بدور علي ايه؟ اكتب رقم موديل الموبايل الابدور عليه
ahmedtitos
احدث المشاراكات
-
2015-07-18 (01:43:16PM) Huawei HONOR 4X
بصراحه ندمان انى اشتريت الموب ده بيهنج اوى وذاكرته صغيره جدا ومكنتش متوقع ان يكون ده ادائه خصوصا حوار انه ثمانى النواه
هاشترى الجى 7 تانى -
2015-06-20 (05:23:46PM) Microsoft Lumia 640 XL
محتاج اعرف شويه حاجات عشان بجد بفكر اشترى التليفون ده بس عاوز اعرف
1- هو ينفع اخد سكرين شوت من اى شاشه على الموب ولا الخاصيه دى مش موجوده
2-بالنسبه للامان او قفل الشاشه هل موجود اكتر من اختيار زى النقش او الباسورد ولا مش موجود
3- هل الجهاز بيجى معاه هاند فرى ولا لا لانى شوفت ريفيوهات على النت والعلبه مبيكونش فيها هاند فرى
4-هل مساحه 8جيجا كذاكره داخليه كفايه وهل ينفع انى انقل التطبيقات لذاكره كارت الميمورى ولا مينفعش
بجد ارجو الاجابه فى وقت سريع لانى بفكر اشتريه خلال ايام -
2015-06-15 (07:00:47PM) Huawei Ascend G7
الموبايل فيه خاصيه nfc علفكره
-
2015-06-07 (08:54:01PM) Huawei Ascend G7
@matrixman فعلا البطاريه من اكتر الحاجات اللى مميزه فى الموب لان اداءها خارق وتقريبا بتعمل معايا الاداء ده بس انا شغلى الخفيف جدا جدا جدا بسمع ميوزك او راديو لو مفيش معايا نت
-
2015-06-07 (08:51:48PM) Huawei Ascend G7
@saysooo جبته من المدينه عندنا التليفون منتشر والمحلات بتجيبه وبيخلص بسرعه فشوف حد تكون تعرفه صاحب محل موبايلات يجبهولك ولو انت من الجيزه اسال على محل العفاريت فى ميدان الجيززه مشهور جدا هتلاقيه عنده انا والسعر فانا جبته ب2200 بالاسكرينه وكارت ميمورى 8جيجا ودلوقتى عشان النسخه الشريحتين فسعره النسخه الشريحه الواحده تقريبا 1100والشريحتين ب23002 وبصراحه لحد دلوقتى التليفون مريحينى جدا
-
2015-05-15 (05:42:58PM) Huawei Ascend G7
نبذه قبل المقارنه انا كان معايا قبل الموب ده samsung galaxy core من حوالى سنه وكام شهر وده كان اول سمارت فون اشتريه وكانت تجبه مريره الصراحه :D تليفون معفن بكل ماتحمل الكلمه من معنى كخامات واداء حاجه تقرف واسف طبعا على الغلط بس عزائى الوحيد ان التليفون مبقاش موجود ولا متوفر فى السوق
اشتريت التليفون ده من شهر تقريبا بعد مفاضله كبيره بين موديلات كتير زى سونى z1& t2 و htc 816 (قبل استبعداه بسبب مشكله التاتش الشهيره) وسامسونج a5 (تم استبعداه بسبب سعره العالى) واخيرا اللى كنت هاموت واجيبه هاواوى p7 بس للاسف كنت مستعجل وملقتوش فى المنطقه لانه مطلوب جدا وبيخلص بسرعه
نبدا المقارنه بقى
اولا الشكل موبايل شيك جدا ومن اشيك الموبايلات الموبايلات فى السوق (وجهات نظر) بس فعلا الموب مسكته حلوه جدا وحجمه ممتاز بس للاسف صعب انك تستخدمه بايد واحده لكن فيه خاصيه انك تكتب بايد واحده بتشغلها من الاشعارت والموب فعليا فيه شبه كبير من الايفون6
ثانيا / الشاشه شاشه اداءها مبهر جدا ممتازه جدا وحجمها كبير بتوضح كل التفاصيل وبالنسبه لعرض الصور فهى واضحه جدا جدا وطبعا مع وجود سينسور الاضاءه فالشاشه بالنهار اداءها جبار وكل حاجه بتكون واضحه فيها عادى جدا
ثالثا / الخامات الموب جسمه بالكامل معدن وملمسه بجد تحفه الزارير اللى فى الجنب سواء الصوت او البارو المونيوم واقل ضغطه ببتشغلهم
الكاميرا / سؤاء الاماميه او الخلفيه فبصراحه منتهى الجمال سؤاء كان بالنهار او بالليل فعلا كاميرا قويه جدا خصوصا بالنهار
رابعا/ الاداء ودى اهم نقطه وبصراحه كنت هاصرف نظر عن التليفون بسبب كلام عن انه اداءه ضعيف بس لما اشتريته وبدات التجربه الاداء كان مبهر وجربت عليه تقريبا معظم الالعاب التقيله وكان اداءه مرعب مفيش اى تهنيج نهائى والسخونه بسيطه جدا ولا تذكر ومبتحصلش غير لما تكون الدنيا حر ومشغل اكتر من اربع تطبيقات مثلا وبرضه بتكون بسيطه اوى
