
بعد استخدام حوالي أسبوع
أولا السوفت وير بتاع الجهاز ممثاز جدا وسريع جدا بالنسبه لإمكانيات الجهاز أفضل بكتير من الجي 7 العادي .
جسم الموبايل وشكله مريح جدا والخامه افضل طبعا من الجي 7 العادي .
البطاريه قويه جدا ما شاء الله بتقعد معايا يومين باستخدامي العادي .. علي فكره أنا ماليش في الالعاب خالص .
الشبكه بتاعة الموبايل قويه جدا وزوجتي معاها هواوي 4c لكن موبايلي تفوق عليه في الشبكه وسرعة النت.
الكاميرات الأماميه والخلفيه الحقيقه مجربتهاش كما ينبغي لكن الظاهر إن لم تكن أفضل من سابقه فهاتكون زيه .
صوت الموبايل مش حاسس بفرق بينه وبين الجي 7 العادي .
شكل الجهاز زي الجي سفن العادي تماما مع فرق زر تعلية الصوت والحجم أقل في الطول كام ملي
الاسكرينه بتاعت الجي 7 العادي بتركب عليه عادي جدا .
الجرابات أنا لقيت له جراب ظهر نزل ليه من أول يوم اشتريته .
طبعا الشاشه وألوانها ما فيش أحلي من كده .
كنت أتمني إن الصوت يبقي أعلي شويه وكمان يكون نازل ببصمة .
الجهاز بالنسبة لامكانياته وسعره أنا شايفه الحقيقه معقول جدا جدا بالنسبة لعشاق السامسونج .. وأي استفسارات أنا تحت أمركم
سامسونج j7