بدور علي ايه؟ اكتب رقم موديل الموبايل الابدور عليه
احدث المشاراكات
-
2013-09-22 (11:17:33PM) Samsung Galaxy Ace 3
عندي مشكله يا جماعه و مش عارف سببها!!
عني الفايبر و السكاي بي مش بيشتغلوا من علي الباقية بتاعة الخط , انما لو واير ليس بيشتغلوا!!!!
الفايبر بيقولي لو جيت اتصل بحد ان مفيش انترنت كونكشن!!! رغم ان الفيس و الواتس اب شغالين
السكاي بي بيفتح اونلاين و بعد ثانيتين ما بيبقاش كونكتد!!!!
يا تري ايه المشكله انا مشترك علي باقة 25 من فودافون -
2013-09-08 (01:34:23PM) Samsung Galaxy Ace 3
لا انتي فهمتني غلط انا بقولك ده اول موبايل سمارت فون ليا
عموما هحاول اجاوبك علي اللي هاقدر عليه
1- مش عارف :D
2- لازم تقص الخطين
3-لسه اول يوم ليا مع الموبايل بس كل الاعضاء قايلين ان العيب البطارية
4-لا نزلت اربع برامج بس
5- الصوت واضح و عالي جدا و صوت المايك كويس جدي و مفيش اي صدي صوت
6- صوت الموبايل مقبول بس هو مش عالي
7 الموبايل سريع
8- هو السؤال رقم 3
9- قول يا رب ما تظهرش
10 الناس كلها قايله ان الايس 3 احسن من الكور
-
2013-09-08 (11:22:33AM) Samsung Galaxy Ace 3
سلام عليكم
الحمد لله اشتريت الموبايل امبارح و هو جميل و سريع و شكله شيك
بس يا ريت عايزين حد يعمل صفحة ع الفيس بوك للموبايل و كده لان ده اول موبايل سمارت ليا و انا بصراحه محتاس و عايز حد ياخد بايدي :D
بالمناسبة انا جبت الموبايل من القاهرة و سعره في المحلات في وسط البلد حوالي 1825
عند التميمي قالي 1925 !!!!!!!!!!!!!!! عايش لوحده بصراحه
عند الافوكاتو 1825
انا نزلت شارع عبد العزيز .. هو عند الباشا ب 1800 جنيه بس انا جبته من محل اسمه ابو ريشه ب 1775 جنيه
الاسكرينه جبتها من محل الباشا ب 20 جنيه و للاسف لسه الكفرات ما نزلتش عشان لسه الموبايل جديد
انا اشتريتله كفر سيلكون ضهر بس ب 10 جنيه من الشارع اللي جنب عبد العزيز بتاع الاكسسوار كتير قالولي 30 جنيه بس طبعا ما اشترتش لحد ما جبته ب10 و ربنا يسهل و الفليب كفر ينزل بقي
حد بقي يشوف موضوع صفحة الفيس بقي :D -
2013-08-30 (08:11:07PM) Samsung Metro E2202
سلام عليكم
كنت عايز اشتري موبايل لوالدتي ...اهم حاجه يكون صوته عالي و واضح حتي من غير الاسبيكر و مايزيدش عن 200 جنيه و ياريت لو شاشته كبيرة
-
2013-08-27 (04:42:42PM) Samsung Galaxy Ace 3
طيب انا محتار بيته و بين الالكاتل 997d
في حد قالي ممكن يجيبه ال 997d بحوالي 1550
يا تري رايك ايه؟
-
2013-08-17 (09:36:14PM) Alcatel OT-997D
بصراحه كده عايز اقول ان جهود الناس هنا خاصة دكتور ابو اياد و الاستاذ وهبة و دكتور محب في الصفحة جباره و من الاخر كده خلت الموبايل في السوق اتنسف و معدش موجود! ..........
انا لفيت وسط البلد و مالقتوش غير في محل الافوكاتو و رافع تمنه 100 جنيه عشان عارف انه مش موجود بيبيعه ب 1650 جنيه!!
بس انا بعد ما كنت مقرر اشتريه لاقيت سامسونج نزلت ACE 3 و بصراحه لو الفرق 150 جنيه لان تمنه 1800 تبقي المقارنه في صالحه
اصغر في الحجم ... اخف...فرق 200 ميجا في البروسيسور لصالحه غير ان مفروض ان في نسخه منه بتدعم الجيل الرابع .. مش واثق ان الموجوده في مصر بتدعم الجيل الرابع و لا لاء.
هي الكاميرا 8 ميجا في الكاتل اعلي من السامسونج بس كله هنا بيقول ان الكاميرا مش كويسه و عيب في الالكاتل
اعتقد ان كمان الذاكره الداخلية اعلي غير ان الساكمسونج احسن من حيس الاكسسوارات و سعر اعادة البيع و الصيانه و كده
انا كنت مقرر اشتري الكاتل و اشتركت علي الصفحة بتاعة الفيس بوك بس دلوقتي متردد
معلش ...انا بس باخد رايكوا لاني مقدر جهودكوا و يجعله عامر ربنا يستر علي مصر
-
2013-06-24 (09:30:42PM) Alcatel One Touch X Pop
محتار بين الموبايل ده و بين LG Optimus L5 II Dual E455
ايهم الافضل
كمان عايز اعرف هو الموبايل ده بيشتغل خطين في نفس الوقت Standby dual sim عشان النقطه دي مش واضحه في المواصفات
شكرا