البطاريه / بصراحه سامسونج انا لو كنت هاخرج مشوار 6 ساعات وراجع تانى كنت لازم اشحن البطاريه 100% عشان ارجع بيها تكون 10%
بطاريه هاواوى خرجت بيها الساعه 7 الصبح وكانت 23% رجعت بيها الساعه 7:30 بالليل كانت 1% يعنى 12 ساعه شغل اضاءه الشاشه فى النص وفيس وكاميرا ونت وعلى 23% البطاريه
شغل تقيل جدا بتقعد يوم كامل
شغل متتوسط بتقعد يوم ونص
شغل خفيف جدا بتقعد يومين
فعلا اداء البطاريه جبار بجد
الخلاصه / الموب يستاهل كل قرش ادفع فيه ويستاهل اكتر كمان والله بمنتهى الامانه ويعتبر احسن موبايل فى الفئه دى وانصح اى حد انه يشتريه لو بيفكر يشترى -
2015-03-20 (03:39:02AM) Huawei Ascend P7
ياجدعان لو سمحتم انا محتار جدا بين الموب ده والهونر 6
انهى احسن فيهم -
2015-03-18 (11:27:11PM) Sony Xperia Z2
لو سمحتم ياجماعه اللى عنده فكره عن اسرع طريقه يتبعتلى بيها الموب ده من السعوديه وايه احسن شركه شحن وارخص طريقه
ياريت الرد -
2015-01-15 (11:26:11PM) Alcatel Pop C5
ازاى اخد اسكرين شوت من الموب ده
-
2014-02-13 (11:51:19PM) Samsung Galaxy Grand Neo
سامسونج جراند ومابعده من احسن اجهزه سامسونج بشهاده ناس مستخدمين مش بشهاده مواقع الله اعلم انتمائتها ايه
-
2014-02-13 (11:49:29PM) Samsung Galaxy Grand Neo
AndroidMan
الكور جهاز جميل اوى ومعايا داخل على شهرين والحمد لله مافيهوش اى مشاكل رغم انى منزل تطيبقات كتير جدا ونصيحه منى متسمعش كلام حد انا كل الناس كانت مخوفانى منه وجمدت قلبى واشتريته والحمد لله مندمتش ومعظم اللى بيشتموا فى فى سامسونج بيشتموا لصالح شركات تانيه وانا مش بقلل من الشركات دى بس وجهه نظرى ان سامسونج من احسن واقوى الشركات فى مصر والعالم بدليل نجاحها ومبيعاتها الخرافيه
peebo
سيبكم منهم يامعلم هما بيكرهوا اى حاجه نازله من سامسونج وبيفتكروا ان احنا بناخد فلوس من سامسونج عشان ندافع عنهم لكن والله ربنا اللى يعلم انى بقالى 6 سنين انا ومعظم اصحابى بنستخدم اجهزه سامسونج وعمرنا مااشتكينا منها فى حاجه شركه ناجحه بتشوف عمليها عاوز ايه وتنزله عاوز موبايل فخم مالوش حل بامكانيات خرافيه زى النوت3ب5500 والاس4 ب4500وعاوز امكانيات على قد ايدك وتكون شايل موبايل اندرويد 650 فيه موبايل ستار باحدث نظام تشغيل مش زى الحاجه اتش تى سى اللى بتزل اقل امكانيات ب2500 و3000 ولو امكانيات عاليه تلاقيها ب6500 والمشكله ان محدش منهم لسه استخدم الموبايل عشان يحكم عليه لكن هنقول ايه مدام مكتوب عليه سامسونج يبقى يااااى وحش اوعى تقرب منه
بجد انا مقفتنع بان سامسونج احسن شركه فى العالم وده رأيى الشخصى -
2014-02-11 (02:35:49PM) Samsung Galaxy Grand Neo
نفسى افهم الناس اللى بتحكم على الجهاز حتى من غير ماتستخدمه وانا معايا سامسونج جالكسى كور والله العظيم موب تحفه مالوش حل وجبته رغم ان كل الناس خوفتنى منه والله وقع كذا وقعه على الشاشه والحمد لله مافيهوش اى حاجه رغم انه كنت مركب سكرينه عره من الرخيصهياجدعان استخدموه الاول وبعد كده احكموا لو سمحتوا
-
2014-02-11 (02:29:08PM) Samsung Galaxy Grand Neo
سورى يعنى حضرتك جربته ولا بتتكلم على اساس الموب القديم ولا ايه بالظبط
-
2014-02-07 (02:13:27PM) HTC Desire 700 dual sim
ده مواصفاته بالظبط جالكسى كور ماعدا الكاميرا الكور فيه 5 ميجا وده الكاميرا فيه 8 ميجا واحتمال يكون اصدار الاندوريد 4.3 او 4.2.2 مستحيل يكون كيت كات والكور ب 1800 ضمان محلى
اقطع دراعى ده لو منزلش من 2750 الى 3500 يبقى انات معرفش حاجه -
2014-01-15 (07:11:25PM) Samsung Galaxy Core I8262
السلام عليكم ياشباب
هو مفيش اخبار عن تحديث 4.2.2 ولا لسه ولا هنستنى الكيت كات علطول
samsung galaxy core ع الزيرو
الش...