بدور علي ايه؟ اكتب رقم موديل الموبايل الابدور عليه
mared
احدث المشاراكات
-
2013-06-01 (04:10:25AM) Sony Xperia TX
انا بصراحه لسه ما جلابتوش بس الى اعرفه وشوفته فى فيديوهات اجنبيه عن الهاتف انه بيدعم العاب البلايستيشن2 والبى سى زى مثال لعبه جاتا (حرامى العربيات) وتقدر تشوف الفيديو ده على اليو تيوب
بصراحه استجابته كمان عاليه جدا وسريعه والمعاج بتاعه ثنائى النواه كور ديو1.5 يعنى بيدعم العاب ال3d
ان شاء الله سونى مقدمه السنه دى مجموعه من الهواتف فى اعتقادى هتاكل السوق من الابل والسامسونج والنوكيا بدون الاندرويد راحت عليها -
2013-05-30 (03:14:17AM) Sony Xperia TX
بص يا باشا
من خلال بحثى الطويل نهار وليل عن اىهم الافضل
انا كنت اقارن بين Z.... acro s.... TX ....V
انا هنقلك خبرتى من البحث ومشاهده المراجعات
خرج ال Z برا المنافسه لانه فوق المنافسه مع انه يعيبه بعض الامور لكنه عملاق السونى
1/من ناحيه الصوت-- اعلى صوت فيهم كلهم TX ثم ACRO S ثم V
2/من ناحيه الكاميرا-- TX و V اعلى كاميرات 13.1 ميجا تصوير بانورامى ثلاثى الابعاد فول اتش دى ACRO S الكاميرا 12 ميجا وتصويرها ضعيف شوى
3/ التصميم-- الشياكه والاناقه فى ال TX يليه الACRO S يليه V
4/التحمل والخصائص -- اقواهم على الاطلاق ACRO S مقاوم للصدمات والخدش والماء والشقلبه والمرمطه كمان يليه ال V مقاوم للاتربه والماء والخدش ثم tx الشاشه فقط مقاومه للخدش والتحطم وليس الماء
5/حجم الشاشه والوضوح-- اكبر حجم فيهم هو TX 4.55 يليه ACRO S يليه ال V
6/ البطاريه-- من الاخر كل الاجهزه العاليه وكل اجهزه سونى مشكلتها البطاريه لا تتحمل اقصى مده لها يوم ونصف
7/برنامج المشغل-- الاعلى فى الاندرويد اولا V ثم ال TX الاثنين جيلى بين
8/ الثمن - TX=3100 // V=3500 //ACRO S=3350 //Z =5000
----------------------------------------
من وجهه نظرى ومقارناتى بينهم بالاضافه الى رائ الاخ KARIM لى عن تجربته قررت انى اختار XPERIA TX
هذا افضلهم على الاطلاق -
2013-05-30 (02:53:33AM) Sony Xperia TX
سعره يا برنس دلوفتى على سوق دوت كوم 3099 جنيه بتاريخ 30/5/2013
فى المحلات غالبا بيكون ما بين 3200 الى 3350 جنيه -
2013-05-30 (02:50:54AM) Sony Xperia TX
المشكله تكمن فى ان الناس لا تعرف قيمه سونى فى مصر
ودا الى بيخلى الاسعار تكون منخفضه نسبيا عن باقى الاجهزه وخصوصا النوكيا -
2013-05-30 (02:49:20AM) Sony Xperia TX
الى انا اعرفه او سمعته ان ال4جى هتشتغل فى مصر خلال شبكه اتصالات والمصريه للاتصالات فى الربع الاخير من2013 اكيد
بالنسبه للv الميكرفون صوته ضعيف اوى متسمعوش فى الشارع
اما الtx and acro s صوت الميكرفون قوى وعالى ونقى كمان -
2013-05-29 (02:48:06PM) Sony Xperia acro S
اوك استاذ كريم انا هجرب الكاميرا قبل ما اشترى بس فى رائ حضرتك ايهم تفضل من حيث:
الصوت
التصميم
الكاميرا
امكانيات الشاشه
واخيرا قوه التحمل -
2013-05-28 (05:46:11PM) Sony Xperia acro S
بصراحه الموبايل دا داخل دماغى اوى انا كنت بقارن بينه وبيه ال tx و z
بس انتهى بى الامر انى هشترىه علشان سعره وشكله وصوته وامكانياته الجباره
الz كويس جدا وشكله وتصميمه روعه وشاشته فائقه الجمال والدقه بس غالى اوى فى مصر 5000 وانت طالع
الtx بردو ملوش حل وجهاز جميل جدا وصوته وكاميرا رائعه وسعره قريب من الacro s بس تصميمه انا مش حابب فيه التعريجات الى فى البادى والمطب الى فيه من ورا ده شكله مش عاطفى
انما الاكرو كامير معقوله زى nokia n8 وصوته عالى وكويس شاشته زى tx وارخص من z/tx
3000 كويس الى حد ما واهه الواحد يجرب فيه نظام الاندرويد لانه جديد عليا اول مره انا من عشاق النوكيا على قديمو 3300 لحد N8 فهجرب فيه الاندرويد ولو كويس ابقى اجدد لما يطلع حاجه احسن كمان من سونى ويكون الجيل الرابع اشتغل فى مصر اسف على الاطاله
سلام -
2013-05-28 (02:40:39PM) Sony Xperia TX
انا منتظر الاجابه زيك بالضبط
-
2013-05-28 (02:38:45PM) Sony Xperia TX
السلام عليكم
يا جماعه انا محتار بين tx و acro s و z
انا مبحبش كلام الانشا انا عاوز المختصر والى يهمنى
انا عاوز اعرف ايهم افضل من حيث:
اولا الصوت ايهم اعلى وانقى (و اتك على حته اعلى دى)
ثانيا الكامير وتصوير ال HD
الشاشه من حيث السطوع والالوان والبهتان والاستخدام وقوتها
الاناقه والشياكه والمتانه للجهاز -ضد الماء+الخدش للجسم الموبايل والشاشه ايضا
وحجم الذاكره على ما اعتقد كلهم 16 جيجا يشيل لحد 32
نظام الاندرويد بصراحه انا من مستخدمين نوكيا على قديمو واشتريت اغلب موبايلاتها لحد اخرهم ال N8 ومعنديش فكره عن الاندرويد وان شاء الله او استخدام الاندرويد هيبقى سونى محدش يقولى سامسونج لانى مش برتاح له خالص ولا الايفون
واكون شاكر لكم جميعا
اهم شى عندى صوت الجهاز يكون عالى وواضح